APOOCADIISI 11:8 - Wanaadi A'deddu

⁸ Yaawä ñanno aaco’como ecammajä’nnamo’jödö equeejödööcomo na’de jata adai’joto annawääne. Yää jata eetö Sodhoomaje, Ejiitoje mmaja, yää jata nönge yeijäcä. Yäätä dea Cädhaajotoncomo cuduusa jäcä cönaatajoijojoi.

APOOCADIISI 11:8 ပူးပေါင်းရင်းမြစ်များ

MATEO 10:15

Chäänönge yääje wä’döa äwwäiñe, tönwanno imaaminchadööcomo jooje’cä na’de yaawä wätämmencajootojo anooto awä, Sodhooma ñancomo maminchadööcomo e’jodhe’cä, Comooda ñancomo maminchadööcomo e’jodhe’cä mmaja.

DOSECHO 9:4

Yaawä Saudo cöne’duccai nono jo; a’deu cönäätaacä chäwwä: —Saudo, Saudo, ¿ane’cotoojo cuyuunacaanä? quee cönäätaacä.

EEWEDEO 13:12

Mädääje mmaja Jesuuquidiito cönäämai, jata tö’cäi, soto coneecadööcomo wetä taquiiyöque.

EEWEDEO 6:6

yäätonno shaadijanga’jäcä, chö’tajäätödö sha’duminchajoojai’cha caato yaawä chäwwä, awa’deene cönsa’duminchaichöje mmaja, dhai mmaja Wanaadi nnedö cuduusa jäcä ajoijaajä töwwä, töquimmajä’e mma Jesuuquidiito wääma’jödö chimmajä’ajä mmaja.

2 PEEDHODO 2:6

Sodhooma ñancomo, Comooda ñancomo mmaja, Wanaadi cönennanö’caicho dea yau’cwadö que. Mädääje töwö cönnöi yää ’jeja’como conemjönö dönnamo wä’sejje’toto’comooje.

JUUDHA 1:7

Sodhooma ñancomo cönä’ja’todö naane’, Comooda ñancomo mmaja, anejja amoinchemjönö jataawoncomo mmaja; tönwanno Wanaadi amoodedö wei’yejeiñe mmaja tömaasuduicha töweiye cönä’ja’to, anejja chäänöngemjönö mmaja tönnöe cönä’ja’to dea. Yää cöneejemaicho wa’to töwaatamemjönö que töwäätä’maminchajoodöcoomo que. Yääje yei’jocoomo na cöwä’se’jadoojoto’comooje.

APOOCADIISI 11:13

Yaawä dea mma nono cönäätu’mei jooje. Dhantai maa yää jataawono cönaata’dojoojätöi; 7,000 soto cönä’jajoicho yää nono wätu’medö canaadöje. Yaawä ñanno yä’ja’jöncomo’jödö cönääcatoncaicho jooje; Wanaadi caju ñano o’jodhaatoje cöne’ta’to yaawä.

APOOCADIISI 11:9

Yaawä jooje soto nene’maato’de ñanno aaco’como ecammajä’nnamo’jödö equeejödööcomo, tameedä jata waadoinchomo, tameedä soto weichöcoomo wa’cä, tameedä aata’deucwemjöncomo, tameedä nono weichö de’woncomo. Chääquejöödöcoomo aneewaacajo’da naato’de aacäicheeato anoototo annai.

APOOCADIISI 14:20

Yää chääjedöödö cöneccucaicho yaawä jata tö’wä. Eccucaatojo o’cäcä munu cöneeja’caacä jooje. Yää munu cuncunnäjöi yaawä cawaayu suda’wajai. Jö’wacaadä munuuje cönääneaacä yaawä amoinche; amoojadä anooto wötäänä ’cäwa’cä cönä’jaacä amoinche yeichö.

APOOCADIISI 14:8

Anejja amoode daja inchäcä cönta’dea; cönä’döaacä: —Nataamei, Waawidooniya ñano nataamei, yää jata tacaadato. Töwö tameedä soto wä’dacuuducoomo wetä chäwwäiñe tönemjo cönä’jaacä töneejodöödö chääjedöödö eccudu, yää jooje imaasuduichadö cu’tädö; quee cönä’döaacä ñäädä amoode.

APOOCADIISI 16:19

Yaawä yää jata tacaadato cöneedatoocai; aaduwaawä yeedatoocaajä cönä’jaacä. Anejja jata mmaja cöne’ducaajätöi chea. Wanaadi cöntö’tai yaawä Waawidooniya ñano jata jäcä, yää tacaadato. Chäwwä cönemjoi chääjedöödö eccudu, yää töwwä yäätä’maminchajootojo cu’tädö.

APOOCADIISI 17:1

Yaawä tooni amoode cöneejä öwwadäädä, ñanno aacä amoojato’como amoode jimmä, aacä amoojato cancudu dha’me cönä’ja’todö. Töwö cöna’deuwacä öwwä; cönä’döaacä: —Ä’cäde, äwwä weneejoiye wodi masuuduijato wätä’maminchajootojo, ñäädä tacaadato, jooje tunaacomo de’wä shuucu naadö.

APOOCADIISI 17:18

Ñäädä wodi meneeannö, jata tacaadato cu’tädööje na, ñäädä nono de’woncomo cajiichaanaichomo edhaajä; quee cönä’döaacä amoode öwwä.

APOOCADIISI 17:5

Ijaawä chäätö imennaajä cönä’jaacä, owaanojöönö. Edääje cönä’jaacä: “Waawidooniya ñano tacaadato, masuuduija’como dhenö, tameedä nono de’wono conemjönö edhaajä;” quee chäätö cönä’jaacä.

APOOCADIISI 18:10

Tönwanno tösaadöcomje amoinchenno yäätä’maminchajoodö nene’maato’de. Edääje nä’döaato’de: —Wentumje ma eduuwa Waawidooniya ñano, jata tacaadato’jödö, jäduuja’como jataadöcoomo’jödö. Jadheedä nä’döi äwäätä’maminchajootojo; quee nä’döaato’de ñanno cajiichaanacoomo.

APOOCADIISI 18:18

Tönwanno cönaamoa’to yaatuca’jödö wedeimödö eneedö’jo. Edääje cönä’döa’to: —¿Äsha mädä ’jeje mädä wa’coto jata tacaade nai’chede? quee cönä’döa’to.

APOOCADIISI 18:2

Jäduuje cöncä’töngacä; cönä’döaacä: —Nataamei; Waawidooniya ñano tacaadato nataamei. Odo’shancomo weicho’comooje na eduuwa, canaimä weicho’comooje mmaja, tadiiñaamo töwöödöjööca’como weicho’comooje mmaja, ñanno conemjöncomo.

APOOCADIISI 18:21

Yaawä amoode jäduujato täju adai’joto cönannäjöi, aco nöngato. Na’cwaca cöneemai yaawä; cönä’döaacä: —Mädääje mmaja Waawidooniya ñano nätäämaja’de, yää jata tacaadato; ätäädantäjo’da na’de yaawä yeichöje.

APOOCADIISI 18:24

Yää Waawidooniya ñano jata cönäätä’maminchajoi Wanaadi wa’deuwödö ecammannamo’jödö töjaajo’jocoomo jo’tädööje, anejjacoomo Wanaadi sotoi mmaja, tameedä nono de’woncomo töjaajo’jocoomo jo’tädööje mmaja.