APOOCADIISI 11:3 - Wanaadi A'deddu

³ Öwö wanontaato’de aacä ya’deddu ecammajä’nnamo; tönwanno öwö untudu woije necammajä’aato’de 1,260 anooto, camiisha juduumato döaajä yoomöcoomoje; quee cönäätäcammai öwwä.

APOOCADIISI 11:3 ပူးပေါင်းရင်းမြစ်များ

MATEO 11:21

—Wentumje maato’de änwanno Coodasín ñancomo, Wesaada ñancomo mmaja. Yää täneemö aneenedööcomooje wödöönedö Tiido ña, Sidhón ña mmaja wännö’jo mmaane, jenaadä tötö’tajäätödööcomo sha’duminchadö cöneiya’to; cone’da ä’döjoodö cöneiya’to töcoone’nadiiyöcoomo jäcä.

MATEO 18:16

Dha’da ’quene adha’deddu eta’se’da yeiya’jäcä, aweichacoono anaadäcä’de, aacä jeiñe mma, awa’deuwödööcomo etannamooje.

DUUCA 10:13

“Wentumje maato’de änwanno Coodasín ñancomo, Wesaada ñancomo mmaja. Yää täneemö aneenedööcomooje wödöönedö Tiido ña, Sidhón ña mmaja wännö’jo mmaane, jenaadä tötö’tajäätödööcomo sha’duminchadö cöneiya’to; cone’da ä’döjoodö cöneiya’to töcoone’nadiiyöcoomo jäcä.

DUUCA 24:48

Änwanno ñanno yää enennamo’jödö, ecammajä’nnamooje töweiyaamo.

JUAN 15:27

Änwanno mmaja jääcä mecammajä’ato’dede, yaajäntä’jödö jonnoto’jödöödä jaadä aweichomjäcä.

JUAN 3:27

Yaawä Juan cönä’döaacä chäwwäiñe: —Töweichojo Wanaadi nutuudu mma tödöödö toweiye nai.

DOSECHO 1:8

Änwanno äjääduduucomo na’de Epíiditu Santo yä’ta’jäcä äjääcäiñe. Yaawä cäcammajä’ato’de Jeduusadén ña, tameedä Judheea ña mmaja, Samaadiya ña mmaja, tameedä yeichö wa’cä edä nono de’wä; quee cönä’döaacä Jesuuquidiito.

DOSECHO 13:31

Yää ’jeje wanna anooto Jesuuquidiito cönäänejoi ñanno Caadideea ñanno Jeduusadén ña töjaadoncomo wöto’jocoomo wwaiñe. Ñanno naatoodö eduuwa chääjäcä soto wwäiñe ecammajä’nnamooje.

DOSECHO 2:32

Ñäädä dea Jesuuquidiito Wanaadi cönaadoncai yäämaajo jonno; tameedä ñaa owaanäcä yääje yeichö, eneetö’da.

DOSECHO 3:15

Mädääje änwanno memaatäne ñäädä weichojo edhaajä. Yääje yeichaame Wanaadi cönaadoncai yäämaajo jonno; ñaa owaanäcä na yääje yeichö, eneetö’da.

1 CODINTIYO 12:28

Mädääje mmaja Wanaadi cönnöi quedeiyentecoomo weicho’como: Awa’de anonta’como; yäätonno Wanaadi nutuudu woije ecammajä’nnamo; yäätonno owaanomannamo; yäätonno täneemö tödönnamo, äjiichö’tännamo mmaja, ’wa’tännamo mmaja, soto e’se’tännamo mmaja, anejja a’deucwe töwa’deuwaamo mmaja.

2 CODINTIYO 13:1

Aaduwaawädeeto mädä eduuwa adöiñaiñe wöta’dedö. Aacä, aaduwaawä jeiñe mma enennamo’jödö necammajäätödööcomo etaadö’joone tameedä wichooneca’de.

EUJEESIYO 4:11

Töwö Quidiito cöwaadaiñe cuntui cöweicho’como; anejjacoomo wwä cuntui anonta’comooje yeicho’como, anejjacomo ’quene Wanaadi nutuudu woije ecammajä’nnamooje yeicho’como, anejjacoomo ta’deddu adännamooje, anejjacoomo quedeiyentecoomo es’e’tännamooje, owaanomannamooje mmaja.

APOOCADIISI 1:5

Jesuuquidiito nutuudu mmaja, ñäädä ecammajä’nei chäänöngato, awa’deenato töwäämaajo jonno weja’caajä, ñäädä edä nono de’woncomo cajiichaanacoomo Edhaajotoncomo. Töwö Jesuuquidiito cujummaneichomo, cöcoone’nadiiyöcoomo jonno cöcoccatääne taquiiyö que.

APOOCADIISI 11:2

Jödoodo mmaane monoonejai’che, yää Wanaadi weichojo awoodhecääcä naadö. Audädä nei’ñojo yää, judhíojöncomo wwäiñe u’ajääje yeijäcä. Tönwanno naademaato’de jata aashichaato antai aacä sotooto de’wä aacä nuunä.

APOOCADIISI 11:6

Ñanno aaco’como ecammajä’nnamo wwäiñe na’de caju a’dutoojo, conoojo iiña’da yeichö wetä, töwwäiñe Wanaadi nutuudu woije ecammajäätödö anootoi’chädö wadaadäädä. Chäwwäiñe na’dede munuuje tuna chamjiyaacatoojo, cädäi che nono de’woncomo yuunacaato’como mmaja, tumjummadööcomo woije.

APOOCADIISI 12:6

Ñäädä wodi cönäänejei yaawä jata ’jemjönö aca, Wanaadi nichoonecaadö töweichojo aca. Iiña Wanaadi cöneedai’chaacä 1,260 anooto.

APOOCADIISI 13:5

Odoocojaato wwä u’ajä cönä’jaacä cone’da ya’deutojo, Wanaadi wa’cä yäätä’totoojo mmaja. Cajiichaanaje yeichojo u’ajä cönä’jaacä aacä sotooto de’wä aacä nuunä.

APOOCADIISI 19:10

Yaawä tä’mudhe wä’döne ñäädä amoode o’wawä, ya’demeecödööje. Töwö cönä’döaacä öwwä yaawä: —Mädääje’daane; Wanaadi anoonö mmaja öwö dea, anöngato mmaja, ajimmä nönga’como mmaja, ñanno chäänönge Jesuuquidiito a’deddu ecammajä’nnamo. Wanaadiiñe ya’deme’cä; quee cönä’döaacä. Ñanno Jesuuquidiito a’deddu ecammajä’nnamo ñanno Wanaadi nutuudu woije töneecammajä’e weneenetoodö.

APOOCADIISI 20:4

Yaawä weneeaqueene wanna mude, ye’woncomo wataajimaadö mmaja. Chäwwäiñe u’ajä cönä’jaacä soto emmencato’como. Weneeaquento dea ñanno Jesuuquidiito a’deddu ecammajäätödö jo’tädööja’como ijöncä’jä’a’como’jödö ecaatocoomo, ñanno Wanaadi a’deddu jo’tädööja’como wä’jajo’jocoomo, ñanno odoocojaato änwa’deme’jöncomo’jödö, chu’taajä mmaja. Ñanno dea cönä’ja’to odoocojaato wwä töjaawäiñe ä’madaaca’ñäjoojöncomo’jödö, tamäädöcoomo jäcä mmaja. Ñanno waadoncadööcomo weneeaqueene. Cajiichaanaje naato’de 1,000 wedu Quidiito jadä.