APOOCADIISI 12:10 - Wanaadi A'deddu

¹⁰ Caju ña a’deu wetaaquene yaawä. Jooje cönäätaacä; cönä’döaacä: —Eduuwa chäänönge nä’döi wääwanaacatoojo, Cöwaanadiiyöcoomo wwä töjäädudu eneejotoojo mmaja, cajiichaanaje töweichö eneejotoojo mmaja, dhanoonö Quidiito cajiichaanaje yeichojo mmaja. Caju ñanno cönootonno’jajoi eduuwa ñäädä cöjimmotoncomo ementäneichomo’jödö, ñäädä ano, coijai’jödöödä Wanaadi wwä töneementäiñe töweiye cönä’ja’dö.

APOOCADIISI 12:10 ပူးပေါင်းရင်းမြစ်များ

MATEO 26:64

Yaawä Jesuuquidiito cönä’döaacä chäwwä: —Ee, ñäädä öwö, mecammaadö. Edääje mmaja wä’döa dea äwwäiñe, äcuude änwanno meneeato’de Soto nnedö weejödö ca’dutu de’wä, Jäduujato nnäcä, yaatajiimaajä, ämu’demjönö dö’se; quee cönä’döaacä Jesuuquidiito.

MATEO 28:18

Yaawä Jesuuquidiito yöiñaiñe jeene cöneejä; cöna’deuwöi chäwwäiñe; cönä’döaacä: —Tameedä tödöötojo öwwä tu’e na, caju ña mmaja, edä nono de’wä mmaja.

MATEO 6:10

töcaajichaanaichomooje ayöödö’ña’to. Ämjummadö woije nödö’ña’to edä nono de’woncomo, caju ñancomo tönnöe weneenetoodöje mmaja.

DUUCA 11:2

Jesuuquidiito cönä’döaacä chäwwäiñe: —Awa’deuwödaawäiñe edääje caichäcä’de: Jaaja caju ñano, Töwaanadiiyöcoomoje adhe’tä’ña’to soto; töcaajichaanaichomooje ayöödö’ña’to. Ämjummadö woije nödö’ña’to edä nono de’woncomo, caju ñancomo tönnöe weneenetoodöje mmaja.

DUUCA 22:31

Yaawä Cädhaajotoncomo cönä’döa’dea: —Amäädä Simón, Caajuushawa adhe’ca’täne ayuunacaadöcoomo wetä, tönö’nä momjödö töweiye naichöje.

1 CODINTIYO 5:4

Cädhaajotoncomo Jesuuquidiito eetö joi adhe’jummatääcä’de; öwö tö’tajäätödö mmaja ajaadäiñe na’de, Cajiichaana Jesuuquidiito jäduudu mmaja.

2 CODINTIYO 12:9

edääje mma töwö cönä’döaacä öwwä: “Öwwä ä’wa’tädö mma chääwa’cä äwwä na; untudu soto jäduudu jooje’cä nääneja jäduuje’da soto weichawä;” quee mma Cajiichaana Jesuuquidiito cönä’döaacä öwwä. Yääje yeijäcä waacö’je mma na jäduuje’da weichö, Quidiito jäduudu jääcä yeejamö’se weijäcä.

TIITO 2:3

Chäänönge mmaja ñanno no’sancomo, nontätä mmaja eijai ñaato dea, wätunnä dha’me’da mmaja, ä’dacu’da mmaja. Aashicha weiñä jäcä owaanomannamooje eijai ñaato,

1 PEEDHODO 5:8

Odhoowadäädäiñe eichäcä, äädai’chätääcä. Ätu’de’täneichomo odo’sha nätuujiya, mado töwaadeeto tääcaamö tunuujiye töweiye naichöje.

APOOCADIISI 11:15

Yaawä aacä amoojatooto amoode töjaanau’cwai cöneetöi. Wa’deunä cönäätaacä yaawä caju ña, jooje. Edääje ya’deuwödööcomo cönäätaacä: Tameedä nono de’woncomo, ñanno cajiichaanacoomo sotoi, naato eduuwa Cädhaajotoncomo sotoije, dhanoonö Quidiito sotoije mmaja. Töwö Cajiichaanaje na’de yeichöödäje; quee cönäätaacä.

APOOCADIISI 2:26

Ñäädä e’jodheinchanei’jödö, yaatameedö jonaane ya’deddu tödöönei’jödö, wödööa’de sotoocomo cajiichaanaichomooje,

APOOCADIISI 7:10

Tönwanno töcä’de cöna’deuwa’to tujummä; cönä’döa’to: Äwaanacaanei mä’dä Cöwaanadiiyöcoomo, mude de’wä naadö, mä’dä Oweeja nnedö’cä mmaja; quee cönä’döa’to.