APOOCADIISI 1:9 - Wanaadi A'deddu

⁹ Öwö Juan, ajimmotoncomo dea, Jesuuquidiito jäcäinchädä yeetunu eneenei mmaja, Wanaadi sotoi mmaja, äshinchädööcomo nönge aashicha shinchänei mmaja. Öwö wä’jaaquene Paatamo antadö de’wä, Wanaadi a’deddu jo’tädööje yenno’jaajä, Jesuuquidiito jäcä ecammajäätödö e’nei.

APOOCADIISI 1:9 ပူးပေါင်းရင်းမြစ်များ

MATEO 20:23

Yaawä Jesuuquidiito cönä’döaacä chäwwäiñe: —Yääje dämma na. Öwö neenödö mmaja mengato’de; öwö wautisaaje wä’döjootojo que mmaja wautisaaje mä’döjaato’dede. Yääje yeichaame önnäcä awaatajiimato’como ecammajai’cha wa äwwäiñe. Ñanno wwäiñe mmaane yää nä’tua’de, chääjäcäinchädäiñe Jaaja nishoomadö naadö wwäiñe; quee cönä’döaacä Jesuuquidiito chäwwäiñe.

MAADOCO 10:39

Tönwanno cönä’döa’to: —Ee, ä’döjai mmaja. Yaawä Jesuuquidiito cönä’döaacä chäwwäiñe: —Yääje dämma na. Öwö neenödö mmaja mengato’de, öwö wautisaaje wä’döjootojo que mmaja wautisaaje mä’döjaato’dede.

JUAN 16:33

Mädä wecammajäätöi äwwäiñe täncanoode’da aweichöcoomo wetä öwö jääcäinchädä. Edä nono de’wä aweichöcoomo mäntunaanö’ato’de; yääje yeichaame cone’da’daane eichäcä’de, öwö we’jodheinchane edä nono de’wono; quee cönä’döaacä Jesuuquidiito.

DOSECHO 1:15

Yaawä Peedhodo cönammöi quedeiyente antawäiñe; ñanno cönä’ja’to ijaatoodea sotooto de’wä tooni soto. Töwö Peedhodo cönä’döaacä chäwwäiñe:

DOSECHO 14:22

Iiñancomo quedeiyentecoomo cömjädu’ta’to, cönwätuuja’to dea ejääduqueejö’da yeichöcoomo wetä töneecamjödööcomo jonno. Edääje töwä’döe cönä’ja’to chäwwäiñe: —Cönwanno jooje cäntunaanö’aato Wanaadi döiña cöwä’döeejeiñe; quee Paudo töwä’döe cönä’ja’to quedeiyente wwäiñe.

DOMAANO 8:17

Wanaadi nnacoomoje cöweijäcäiñe cöwwäiñe töweiyemööje na yää Wanaadi necamma’jödö tu’emö. Yää cöwwäiñe nä’tua’de Quidiito wwä utuudu jadä. Eduuwa Quidiito jäcäinchädä cöwäntunaanö’a’comjäcä, chääjadä mmaja aashicha caato’de

DOMAANO 8:25

Äänejöönööne quiiyomo’cato; yääje yeijäcä chincha’da yoomo’jai caato.

2 CODINTIYO 1:7

Yäätäädä äjääcäiñe ñaa tö’tajäätödö na, ñaa owaanäcä yeijäcä äwäntunaanö’taameiñe Wanaadi ä’wa’tätäiñe yeichö.

JIDIIPENSE 1:7

Chäänönge mädääje äjääcäiñe tötö’tajä’e wäänene, öwwä tujunne aweijäcäiñe. Jedeesoje weichö jeiñe mma, aashichaato wätunnä chu’de’tännamo ye’wononcadööje weichö jeiñe mma, ecammajäätödööje weichö jeiñe mma, tameedä änwanno jaadä tönooneja mmaja Wanaadi nutuudu aashichaato.

JIDIIPENSE 4:14

Yääje yeichaame aashichaato öwö jääcä mödöötäne yää wäntunamjödö jäcä cö’wa’tätäänedö que.

2 TEESADOONISENSE 3:5

Cädhaajotoncomo ä’wa’taato Wanaadi jummadö äwwäiñe yeichö wetä, yäätäädä ätö’tajäätödööcomo weichö wetä mmaja, yää Jesuuquidiito nutuudu que.

2 TIIMOTEO 1:8

Yääje yeijäcä ajöichöje’da tödööcä’de Cajiichaana Jesuuquidiito ecammajäätödö; öwö mmaja cämjöichäi’chede, Jesuuquidiito jo’tädööje jedeesoje waadö. Wanaadi nutuudu äjäädudu que töshinchääne shinchäcä aashichaato wätunnä jo’tädööje äwäntunamjödö.

EEWEDEO 10:36

Aaquiñu’tä’da aweicho’como tujunne na äwwäiñe, Wanaadi woijato tödöödö wetä yaawä äwwäiñe, ñeecamma’jödö mejoodötäiye yaawä.

1 PEEDHODO 5:1

Edääje mänwätuujaato änwanno quedeiyente antawäiñe ansiyaanoje maatoodö, öwö mmaja ansiyaanoje weijäcä, Jesuuquidiito wäntunamjödö eneenei’jödö mmaja; aashichaato täneejoomöje naadö eneeneije töweiyemö mmaja öwö dea.

APOOCADIISI 1:1

Edä yää Jesuuquidiito neneejo’jödö, Wanaadi nutuudu chäwwä, tanoonö wwäiñe eneejodö wetä, eduuwa mma töweeja’dä’emö. Töwö Jesuuquidiito tamoodedö cönaanontäi tanoonö Juan wwä ecammajä’e.

APOOCADIISI 1:2

Töwö Juan chäänönge cöneecammajäätöi tameedä töneene’jödö jäcä, Wanaadi a’deddu mmaja, Jesuuquidiito necammajäätö’jödö mmaja.

APOOCADIISI 1:4

Öwö Juan, äwwadäädäiñe wimenna, änwanno Aasiya ñancomo quedeiyentecoomo, aacä amoojato ajaatadööcomo naadö. Aashichaato, täncanoode’da aweicho’como mmaja äwwäiñe yei’she wa, Wanaadi nutuudu, ñäädä eduuwa naadö, jenaadä cönä’ja’dö dea, äcuude na’dedö dea, ñanno aacä amoojato’como Epíiditu nutuudu mmaja, ñanno Wanaadi mudei o’wawä naatoodö,

APOOCADIISI 1:6

Töwö cajiichaanaja’comooje cödöötäne, Tumö Wanaadi wwä töwa’deuwaamoje mmaja. Töwö Jesuuquidiito na aashicha wa’deutojooje, cajiichaanaje mmaja, yeichöödäje. Amén.

APOOCADIISI 11:7

Ecammajäätödö jäcä yä’ca’comjäcä, ñäädä odoocojaato, ya’tadö inwadö ’jemjönö acaano’jödö weja’caajä, newäänä’ta’de chääjäcäiñe. Töwö ne’jodheinchaato’de; nöja’aato’dede.

APOOCADIISI 12:11

Ñanno cöjimmotoncomo tämentäneichomo’jödö cöne’jodheinchaicho Oweeja nnedö’cä wääma’jödö que, dha’deddu ecammajäätödö que mmaja. Tönwanno töwäämadööcomo onnontä’da cönä’ja’to tämaadöcoomo jonaane.

APOOCADIISI 12:17

Jooje’ca jeene caimaana cönäätömai yaawä wodi jäcä. Töwö cöntämä yaawä töweewänä’tädö wetä ñäädä wodi nnacoomo jadäiñe, ñanno Wanaadi waanontädö tödönnamo, Jesuuquidiito a’deddu woija’como.

APOOCADIISI 13:10

Ñäädä jedeesoje soto tödöönei jedeesoje mmaja nä’döja’de; ñäädä sauda que soto emaanei sauda canaadöje mmaja nääma’de. Yääje yeijäcä ecamjödööje dea Wanaadi sotoi eijai ñaato, aashicha tönshinchä mmaja.

APOOCADIISI 14:12

Yääje yeijäcä ecamjödööje dea Wanaadi sotoi eijai ñaato, aashicha tönshinchä mmaja, tameedä ñanno Wanaadi waanontädö tödönnamo, Jesuuquidiito ecaanö’nnamo dea; quee cönä’döaacä ñäädä aaduwaawoto amoode.

APOOCADIISI 19:10

Yaawä tä’mudhe wä’döne ñäädä amoode o’wawä, ya’demeecödööje. Töwö cönä’döaacä öwwä yaawä: —Mädääje’daane; Wanaadi anoonö mmaja öwö dea, anöngato mmaja, ajimmä nönga’como mmaja, ñanno chäänönge Jesuuquidiito a’deddu ecammajä’nnamo. Wanaadiiñe ya’deme’cä; quee cönä’döaacä. Ñanno Jesuuquidiito a’deddu ecammajä’nnamo ñanno Wanaadi nutuudu woije töneecammajä’e weneenetoodö.

APOOCADIISI 20:4

Yaawä weneeaqueene wanna mude, ye’woncomo wataajimaadö mmaja. Chäwwäiñe u’ajä cönä’jaacä soto emmencato’como. Weneeaquento dea ñanno Jesuuquidiito a’deddu ecammajäätödö jo’tädööja’como ijöncä’jä’a’como’jödö ecaatocoomo, ñanno Wanaadi a’deddu jo’tädööja’como wä’jajo’jocoomo, ñanno odoocojaato änwa’deme’jöncomo’jödö, chu’taajä mmaja. Ñanno dea cönä’ja’to odoocojaato wwä töjaawäiñe ä’madaaca’ñäjoojöncomo’jödö, tamäädöcoomo jäcä mmaja. Ñanno waadoncadööcomo weneeaqueene. Cajiichaanaje naato’de 1,000 wedu Quidiito jadä.

APOOCADIISI 3:10

Ya’deddu woije aashicha tönshinchä awei’jödö weijäcä, öwö adhentunaanö’jo’da wa’de yeetunu eneedö cu’nädaawä, yää yeetunu tameedä nono de’woncomo neneeaato’dedö.

APOOCADIISI 6:9

Yaawä ijaatoodeaato ajoijo’jödö ajämjaca’jäcä Oweeja nnedö’cä wwä, saaquidiijiisiyo tödöötojo o’nä weneeaquento ñanno Wanaadi a’deddu jo’tädööja’como wä’jajo’jocoomo ecaatocoomo, ñanno dha’deddu ecammajäätödö ane’nomjajöncomo ecaatocoomo.

APOOCADIISI 7:14

Öwö wä’döaaquene yaawä: —Amäädä odhoowanääcä na; quee. Yaawä edääje cönä’döaacä töwö: —Ñanno canno yää wäntunaanö’nä tacaadato acancomo we’a’como. Tönwanno töwoomöcoomo tajääde’deiñe cöncoccaicho Oweeja nnedö’cä aquiiyö que.