APOOCADIISI 12:1 - Wanaadi A'deddu

¹ Yaawä ene’ju’tojo adai’joto cönääneaacä caju ña; wodi cönä’jaacä, shii töwoomöje, nuunä i’judu o’nä. Iju’jä de’wä cönä’jaacä canaanadi, amoojadooto de’wä aacä shidiichä chääjäcä.

APOOCADIISI 12:1 ပူးပေါင်းရင်းမြစ်များ

MATEO 12:38

Yääje mma yaawä anejjacoomo jaadiseeo, judhío owaanomannamo mmaja cönä’döa’to: —Owaanomanei, äwwä ene’ju’tojo tödöödö ene’se ñaa na; quee cönä’döa’to.

MATEO 24:30

Yaawä caju ña näänea’de Soto nnedö cu’tädö. Tameedä soto edä nono de’woncomo naamoaato’de yaawä. Soto nnedö neneeaato’de yaawä, ca’dutu de’wä yeejödö, jäduuje, tawaanato töjääcä.

MAADOCO 13:25

Shidiichä nä’meaato’de caju ñanno. Tameedä caju ña naadö nätu’mea’de.

DUUCA 21:11

Nono wätu’medö joojato na’de aneetaja’cäcäiñene’jödöödä, ämi mmaja, cädäi mmaja. Täneemö tönoiñato caju ña näänea’de.

DUUCA 21:25

“Yaawä shii, nuunä, shidiichä mmaja chu’tädööje naato’de. Sotoocomo edä nono de’woncomo natansu’daato’de. Dama wätu’medö weijäcä, madaataca wäätadö weijäcä mmaja, tönwanno nääcatoncaato’de.

JUAN 3:29

Jötaanawä töweiye naichö naane’, ñäädä töjöötaamööne wodi yö’tä nä’döa. Ñäädä töjöötaamö weichacoono töjöötaamö a’deddu niyoomo’ca; töwö na’cwaincha yaawä ya’deuwödö etaadö’jo. Mädääje wa öwö, ta’cwaiñe wa jooje.

DOSECHO 2:19

Täneemö wännöa’de caju ña; nono de’wä mmaja ene’ju’tojo wännöa’dede: munu, wa’to mmaja, wedeinchä mmaja.

DOMAANO 13:14

Cajiichaana Jesuuquidiito owoowontoto’comooje tödöötäcä. Ajuunucoomo nijummadö mma männötäi’che.

DOMAANO 3:22

Jesuuquidiito ecamjödö jäcäinchädä Wanaadi töjaadonooje soto nödööaato, tameedä ecaanö’nnamo. Anejjeja anejja soto weichojo ’je’da na.

2 CODINTIYO 11:2

Öwö Wanaadi nutuudu que mani’ñeimmaato. Quidiito wwä maneecammatääne chääjadoonoje aweichöcoomo wetä, tooniño dhanwa wwä ajei’choto’jaato ecammadö töweiye naichöje.

CAADATA 3:27

Tameedä änwanno Quidiito jadoncomooje äwä’dödööcomo wetä wautisaaje mä’döjootäneedö Quidiito weichö nönge dea aweichöcoomo na.

CAADATA 4:26

Ñäädä Aawadán jiñamo neene mmaane caju ñano Jeduusadén ñanoi’chädö cu’tädööje daja na dea. Ñäädä nnacoomo cönwanno.

CAADATA 6:14

Öwö mmaane anejja jäcäinchädä o’jodhe tö’tajäätö’se’da wa; cuduusa jäcä Cädhaajotoncomo Jesuuquidiito wääma’jödö jäcäinchädä mmaane yääje chö’tajä’jai wa. Cuduusa jäcä Quidiito wääma’jödö weijäcä edä nono de’wono yäämaajä nönge cönä’döi öwwä; öwö mmaja yäämaajä nönge wa dea edä nono de’wono tödöödö jäcä.

EUJEESIYO 5:32

Sö’jato mädä, owaanojöönö’jödö mmaja. Mädä wecamma Quidiito jadä quedeiyentecoomo weichö ecammancädä.

APOOCADIISI 1:20

Yaawä ñäädä soto nnedö nöngato cönä’döa’dea: —Edääje töwä’dö’se yeichö mädä chu’tädö meneeannö, ñanno aacä amoojato’como shidiichä yaamädö ämu’demjönö jäcä meneeantodö, aacä amoojato adhaawa a’täi meneeannö mmaja, yää oodo döaajä: Ñanno aacä amoojato’como shidiichä aacä amoojato amoode weichöcoomo cu’tädööje nä’janto, ñanno aacä amoojato ijaatadööcomo naadö quedeiyentecoomo edai’chännamo. Yää aacä amoojato adhaawa a’täi meneeannö mmaane, quedeiyentecoomo cu’tädööje nä’jaanä, ñanno aacä amoojato ijaatadööcomo naadö; quee cönä’döaacä öwwä.

APOOCADIISI 11:19

Yaawä Wanaadi weichojo cönaata’ducai caju ña. Yää jatuuwa, ñeecamma’jödö imennaajä ewöötö, cönääneaacä Wanaadi weichojo taca. Cönäncucui yaawä; cadeemedu cönäätai chea; cöneetötöömai chea. Nono cönäätu’mei yaawä; i’chajö adai’jocoomo cönä’mei chea.

APOOCADIISI 12:3

Anejja ene’ju’tojo cönäänea’dea yaawä caju ña, caimaana seweichato. Aacä amoojato iju’jä cönä’jaacä, yeetai amoojadä. Iju’jä de’wä cönä’jaacä canaanadi, tooni nshai chääwaadäi.

APOOCADIISI 15:1

Anejja ene’ju’tojo daja weneeaqueene yaawä caju ña, adai’joto; tönoiñe cönä’jaacä jooje. Aacä amoojato amoode weneeaquento, wätä’maminchanä edhaamo. Yää wätä’maminchanä cönä’jaacä conemjönö jäcä cone’da Wanaadi weichö eneejodö wä’cadööje.

APOOCADIISI 21:14

Amoojadooto de’wä aacä cönä’jaacä chuudadai’chä’jödö o’wadö. Chääjäcä imennaajä cönä’jaacä, ñanno amoojadooto de’wä aaco’como Oweeja nnedö’cä nanontädö eetöcoomo, ñanno anonta’como’jödö.

APOOCADIISI 21:23

Yää jataawä shii niyeijodö tujunne’da na’de, nuunä niyeijodö tujunne’da mmaja, Wanaadi nnataadö yeijoneije yeijäcä. Oweeja nnedö’cä dhawaadöje na’de.