APOOCADIISI 1:4 - Wanaadi A'deddu

⁴ Öwö Juan, äwwadäädäiñe wimenna, änwanno Aasiya ñancomo quedeiyentecoomo, aacä amoojato ajaatadööcomo naadö. Aashichaato, täncanoode’da aweicho’como mmaja äwwäiñe yei’she wa, Wanaadi nutuudu, ñäädä eduuwa naadö, jenaadä cönä’ja’dö dea, äcuude na’dedö dea, ñanno aacä amoojato’como Epíiditu nutuudu mmaja, ñanno Wanaadi mudei o’wawä naatoodö,

APOOCADIISI 1:4 ပူးပေါင်းရင်းမြစ်များ

JUAN 1:1

Awa’deene cönä’jaacä A’deu. Ñäädä A’deu cönä’jaacä Wanaadi jadä; Wanaadi chea töwö cönä’jaacä.

DOSECHO 19:10

Mädääje töwö cönä’jaacä aacä wedu; tameedä Aasiya ñancomo cöneeta’to Jesuuquidiito a’deddu, judhíocoomo mmaja, judhíojöncomo mmaja.

DOSECHO 2:9

Eetä töweiye naato Paadatiiya ñancomo, Meediya ñancomo mmaja, Edan ñancomo mmaja, Meesopootaamiya ñancomo mmaja, Judheea ñancomo mmaja, Caapadoosiya ñancomo mmaja, Ponto ñancomo mmaja, Aasiya ñancomo mmaja.

DOMAANO 1:7

Edä wimenna äwwadäädäiñe, tameedä änwanno Dooma ñancomo, Wanaadi nijummadö, tösootoije Wanaadi ne’tädö. Aashichaato, täncanoode’da aweicho’como mmaja äwwäiñe yei’she wa, Cumöötoncomo Wanaadi nutuudu, Cajiichaana Jesuuquidiito nutuudu mmaja.

1 CODINTIYO 1:3

Aashichaato, täncanoode’da aweicho’como mmaja äwwäiñe yei’she wa, Cumöötoncomo Wanaadi nutuudu, Cajiichaana Jesuuquidiito nutuudu mmaja.

2 CODINTIYO 1:2

Aashichaato, täncanoode’da aweicho’como mmaja, äwwäiñe yei’she wa, Cumöötoncomo Wanaadi nutuudu, Cajiichaana Jesuuquidiito nutuudu mmaja.

EEWEDEO 13:8

Jesuuquidiito chäänöngeedä weneene; jenaadä cönä’ja’döje dea na eduuwa, yeichöödäje.

SANTIYAACO 1:17

Tameedä aashichaato u’ajä, tameedä chäänöngato u’ajä mmaja, caju ñanno ne’a, Wanaadi nutuudu woije, ñäädä tawaanato tödöönei’jödö. Chäänöngeedä töwö weneene, enwacaama’da.

APOOCADIISI 1:1

Edä yää Jesuuquidiito neneejo’jödö, Wanaadi nutuudu chäwwä, tanoonö wwäiñe eneejodö wetä, eduuwa mma töweeja’dä’emö. Töwö Jesuuquidiito tamoodedö cönaanontäi tanoonö Juan wwä ecammajä’e.

APOOCADIISI 1:11

Edääje cönäätaacä: —Öwö ñäädä awa’deeto, yaatameedö mmaja. Yää meneea’dedö imennäcä’de jajeeda jäcä; adoojocä’de yaawä Aasiya ñancomo quedeiyentecoomo wwadäädä, ñanno aacä amoojato ijaatadööcomo naadö, ñanno Eujeeso ñancomo, Eesimiidana ñancomo mmaja, Peecamo ñancomo mmaja, Tiiyatiida ñancomo mmaja, Saadisi ñancomo mmaja, Jiidadeujiya ñancomo mmaja, Daodiseea ñancomo wwadäädäiñe mmaja imennaajä adoojocä’dede; quee cönäätaacä a’deu.

APOOCADIISI 1:17

Öwwä eneea’jäcä ye’duccane yo’wawä, yaatacoichaajä nönge. Yaawä töwö yaajojoone tamäädö ämu’demjönö que; cönä’döaacä: —Määcatoncai; öwö ñäädä awa’deeto, yaatameedö mmaja.

APOOCADIISI 1:20

Yaawä ñäädä soto nnedö nöngato cönä’döa’dea: —Edääje töwä’dö’se yeichö mädä chu’tädö meneeannö, ñanno aacä amoojato’como shidiichä yaamädö ämu’demjönö jäcä meneeantodö, aacä amoojato adhaawa a’täi meneeannö mmaja, yää oodo döaajä: Ñanno aacä amoojato’como shidiichä aacä amoojato amoode weichöcoomo cu’tädööje nä’janto, ñanno aacä amoojato ijaatadööcomo naadö quedeiyentecoomo edai’chännamo. Yää aacä amoojato adhaawa a’täi meneeannö mmaane, quedeiyentecoomo cu’tädööje nä’jaanä, ñanno aacä amoojato ijaatadööcomo naadö; quee cönä’döaacä öwwä.

APOOCADIISI 1:8

“Öwö ñäädä yaajäntä’jödö, yä’cadö mmaja;” quee nä’döa Cajiichaana jäduujato, ñäädä eduuwa naadö, jenaadä cönä’ja’dö dea, äcuude na’dedö dea.

APOOCADIISI 1:9

Öwö Juan, ajimmotoncomo dea, Jesuuquidiito jäcäinchädä yeetunu eneenei mmaja, Wanaadi sotoi mmaja, äshinchädööcomo nönge aashicha shinchänei mmaja. Öwö wä’jaaquene Paatamo antadö de’wä, Wanaadi a’deddu jo’tädööje yenno’jaajä, Jesuuquidiito jäcä ecammajäätödö e’nei.

APOOCADIISI 16:5

Wetaaquene yaawä amoode wa’deuwödö, ñäädä tuna edhaajä. Edääje cönä’döaacä: —Chäänöngato amäädä Wanaadi, Cajiichaana aashichaato. Chäänönge soto mimaaminchaato, amäädä eduuwa maadö, jenaadä mä’jaaquennö dea.

APOOCADIISI 2:12

Edääje mmaja ñäädä soto nnedö nöngato cönä’döa’dea öwwä: —Edääje imennäcä’de amoode wwadäädä, ñäädä Peecamo ñancomo quedeiyente edai’chäneichomo wwadäädä: “Edääje nä’döa ñäädä sauda seqqueeto ääjatoncädooto yeedö dha’me naadö:

APOOCADIISI 2:18

Edääje mmaja ñäädä soto nnedö nöngato cönä’döa’dea öwwä: —Edääje imennäcä’de amoode wwadäädä, ñäädä Tiiyatiida ñancomo quedeiyente edai’chäneichomo wwadäädä: “Edääje nä’döa Wanaadi nnedö, ñäädä wa’to nöngato chäänudu, oodo encaimaajä nöngato i’judu:

APOOCADIISI 2:8

Edääje mmaja ñäädä soto nnedö nöngato cönä’döa’dea öwwä: —Edääje imennäcä’de amoode wwadäädä, ñäädä Eesimiidana ñancomo quedeiyente edai’chäneichomo wwadäädä: “Edääje nä’döa ñäädä awa’deeto, yaatameedö mmaja, ñäädä cönäämaichö, töwäämaajo jonno cönaadoncaichö:

APOOCADIISI 22:16

—Öwö Jesuuquidiito yaamodeedö wanontäne edä jäcä ecammajä’e quedeiyentecoomo wwäiñe. Öwö ñäädä cajiichaana Dawí adaichö, Dawí atöödö mmaja. Öwö ñäädä shidiichä tawaanato, yaawaanadaawoto.

APOOCADIISI 22:8

Öwö ñäädä Juan, edä etaanei’jödö, eneenei’jödö mmaja. Eta’jäcä öwwä, eneea’jäcä mmaja, tä’mudhe wä’döne yaawä ñäädä amoode öwwä edä eneejonei’jödö o’wawä, ya’demeecödööje.

APOOCADIISI 3:1

Edääje mmaja ñäädä soto nnedö nöngato cönä’döa’dea öwwä: —Edääje imennäcä’de amoode wwadäädä, ñäädä Saadisi ñancomo quedeiyente edai’chäneichomo wwadäädä: “Edääje nä’döa ñäädä aacä amoojato’como Epíiditu edhaajä, aacä amoojato’como shidiichä edhaajä mmaja: Yoowanääcä na tameedä ännödö. Töwääma dajaane ma, nudä adheecadö weichaame.

APOOCADIISI 3:14

Edääje mmaja ñäädä soto nnedö nöngato cönä’döa’dea öwwä: —Edääje imennäcä’de amoode wwadäädä, ñäädä Daodiseea ñancomo quedeiyente edai’chäneichomo wwadäädä: “Edääje nä’döa ñäädä Chäänöngato, ecammajä’nei aashichaato, chäänöngato mmaja, tameedä Wanaadi nödöödö amoode’nänei’jödö:

APOOCADIISI 3:7

Edääje mmaja ñäädä soto nnedö nöngato cönä’döa’dea öwwä: —Edääje imennäcä’de amoode wwadäädä, ñäädä Jiidadeujiya ñancomo quedeiyente edai’chäneichomo wwadäädä: “Edääje nä’döa ñäädä aashichaato, chäänöngato, Dawí jataadö yaawi’chädö edhaajä. Töwö ñaaducaadö anejja a’dujai’cha na; töwö ña’dudu anejja a’ducaajai’cha mmaja.

APOOCADIISI 4:5

Yaawä Cajiichaana mudei acanno yäncucuudu cöneeja’caacä, yeetötöömadö mmaja, cadeemedu mmaja. Mude je’taca cönä’jaacä aacä amoojato adhaawa emjannäjä’ajä, ñanno aacä amoojato’como Epíiditu cu’tädö.

APOOCADIISI 4:8

Ñanno aacäicheea’como amoode’na’como cönä’ja’to ta’denqueiñe, chääwaadäiñe tooni amoojato dhajä’saichomo. Dhajä’saichomo jäcä cönä’jaacä chäänuduucomo, jooje, ye’wä mmaja, dho’nä mmaja. Etaajö’da cönä’ja’to töweecanta’ñädööcomo, ano, cöijai’jödöödä. Edääje cöneecanta’ña’to: Aashichaato, aashichaato, aashichaato, Cajiichaana Wanaadi jäduujato, ñäädä jenaadä cönä’ja’dö, eduuwa naadö dea, äcuude na’dedö dea; quee cöneecanta’ña’to.

APOOCADIISI 5:6

Yaawä inchoncomo antawäiñe weneeaqueene Oweeja nnedö’cä, jiidi, amiiñä’caajä nönge. Cajiichaana mudei yö’tä töwö cönä’jaacä, ñanno aacäicheea’como amoode’na’como dö’täiñe mmaja. Yeetai cönä’jaacä aacä amoojato, aacä amoojato mmaja chäänudu. Yää chäänudu na aacä amoojato’como Epíiditu cu’tädö, tameedä nono weichö wa’cä Wanaadi nanontädö naatoodö.

APOOCADIISI 8:2

Yaawä weneeaquento ñanno aacä amoojato’como amoode Wanaadi je’tacancomo. Chäwwäiñe cönä’tui aacä amoojato janau’cwa.