APOOCADIISI 11:2 - Wanaadi A'deddu

² Jödoodo mmaane monoonejai’che, yää Wanaadi weichojo awoodhecääcä naadö. Audädä nei’ñojo yää, judhíojöncomo wwäiñe u’ajääje yeijäcä. Tönwanno naademaato’de jata aashichaato antai aacä sotooto de’wä aacä nuunä.

APOOCADIISI 11:2 ပူးပေါင်းရင်းမြစ်များ

MATEO 27:53

Ñanno cöneeja’caicho täwaadöcoomo acanno Jesuuquidiito töwäämaajo jonno yaadonca’jäcä. Tönwanno cöntonto yaawä jata aashichaato aca, yää Jeduusadén ñano; jooje soto wwäiñe cönäänejoicho.

MATEO 4:5

Yaawä odo’sha Jesuuquidiito cönaadäi Jeduusadén ña, yää aashichaato jata ña. Wanaadi weichojo judu de’wä cönnöi, cawä;

MATEO 5:13

“Änwanno maato saayu nönge edä nono de’woncomo wwäiñe. Yaawääne’, saayu a’cwötöödö wataamea’jäcä, ¿aaquene ma’cwötöömaiyede yaawä? ¿Ane’cotoojoje eichöde’ yaawä? Tämamje mma na yaawä, sotoocomo neta’jätöödöcoomoje.

DUUCA 21:24

Dhantai wänä canaadöje nä’ja’aato’de; dhantai tameedä nono weichö wa’cä jedeesoje nataadäjaato’de. Judhíojöncomo Jeduusadén ñano jataawä naademaato’de tucu’nädööcomo wataamedö wa’cä.

EEWEDEO 10:29

Töwaacö’je tömaaminchaamöje na ñäädä Wanaadi nnedö chiiñeme’nei, dhaquiiyö chimmanei mmaja, Epíiditu Santo jäcä conemjönö wa’deuwödö mmaja, ñäädä tujummanei, Wanaadi dö’sennoto we’ajä. Yää Jesuuquidiito aquiiyö cösoomaneichomooje na, chäänönge Wanaadi necamma’jödö weichö cu’tädööje mmaja.

APOOCADIISI 11:11

Yää ’jeje aacäicheeato anoototo annai yä’döa’jäcä, Wanaadi täta’jiiñö cöna’jimmai ñanno ta’deddu ecammajä’nnamo do’taiñe; cönammöicho yaawä. Ñanno eneedöcoomo’jo tameedä soto cönääcatoncaicho yaawä jooje.

APOOCADIISI 11:3

Öwö wanontaato’de aacä ya’deddu ecammajä’nnamo; tönwanno öwö untudu woije necammajä’aato’de 1,260 anooto, camiisha juduumato döaajä yoomöcoomoje; quee cönäätäcammai öwwä.

APOOCADIISI 12:6

Ñäädä wodi cönäänejei yaawä jata ’jemjönö aca, Wanaadi nichoonecaadö töweichojo aca. Iiña Wanaadi cöneedai’chaacä 1,260 anooto.

APOOCADIISI 21:10

Yaawä Epíiditu Santo wwä yää eneejodaawä öwwä, ñäädä amoode yaadäne yaawä jöö adai’joto, cawooto de’cäi. Öwwä cöneenejoi yaawä yää jata aashichaato wä’tädö caju ñanno, Wanaadi döiñanno, yää Jeduusadén ñano.

APOOCADIISI 21:2

Öwö, Juan, weneeaqueene yää jata aashichaato wä’tädö caju ñanno, Wanaadi döiñanno, yää Jeduusadén ñano eduuwaato. Töweesomaajä’e cönä’jaacä, töiño eneeje wodi töwäätöiñonoomö töweesoma töweiye naichöje.

APOOCADIISI 22:19

Ñäädä ’quene edä a’deu imennaajä naadö dhantai antaiñuncanei’jödö Wanaadi niiñaca’de jata aashichaato aca yeichojoojato’jödö, yää edä jajeedä jäcä imennaajä naadö. Töwö Wanaadi ñäädä eetö najuuda’de weichojo jajeedai’chädö jäconno.