APOOCADIISI 1:5 - Wanaadi A'deddu

⁵ Jesuuquidiito nutuudu mmaja, ñäädä ecammajä’nei chäänöngato, awa’deenato töwäämaajo jonno weja’caajä, ñäädä edä nono de’woncomo cajiichaanacoomo Edhaajotoncomo. Töwö Jesuuquidiito cujummaneichomo, cöcoone’nadiiyöcoomo jonno cöcoccatääne taquiiyö que.

APOOCADIISI 1:5 ပူးပေါင်းရင်းမြစ်များ

MATEO 20:28

Soto nnedöödä cöneejäne’, soto anontäneichomooje’da, chäwwäiñe tödööneije mmaane, töwä’tudu wetä mmaja jooje soto wääwanaacato’comooje; quee cönä’döaacä Jesuuquidiito.

MATEO 28:18

Yaawä Jesuuquidiito yöiñaiñe jeene cöneejä; cöna’deuwöi chäwwäiñe; cönä’döaacä: —Tameedä tödöötojo öwwä tu’e na, caju ña mmaja, edä nono de’wä mmaja.

JUAN 13:1

Tooni anooto mmädä a’que cönä’jaacä Weja’dätä’jä anooto comjedensiyai’chädö tödöötojo cu’nädö aca yä’dötoojo. Yaawä Jesuuquidiito dhowaanäcä cönä’jaacä chu’nädö aca yä’dödö Tumö döiña töötotoojo edä nono de’wonno. Yääje yeichaame töjaadoncomo jäcäiñe tötö’tajä’e dea cönä’jaacä, ñanno edä nono de’woncomo; ijummadööcomooje dea cönä’jaacä, tumjummaiñe cönä’ja’döje dea.

JUAN 13:34

Eduuwaato waanontänä wecamma äwwäiñe: Ä’jummatääcä; änwanno mämjummaatoodöje mmaja ajimmotoncomo ijummajai maato.

JUAN 15:9

Jaaja jummaadöje mmaja mämjummaato öwö; umjummadööje dea eichäcä.

JUAN 18:37

Yaawä Pidaato cönä’döaacä chäwwä: —¿Cajiichaana ca amäädä, yääje yeiya’jäcä? Jesuuquidiito cöneccujä’acä: —Ee, cajiichaana öwö, mecammaadöje. Mädääjatooje yennune; edä nono de’cäi we’ne a’deu chäänöngato ecammajä’neije. Tameedä ñanno a’deu chäänöngato woija’como ya’deddu töneeta weneeneto; quee cönä’döaacä Jesuuquidiito.

JUAN 3:11

Chäänönge yääje wä’döa äwwä, towaano jäcä ñaa na’deuwa, töneene’jödö mmaja ñaa necammajä’a dea äwwäiñe; yääje yeichaame aneecamjö’da maato ñaa necammajäätödö.

JUAN 3:16

“Wanaadi tameedä soto cumjumma’to jooje, chääjäcäinchädäiñe Tönnedö yäätonno ’jemjönö tu’ene’jödöödä. Iiñedö ecaanö’nei ännamjö’da na’de, yeichö töwaatamemjönö töweiye na.

JUAN 3:32

Töwö na’deuwa töneene’jödö jäcä, töneeta’jödö jäcä mmaja. Yääje yeichaame soto eta’se’da naato töwö ñeecammajäätödö.

DOSECHO 20:28

Äädai’chätääcä’de eduuwa. Ajimmotoncomo mmaja edai’chätääcä’dede. Epíiditu Santo ayöödötääne Cajiichaana sotoi edai’chännamooje, ñanno taquiiyö que cöneewanaacaichodö.

DOSECHO 26:23

Edääje töneecammajä’e ñanno cönä’ja’to: “Äwaanacaanei näntunaanö’a’de; töwö na’de awa’deenato töwäämaajo jonnoto waadoncadööje. Töwö judhío wwäiñe necammajä’a’de tawaanato aca weiñä jäcä, judhíojöönö wwäiñe mmaja;” quee töneecammajä’e cönä’ja’to ñanno Wanaadi wa’deuwödö ecammannamo; quee cönä’döaacä Paudo.

DOMAANO 3:25

Wanaadi Quidiito cönnöi saaquidiijiisiyooje. Dhaquiiyö cönnöi conemjönö choccatoojoje, yää ecamjödö que tojoodöeemöje naadö. Yää Wanaadi cönnöi chäänönge töweichö ene’ju’to’me. Jenaadä mmaane tumjunne töweichö woije Wanaadi tönshinchä cönä’jaacä soto cöne’nadiiyöcoomo.

DOMAANO 8:37

Yääje yeichaame, töwäntunaanö’emööje cöweichaameiñe, to’jodheinchaane e’jodheinchajai caato ñäädä cujummaneichomo ni’wa’tädö que.

1 CODINTIYO 6:11

Mädääje mä’ja’quene änwanno dhantai, töwäädä adheecoccajootäneene’. Eduuwa Wanaadi wwonooje tösooma maato; Epíiditu Santo ai töwö Wanaadi töjaadonooje ayöödötääne Cajiichaana Jesuuquidiito joi.

CAADATA 2:20

Quidiito jadä wäämane cuduusa jäcä. Öwööjönööne nudä wa eduuwa, Quidiitoone na do’taca. Mädä eduuwa waadö Wanaadi nnedö ecamjödö que wa, ñäädä jummanei, jääcäinchädä cönäämaichö.

EUJEESIYO 2:4

Yääje yeichaame töwö Wanaadi wentumje äneetä töweijäcä, jooje cujummatäiñe töweijäcä mmaja,

EUJEESIYO 5:2

Wä’jummanä ’je eichäcä, Quidiito cujummatäänedööje mmaja. Töwö saaquidiijiisiyooje cönä’tui cöjääcäinchädäiñe, oweeja nnedö’cä töweiye naichöje. Yää yä’tu’jödö Wanaadi wacö’je cönä’jaacä, Wanaadi wwä u’ajä caadono ijoodö töweiye naichöje.

CODOOSENSE 1:18

Quidiito na chääjö ju’jäje, ñanno quedeiyentecoomo ju’jäje. Töwö na yeicho’como u’neije, awa’deenato töwäämaajo jonnoto waadoncaajä mmaja, tameedä o’jodhaatoje töweichö wetä.

1 TIIMOTEO 6:13

Edääje wä’döa äwwä Wanaadi owaadäädä, ñäädä tämeedä yeichö wa’cä weichojo u’nei, Jesuuquidiito owaadäädä mmaja, ñäädä Ponsiyo Pidaato netaadöje töwääcammadaawä aashicha cönääcammajäätöichö.

1 TIIMOTEO 6:15

Töwö Jesuuquidiito Wanaadi woije nääneja’de tucu’nädö awä. Ñäädä mma ñäädä Wanaadi jäduujato, aashichaato mmaja, yäätonno ’jemjönö, tameedä cajiichaanacoomo Cajiichaanaichomo, tameedä ädhaamo Edhaajotoncomo mmaja.

EEWEDEO 10:29

Töwaacö’je tömaaminchaamöje na ñäädä Wanaadi nnedö chiiñeme’nei, dhaquiiyö chimmanei mmaja, Epíiditu Santo jäcä conemjönö wa’deuwödö mmaja, ñäädä tujummanei, Wanaadi dö’sennoto we’ajä. Yää Jesuuquidiito aquiiyö cösoomaneichomooje na, chäänönge Wanaadi necamma’jödö weichö cu’tädööje mmaja.

EEWEDEO 9:14

Dha’daane Quidiito aquiiyö, jäduuje’cä jeene yää; cötö’tajäätödööcomo jaiñoone choccajai ña, wäämatoojo ännö’da cöweichöcoomo wetä, Wanaadi nudooto anoonöjeene cöweichöcoomo wetä. Töwö Quidiito yeichöödoto Epíiditu Santo woije Wanaadi wwä cönä’tui saaquidiijiisiyo chäänöngatooje.

1 PEEDHODO 1:19

Quidiito aquiiyö aashichaato queene töwääwanaaca maato, oweeja nnedö’cä aashichaato yäätunui’chä’jödö ’jemjönö aquiiyö töweiye naichöjaato que.

1 JUAN 1:7

Dha’da ’quene tawaanato ai cöwäämannä’a’comjäcä, töwö Wanaadi tawaanato aca naadöje mmaja, ääjimmäje caato yaawä, Iiñedö Jesuuquidiito aquiiyö nichocca yaawä tameedä cöcoone’nadiiyöcoomo.

1 JUAN 4:10

Edä yää wä’jummanä neene jaiñoone, cöwwäiñe Wanaadi jummadööjönööne, töwö chäwwä cujummadööcomoone. Töwö Wanaadi Tönnedö cönaanontäi saaquidiijiisiyooje töwä’tueemöje, cöcoone’nadiiyöcoomo choccatoojoje.

APOOCADIISI 11:15

Yaawä aacä amoojatooto amoode töjaanau’cwai cöneetöi. Wa’deunä cönäätaacä yaawä caju ña, jooje. Edääje ya’deuwödööcomo cönäätaacä: Tameedä nono de’woncomo, ñanno cajiichaanacoomo sotoi, naato eduuwa Cädhaajotoncomo sotoije, dhanoonö Quidiito sotoije mmaja. Töwö Cajiichaanaje na’de yeichöödäje; quee cönäätaacä.

APOOCADIISI 11:3

Öwö wanontaato’de aacä ya’deddu ecammajä’nnamo; tönwanno öwö untudu woije necammajä’aato’de 1,260 anooto, camiisha juduumato döaajä yoomöcoomoje; quee cönäätäcammai öwwä.

APOOCADIISI 17:14

Tönwanno newäänä’taato’de Oweeja nnedö’cä jadä. Töwö Oweeja nnedö’cä ne’jodheinchaato’de, cajiichaanacoomo Cajiichaanaichomooje töweijäcä, ädhaamo Edhaajotoncomooje töweijäcä mmaja. A’dejja’como ñanno Oweeja nnedö’cä jadoncomo, Wanaadi neichö mmaja, chäänönga’como mmaja; quee cönä’döaacä amoode öwwä.

APOOCADIISI 19:11

Yaawä weneeaqueene caju wata’ducaadö. Yäätä cönääneaacä cawaayu, tajääde’de. Ye’wono eetö cönä’jaacä Aashichaatoje, Chäänöngatooje mmaja, chäänönge tönemmenca yeijäcä, töweewänä’tä mmaja.

APOOCADIISI 19:16

Yoomö jäcä chäätö imennaajä cönä’jaacä, ijeetö jäcä mmaja. Cajiichaanacoomo Cajiichaanaichomo, ädhaamo Edhaajotoncomo mmaja, quee chäätö imennaajä cönä’jaacä.

APOOCADIISI 2:13

Yoowanääcä na tameedä ännödö; ajaatadö mmaja yoowanääcä na dea, Caajuushawa waanontotoojo dö’tä yeichö. Yääje yeichaame ye’nomja’da ma amäädä. Ñanno soto Caajuushawa weichojo dö’tä Antipa cöneemaicho, ñäädä ya’deddu ecammajä’nei, yaanonö chäänöngato mmaja. Ñäädä emaadawä chäwwäiñe yeecamjödö omjome’dä’da meiyaqueene.

APOOCADIISI 3:14

Edääje mmaja ñäädä soto nnedö nöngato cönä’döa’dea öwwä: —Edääje imennäcä’de amoode wwadäädä, ñäädä Daodiseea ñancomo quedeiyente edai’chäneichomo wwadäädä: “Edääje nä’döa ñäädä Chäänöngato, ecammajä’nei aashichaato, chäänöngato mmaja, tameedä Wanaadi nödöödö amoode’nänei’jödö:

APOOCADIISI 7:14

Öwö wä’döaaquene yaawä: —Amäädä odhoowanääcä na; quee. Yaawä edääje cönä’döaacä töwö: —Ñanno canno yää wäntunaanö’nä tacaadato acancomo we’a’como. Tönwanno töwoomöcoomo tajääde’deiñe cöncoccaicho Oweeja nnedö’cä aquiiyö que.