APOOCADIISI 1:3 - Wanaadi A'deddu

³ Ta’cwaiñe eijai ña ñäädä soto netaadöcoomoje edä a’deu imennaajä Wanaadi nutuudu a’de’tänei; etannamo mmaja ta’cwaiñe eijai ñaato dea, imennaajä woije tödönnamo mmaja, yeeja’do’tojo amoinche’da yeijäcä.

APOOCADIISI 1:3 ပူးပေါင်းရင်းမြစ်များ

MATEO 24:15

“Ñäädä Dañeede, Wanaadi wa’deuwödö ecammanei’jödö, cöneecammajäätöi ñäädä cone’manei tönoiñato jäcä. Ñäädä tönoiñato meneeato’de yaawä aashichaato tawä yaanöngajä. A’de’tänei nichö’tammecö’ñojo.

DUUCA 11:28

Jesuuquidiito cönä’döaacä yaawä: —Ñannoone ta’cwaiñe eijai ñaato, Wanaadi a’deddu etannamo, tödönnamo mmaja; quee cönä’döaacä.

DOMAANO 13:11

Mädä tödööjai maato mädä weiñä caatoodö chö’tamme’cancädä; cöwo’joto’como cu’nädö aca yä’döaajä mädä eduuwa. Eduuwa cöwääwanaacato’como amoinche’da na, queecanö’taneedawä cönä’ja’dö o’näde.

DOMAANO 13:12

Coijaicho ejä’dä’jai nä’döi eduuwa, awaanajai nä’döi. Yääje yeijäcä yää tööjano’taca tödööemö e’nomjajai caato eduuwa; cöwoowontoto’como cöödötäiye, suddau tawaanato aca töweewänä’täämö töweiye naichöje.

1 PEEDHODO 4:7

Tameedä yaatameetojo amoinche’da na. Yääje yeijäcä odhoowadäädäiñe eichäcä, acu’shämje mmaja. Yeichöje Wanaadi wwä adha’deutäcä.

2 PEEDHODO 3:8

Jimmä umjummadö, odhoowanääcäiñe tödöötäcä tooni anooto Cajiichaana wwä miide weduuto nönge yeichö; miide weduuto ’quene tooni anoototo nönge na chäwwä.

APOOCADIISI 22:10

Edääje mmaja cönä’döa’dea öwwä: —Mädä Wanaadi a’deddu imennaajä, jajeeda jäcä naadö, mana’dui’che yeeja’do’tojo cu’nädö amoinche’da yeijäcä.

APOOCADIISI 22:12

—Eduuwa mma wöta adöiña, neejemaatojo dha’me, soto ejeemadööcomo wetä chääwaadäiñe, iiñö’jocoomo nönge.

APOOCADIISI 22:20

Ñäädä edä jäcä ecammajä’nei edääje nä’döa: —Ee, eduuwa mma wöta adöiña; quee nä’döa. Amén. Ä’cäde’de jaiñoone Cajiichaana Jesuuquidiito.

APOOCADIISI 3:11

Eduuwa mma wöta adöiña. Täijeene ajäichä yää äwwä naadö, adheeje’jödö que mma mätänwajiiñajo’no.