APOOCADIISI 12:9 - Wanaadi A'deddu

⁹ Caju ñanno cönootonno’jajoi yaawä caimaana, ñäädä äcääyu, jenaadä cönä’ja’dö, odo’sha täätö, Caajuushawa täätö mmaja, nono de’woncomo encu’täneichomo. Töwö nono de’cäi cönootonno’jajoi tamoodedö jadäiñe.

APOOCADIISI 12:9 ပူးပေါင်းရင်းမြစ်များ

MATEO 13:39

Ñäädä chu’dedö, conemjönö ñaatö’tänei’jödö, odo’sha cu’tädö ñäädä. Yää aiyodö cu’nädö anooto wataamedö cu’tädö. Ñanno äiña aiyonnamo ñanno Wanaadi amoodedö cu’tädö.

MATEO 24:24

joojeene yeiya’como äwaanacaaneija’como wätä’tädö, jooje mmaja Wanaadi wa’deuwödö ecammannamooja’como wätä’tädö. Tönwanno jooje ene’ju’tojo nödööaato’de, jooje täneemö mmaja, Wanaadi sotoi jadä’jödöödä encu’täto’comoojatö’jödö.

MATEO 25:41

“Yaawä töwö Cajiichaana nä’döa’de ämu’dato dö’sencomo wwä: “Ojoncomo jonno änwanno töwännanö’aamö; wa’to töwaatamemjönö aca ojoncomo, yää odo’shancomo weicho’comooje choonecaajä naadö.

MATEO 4:1

Yääje mma yaawä Jesuuquidiito cöntämä jata ’jemjönö aca, Epíiditu Santo nanontädö woije, töwä’yunaacajoodö wetä odo’sha wwä.

MATEO 4:10

Yaawä Jesuuquidiito cönä’döaacä odo’sha wwä: —Äjääne amäädä Caajuushawa. Yääje Wanaadi a’deddu imennaajä nä’döa: “Adheedhajä Wanaadi mmaane ya’deme’jai ma; chäwwä mmaane tödööjai ma;” quee nä’döa Wanaadi a’deddu imennaajä; quee cönä’döaacä Jesuuquidiito.

MATEO 4:5

Yaawä odo’sha Jesuuquidiito cönaadäi Jeduusadén ña, yää aashichaato jata ña. Wanaadi weichojo judu de’wä cönnöi, cawä;

MATEO 4:8

Yää ’jeje odo’sha cönaadäi chea jöö cawooto de’cäi. Chäwwä cöneenejoi tameedä edä nono de’wono jata, tameedä iiñataadö mmaja.

DUUCA 10:18

Jesuuquidiito cönä’döaacä chäwwäiñe: —Weneeaqueene Caajuushawa wejuccadö caju ñanno, yäncucuudu nönge.

DUUCA 13:16

Töwaacö’je määdhä wodi, Aawadán weichö, wäädeetatoojo anootoi’chädö awä täde’tanö’emje nä’jaanä, yää Caajuushawa nichäädä’ñä’jödö awä juujatonnoto de’wä aaduwaawä wedu i’wadö’taajä nönge nä’jannö; quee cönä’döaacä Jesuuquidiito.

DUUCA 22:3

Yaawä Caajuushawa cönääwaacai Juudha aca, ñäädä Icaadiyooteje chäätö cönä’ja’dö, ñäädä amoojadooto de’wä aaco’como jimmä.

DUUCA 22:31

Yaawä Cädhaajotoncomo cönä’döa’dea: —Amäädä Simón, Caajuushawa adhe’ca’täne ayuunacaadöcoomo wetä, tönö’nä momjödö töweiye naichöje.

DUUCA 8:12

Yää ääma taawä cönä’meichö, Wanaadi a’deddu etannamo cu’tädö yää. Odo’sha ne’a yaawä; Wanaadi a’deddu etaajä chö’tajäätödö jäconno nichö’taque’ja yaawä, chäwwäiñe ecamjödö queiñe, yääwanaacadööcomo queiñe.

JUAN 12:31

Eduuwä nä’döi edä nono de’woncomo emmencato’como aca. Eduuwä nä’döi edä nono de’wono waanontädö u’catoojo, ñäädä odo’sha.

JUAN 14:30

“Mädä jonno jooje a’deuwö’da wa’de äwwäiñe, edä nono de’wono waanontädö weejödö weijäcä, ñäädä odo’sha; töwö ye’jodheinchajai’cha na.

JUAN 16:11

Odo’sha chaana’ca’jödö yää Wanaadi töne’jodheincha yeichö eneejotoojo.

JUAN 8:44

Odo’shaane oomotoncomooje na; änwanno tödö’se määnetääne oomotoncomo odo’sha woije. Töwö cönä’jaacä ämaatä awa’deene yaajäntä’jödö jonnoto’jödöödä. Töwä’dune töwö jooje; chäänöngato ’je’da na chäwwä. Juutuje töwa’deuwe weneene, juutuje töweijäcä, juutuje weiñä edhaajäje töweijäcä mmaja.

DOSECHO 26:18

Chäwwadäädäiñe manaanonta menu’täiyeto yaawä, tööjano’tacanno eejöiyeto tawaanato aca, odo’sha woije töweichöcoomo jonno Wanaadi woije eiyeto. Yaawä chäwwäiñe ecaanö’a’jäcä choone’nadiiyöcoomo necocca’de; öwö wu’a’de chäwwäiñe tameedä önconeecadö wwäiñe töwä’tue weneene dea; quee cönä’döaacä Jesuuquidiito öwwä.

DOSECHO 5:3

Yaawä Peedhodo cönä’döaacä Aananía wwä: —Aananía, ¿aaquene Caajuushawa ätö’tajäätödö aca nä’döi chea Epíiditu Santo encu’tädo wetä äwwä anaudä’jödö eje’jödö jäcä?

DOMAANO 16:18

Ñanno yääja’como Cädhaajotoncomo Jesuuquidiito anoonöje’da naato; tumjummadööcomo woije mma weneeneto. Tönwanno towoinchado’como tönencu’täiñe weneeneto aashichaato wa’coto ta’dedducoomo que, wäämu’nä’nä que mmaja.

DOMAANO 16:20

Wanaadi ñäädä täncanoode’da weiñä edhaajä. Eduuwaiche mma töwö Caajuushawa odho’cäiñe nemajja’de. Cädhaajotoncomo Jesuuquidiito nutuudu aashichaato äwwäiñe yei’she wa.

2 CODINTIYO 11:14

Cone’da tödööemje’da ’cännä yääje yeichöcoomo, Caajuushawa mmajaane amoode tawaanatooje töwäänejo yeiyajä.

2 CODINTIYO 11:3

Öwö tösaade wa äjääcäiñe; ñäädä äcääyu, äncu’tätä töweichö que Eewa cönencu’täichö wwä mmaja ätö’tajäätödööcomo shaadijannä’cajoojai ätö’taato öwwä, chäänöngato que Quidiito tumjumma aweichöcoomo jonno.

2 CODINTIYO 12:7

Yää Aashichato ña neene’jödö aashicha cönä’jaacä, jooje; yääje yeijäcä jooje deja yää jäcä o’jodhe tö’tajäätödö queiñe se’nato öwwä cönä’tui, wesooca’jä töweiye naichö nöngato. Yää cönä’jaacä Caajuushawa woijato, yuunacaaneije.

2 CODINTIYO 2:11

Caajuushawa wwä co’jodheinchadööcomo queiñe. Cönwanno cowaanäcäiñe’da’da töwö iiñödö.

2 CODINTIYO 4:4

Tönwanno aneecamjö’da töweichomjäcä tötö’tajäätödööcomo cöntööjannä’cajoicho edä nono edhaajä wwä, tänuuque’da töweichöcoomo wetä, aashichaato wätunnä nawaananö’cadö eneedö queiñe töwwäiñe; yää wätunnä aashicha Quidiito weichö jäcä necammajä’a, ñäädä Wanaadi cu’taajä.

EUJEESIYO 4:14

Mudeeshi’chä nönge eijai’cha caato eduuwa, aneene’jutu’da’da; wätunnä waadäi ataadojoojai’cha caato dea, jejeichä nemannäjöödö töweiye naichöje. Ñanno wätäncu’tänä jäcä towaanojo’na’como wwäiñe ätäncu’tojoojai’cha mmaja caato dea, ñanno chäänöngemjönö ai cadä’seiñe weneenetoodö.

2 TEESADOONISENSE 2:3

Mätäncu’tojootäi’che; yää Cajiichaana we’tojo anooto eejö’da na’de Wanaadi jäcä soto wä’jädu’toto’como cu’nädö aca yä’dödö wa’cä. Yaawä ñäädä dhanwa, conemjönö tödöödö edhaajä, nääneja’de, ñäädä töwännanö’emööje töweiyemö.

1 TIIMOTEO 2:14

Adhánjönööne cönäätäncu’tojoi, wodiiñe cönäätäncu’tojoi, conemjönö cönnöi yaawä.

2 TIIMOTEO 3:13

Ñanno conemjöncomo mmaane, äncu’tännamo mmaja, cone’da töweichöcoomo jonno jooje’cä mma necoone’maato’de; äncu’tännamo tönwanno, yäätäncu’täja’como mmaja.

EEWEDEO 2:14

Ñanno “önnacoomo” quee naadö, soto ecammancädäiñe yääje nä’döa. Yääje yeijäcä Jesuuquidiito sotooje cönä’döi, töwäämadö que wäämanä edhaajä e’jodheinchadö wetä yaawä, ñäädä odo’shaje naanei.

1 PEEDHODO 5:8

Odhoowadäädäiñe eichäcä, äädai’chätääcä. Ätu’de’täneichomo odo’sha nätuujiya, mado töwaadeeto tääcaamö tunuujiye töweiye naichöje.

1 JUAN 5:19

Cönwanno cowaanäcäiñe na Wanaadi sotoije cöweichöcoomo. Cowaanäcäiñe na dea odo’sha tameedä edä nono de’woncomo edhaajotoncomooje yeichö.

JUUDHA 1:9

Yaawä Moisé equeejödö jäcä odo’sha acä töwäätäccujäätödaawäiñe ñäädä Miqueede, Wanaadi amoodedö edhaajotoncomoodä, odo’sha äncu’nä’täjäätö’da cöneiyacä. Edääje mma töwö cönä’döaacä chäwwä, odo’sha wwä: “Cajiichaana adheuwa’de;” quee mma cönä’döaacä chäwwä, odo’sha wwä: “Cajiichaana adheuwa’de;”quee mma cönä’döaacä.

APOOCADIISI 12:12

Yääje yeijäcä adha’cwainchatääcä änwanno caju ñancomo. Nono de’woncomo mmaane wentumje naato’de, änwanno mmaja dama ’cwawoncomo, odo’sha adöiñaiñe yä’tä’jödö weijäcä, jooje töwäätömaadöje. Töwö töwäätöma na dhowaanäcä yeijäcä numa’da töweichojo yeichö; quee a’deu cönäätaacä.

APOOCADIISI 12:3

Anejja ene’ju’tojo cönäänea’dea yaawä caju ña, caimaana seweichato. Aacä amoojato iju’jä cönä’jaacä, yeetai amoojadä. Iju’jä de’wä cönä’jaacä canaanadi, tooni nshai chääwaadäi.

APOOCADIISI 12:7

Yaawä caju ña cöneewänä’ta’to. Ñäädä Miqueede, amoode edhaajotoncomo, dhamoodedö mmaja, cöneewänä’ta’to caimaana jadä. A’que cönoonejaicho ñanno caimaana, dhamoodedö mmaja.

APOOCADIISI 12:8

Tönwanno cönooto’jodheinchajoicho Miqueede wwäiñe. Yeicho’como ’je’da cönä’jaacä yaawä caju ña.

APOOCADIISI 13:14

Töwö odoocojaato nono de’woncomo cönencu’toicho täneemö tönnödö que. Chäwwäiñe cönnöjoi awa’deeto odoocojaato cu’taajä. Chäwwä yääje soto tödööto’como u’ajä cönä’jaacä awa’d eto odoocojaato neneedöje, ñäädä sauda que töwäätunui’chä’jödö weichaame cönaadoincaichö.

APOOCADIISI 16:14

Ñanno cönä’ja’to odo’shancomo. Tönwanno ene’ju’tojo tönnöe cönä’ja’to. Cajiichaanacoomo wwadäädä cöntonto tameedä nono weichö wa’cä, i’jummaiñe, töweewänä’tädööcomo wetä Wanaadi jäduujato nichu’nä’tä’jödö anootoi’chädö awä.

APOOCADIISI 18:2

Jäduuje cöncä’töngacä; cönä’döaacä: —Nataamei; Waawidooniya ñano tacaadato nataamei. Odo’shancomo weicho’comooje na eduuwa, canaimä weicho’comooje mmaja, tadiiñaamo töwöödöjööca’como weicho’comooje mmaja, ñanno conemjöncomo.

APOOCADIISI 18:23

Adhaawa niweijodö ääne’da na’de yäätä. Jötaanä tödöödawä töshiiye weiñä weneenedö ääta’da mmaja na’dede yeichöödäje. Yäätoncomo töwäätätöijaamo tacaadeiñe cönä’ja’to, anejjacoomo nono de’woncomo e’jodheiñe. Tameedä soto cönäätäncu’tojoicho ä’waichö que; quee cönä’döaacä ñäädä amoode.

APOOCADIISI 19:20

Ñäädä ecammajä’nei chäänöngemjönö yäätä cönä’ja’dea, ñäädä odoocojaato neneedöje ene’ju’tojo tönnöe cönä’ja’dö. Töwö yää ene’ju’tojo tödöödö que tönencu’täiñe cönä’jaacä odoocojaato eetö que yä’madaaca’ña’como, ñanno chu’taajä ya’deme’nnamo. Yaawä ñäädä odoocojaato cönaatajoijoi chäwwäiñe, cawaayu tajääde’dato de’wä cönä’ja’dö wwäiñe. Ecammajä’nei chäänöngemjönö mmaja cönaatajoijoi chea. A’nädäncädä nudäädä cönäätämaajoicho jiyooto comootödö ña. Iiña wedeinchä nengaato’de, acuudajaada dhatu’jödö jodö joqque.

APOOCADIISI 2:13

Yoowanääcä na tameedä ännödö; ajaatadö mmaja yoowanääcä na dea, Caajuushawa waanontotoojo dö’tä yeichö. Yääje yeichaame ye’nomja’da ma amäädä. Ñanno soto Caajuushawa weichojo dö’tä Antipa cöneemaicho, ñäädä ya’deddu ecammajä’nei, yaanonö chäänöngato mmaja. Ñäädä emaadawä chäwwäiñe yeecamjödö omjome’dä’da meiyaqueene.

APOOCADIISI 2:24

Änwanno dhantai Tiiyatiida ñancomo, yää wätunnä aneecanö’jöncomo, Caajuushawa nowaanomaadö sö’jato täcammaamö jäcä oowanoomajöncomo’jödö, edääje daja wä’döa äwwäiñe: Öwö adhaanontätäiñe’da wa anejja tödöödö jäcä.

APOOCADIISI 2:9

Yoowanääcä na tameedä ännödö, yeetunu eneedö äwwä, tönsomaaque’da aweichö mmaja, Wanaadi nödöödö jäcä tönsomaaque aweichaame jooje. Yoowanääcä na adheementädö ñanno judhíoja’como wätä’tädö wwäiñe, judhíoje’da töweichaameiñe, Caajuushawa sotoiñe.

APOOCADIISI 20:10

Yaawä ñäädä odo’sha, ñanno encu’täneichomo’jödö cönäätämaajoi jiyooto comootödö ña, odoocojaato naadö döiña, ecammajä’nei chäänöngemjönö naadö döiña mmaja. Iiña nätä’maminchajaato’de ano, coijai’jödöödä, yeichöödäje. Iiña wedeinchä nengaato’de, acuudajaada dhatu’jödö jodö joqque.

APOOCADIISI 20:8

Töwö neja’ca’de yaawä sotoocomo encu’täiñe, tameedä nono de’woncomo weichö wa’cä, ñanno Cocca ñancomo, Maacocca ñancomo mmaja. Töwö Caajuushawa ni’jummaato’de yaawä töweewänä’taamoje. Cashiishi wa’cä naato’de, ime’cu’tädö e’jodhe.

APOOCADIISI 3:9

Öwö wene’jaato’de ñanno Caajuushawa sotoi, judhíoja’como wätä’tädö, ñannoje’da töweichaameiñe, äncu’tännamoojeene. Ñanno wene’jaato’de äwwadäädä; tä’mudhe wödööjaato’de aje’taca, dhowaanäcäiñe yeichö wetä öwwä ajummadö.

APOOCADIISI 9:1

Yaawä ijaatoodeaato amoode töjaanau’cwai cöneetöi. Weneeaqueene yaawä caju ñanno shidiichä we’duccaajä nono de’wä. Chäwwä cönä’tui yaawi, ya’tadö inwadö ’jemjönö nata’tadö a’ducaatojo.

APOOCADIISI 9:20

Ñanno soto, yääcomo awä ä’ja’jöncomo’jödö, tötö’tajäätödööcomo änsa’dumincha’da dea cöneiya’to; aneetöma’da cöneiya’to dea conemjönö tönnödööcomo. Odo’shancomo wa’demeecödö mmaja ane’nomja’da cöneiya’to dea, chu’taajä wa’demeecödö mmaja, yää oodo döaajä, jödaata döaajä mmaja, sejaadadi döaajä mmaja, täju döaajä mmaja, dee döaajä mmaja; yää aneenejöönö, aneetajöönö mmaja, oojoimajöönö mmaja.