APOOCADIISI 12:4 - Wanaadi A'deddu

⁴ Dha’cödö shidiichä caju ñancomo cöni’ji’cha’to, jooje, annaicho dö’se, nono de’cäi imeeancädäiñe. Töwö caimaana cöneedennai yaawä wodi tönnedö dhe’madööje cönä’ja’dö je’taca, iiñedö tänäädö wetä yaawä töwwä, yennua’jäcä.

APOOCADIISI 12:4 ပူးပေါင်းရင်းမြစ်များ

JUAN 8:44

Odo’shaane oomotoncomooje na; änwanno tödö’se määnetääne oomotoncomo odo’sha woije. Töwö cönä’jaacä ämaatä awa’deene yaajäntä’jödö jonnoto’jödöödä. Töwä’dune töwö jooje; chäänöngato ’je’da na chäwwä. Juutuje töwa’deuwe weneene, juutuje töweijäcä, juutuje weiñä edhaajäje töweijäcä mmaja.

1 PEEDHODO 5:8

Odhoowadäädäiñe eichäcä, äädai’chätääcä. Ätu’de’täneichomo odo’sha nätuujiya, mado töwaadeeto tääcaamö tunuujiye töweiye naichöje.

APOOCADIISI 12:7

Yaawä caju ña cöneewänä’ta’to. Ñäädä Miqueede, amoode edhaajotoncomo, dhamoodedö mmaja, cöneewänä’ta’to caimaana jadä. A’que cönoonejaicho ñanno caimaana, dhamoodedö mmaja.

APOOCADIISI 12:9

Caju ñanno cönootonno’jajoi yaawä caimaana, ñäädä äcääyu, jenaadä cönä’ja’dö, odo’sha täätö, Caajuushawa täätö mmaja, nono de’woncomo encu’täneichomo. Töwö nono de’cäi cönootonno’jajoi tamoodedö jadäiñe.

APOOCADIISI 13:2

Ñäädä odoocojaato weneeaqueene mado nönge, jadeemu ’judu nönge i’judu, inchadö mmaane cawaadiimä ntadö nönge. Chäwwä caimaana nutuudu cönä’jaacä ijäädudu, imuudei mmaja, cajiichaanaje yeichojo mmaja.

APOOCADIISI 13:4

Ñanno soto caimaana cönwa’deme’ca’to yaawä, ñäädä odoocojaato cajiichaanaje yeichojo utu’jödö weijäcä chäwwä. Odoocojaato mmaja cönwa’deme’ca’to dea ñanno soto. Edääje cönä’döa’to: —¿Änääcö mmaja määdhä odoocojaato wa’cä eichöde’? ¿Änääcö ane’jodheinchadööde’? quee cönä’döa’to.

APOOCADIISI 16:13

Yaawä weneeaquento aaduwaawä conemjöncomo weja’cadööcomo. Tönwanno cöneeja’caicho caimaana ntaiño, odoocojaato ntaiño mmaja, ecammajä’nei chäänöngemjönö ntaiño mmaja. Ñanno conemjöncomo codoocodo nöngeiñe cönä’ja’to.

APOOCADIISI 17:18

Ñäädä wodi meneeannö, jata tacaadato cu’tädööje na, ñäädä nono de’woncomo cajiichaanaichomo edhaajä; quee cönä’döaacä amoode öwwä.

APOOCADIISI 20:2

Ñäädä amoode caimaana cönaajäi, ñäädä äcääyu, jenaadä cönä’ja’dö, odö’sha täätö, Caajuushawa täätö mmaja. Cöni’wadö’täi yaawä 1,000 weduuto ’cäwa’cä.

APOOCADIISI 8:10

Yaawä aaduwaawoto amoode wwä töjaanau’cwai etööa’jäcä, caju ñanno cöne’duccai yaawä shidiichä adai’joto. Tänne cönä’jaacä, adhaawa emjannaajä wa’cä. Na’cwaca cöneejuccai, tunaacomo juduucomo ’cwaca mmaja, annaicho dö’se tödööene.

APOOCADIISI 8:11

Ñäädä shidiichä eetö cönä’jaacä Tutuunatooje. Annaicho dö’se tuna tutuune cönä’döi yaawä. Jooje soto cönä’jajoicho yää tutuunato enö’jödö canaadöje, tutuune yä’dö’jödö weijäcä.

APOOCADIISI 8:12

Yaawä aacäicheeato amoode wwä töjaanau’cwai etööa’jäcä, shii dato cöneecone’mai yaawä, nuunä dato mmaja, annaicho dö’se; shidiichäcoomo mmaja cöneecone’maicho dea. Anooto annaicho dö’se mma shii tönweijo cönä’jaacä yaawä. Chäänönge mmaja nuunä, coijaicho annaicho dö’se mma.

APOOCADIISI 8:7

Yaawä awa’deeto amoode wwä töjaanau’cwai etööa’jäcä, i’chajö töwä’medö cönaajäntäi yaawä nono de’cäi, wa’to jadä, munu jadä mmaja. Nono cöiñatui yaawä jooje, annaicho dö’se chuuta mmaja, woi mmaja.

APOOCADIISI 8:8

Yaawä yää ’jejaato amoode wwä töjaanau’cwai etööa’jäcä, jöö wätuudeaajä nöngato cöneejuccai yaawä dama ’cwaca. Dama munuuje cönä’döi yaawä, annaicho dö’se.

APOOCADIISI 8:9

Annaicho dö’se mmaja na’cwacancomo cönä’jajoicho dea. Cudiiyadaacomo cöniiñadööjätöi chea, yää ’cäwa’cä mmaja.

APOOCADIISI 9:10

Dha’cödööcomo, chäädhacöödöcoomo mmaja, cönä’jaacä mönäätä edhaacödö nönge. Ijaatoodea nuunä wadaadäädä chäwwäiñe cönä’jaacä soto entunaanö’to’como ta’cödööcomo que.

APOOCADIISI 9:19

Ñanno cawaayu jäduuducoomo cönä’jaacä inchadööcomo, dha’cödööcomo mmaja. Dha’cödööcomo äcääyu nöngeiñe cönä’jaacä, tuju’jäqueiñe. Yää que soto cömmamincha’to.