APOOCADIISI 1:2 - Wanaadi A'deddu

² Töwö Juan chäänönge cöneecammajäätöi tameedä töneene’jödö jäcä, Wanaadi a’deddu mmaja, Jesuuquidiito necammajäätö’jödö mmaja.

APOOCADIISI 1:2 ပူးပေါင်းရင်းမြစ်များ

JUAN 1:32

Edääje mmaja Juan cönä’döa’dea: —Caju ñanno Epíiditu Santo wä’tädö weneeaqueene, jaduumaje. Ye’wä cönä’täi yaawä.

JUAN 12:17

Ñanno soto, yäämaajo jonno Dáasado adoncadaawä Jesuuquidiito jadoncomo’jödö, cöneecammajäätöicho yää jäcä, Dáasado adonca’jödö jäcä.

JUAN 19:35

Ñäädä eneenei’jödö jaiñoone mädä necammajä’a; chäänönge töwö ñeecammajäätödö na. Töwö dhowaanäcä mmaja chäänönge töneecammajäätödö weichö, änwanno mmaja mecaanö’taiye.

JUAN 21:24

Öwö ñäädä Jesuuquidiito necamma’jödö. Öwö mädä wecammajä’a, mädä ömmennädö naadö. Owaanäcä na chäänönge ömmennädö yeichö.

JUAN 3:11

Chäänönge yääje wä’döa äwwä, towaano jäcä ñaa na’deuwa, töneene’jödö mmaja ñaa necammajä’a dea äwwäiñe; yääje yeichaame aneecamjö’da maato ñaa necammajäätödö.

DOSECHO 22:15

Amäädä ma’de dha’deddu ecammajä’neije tameedä soto wwäiñe. Yää aneene’jödö jäcä mecammajä’a’de chäwwäiñe, aneeta’jödö jäcä mmaja.

DOSECHO 26:16

Aanöncä; öwö wäänejoi äwwä yaanonööje aweichö wetä, ecammajä’neije aweichö wetä mädä meneeannö jäcä, äcuude äwwä weneeja’dedö jäcä mmaja.

DOSECHO 4:20

E’nomjajai’cha ñaa na töneene’jödö ecammajäätödö, töneeta’jödö mmaja; quee cönä’döa’to Peedhodo, Juan mmaja.

1 CODINTIYO 1:6

Mädääje Quidiito jäcä ecammajäätödö chäänönge yeichö nääne’ju’ja äjääcäiñe.

1 CODINTIYO 2:1

Jimmä, adöiñaiñe weiyaquennawä Wanaadi a’deddu chäänöngato wecammajä’ne äwwäiñe iiñataaje ya’deddu tödööancädä’da, sö’je tödööancädä’da mmaja.

1 JUAN 1:1

Ñäädä yaajäntä’jödö jonnoto’jödöödä töweiye cönä’ja’dö, ñäädä Weichojo A’deu edhaajä, ñaa necammajä’a äwwäiñe. Ñäädä wa’deuwödö töneeta ñaa cönä’jaacä; tänuudu que töneene ñaa cönä’ja’dea; töneene’ma ñaa cönä’ja’dea; tamäädö que tönaajojo ñaa cönä’ja’dea.

1 JUAN 4:14

Ñaa cöneeneaacä Cumöötoncomo nanontä’jödö, ñäädä Iiñedö, edä nono de’woncomo ewaanacaaneichomooje cönaanontäichö. Ñäädä töneene’jödö töneecammajä’e ñaa weneene.

3 JUAN 1:12

Tameedä soto aashicha töwa’deuwe weneeneto Demeetediiyo jäcä; chäänönge weiñä woije töwö weneene. Ñaa mmaja ñaa owaanäcä na dea chäänönge yeichö. Änwanno odhoowanääcäiñe na chäänönge ñaa necammadö yeichö.

APOOCADIISI 1:11

Edääje cönäätaacä: —Öwö ñäädä awa’deeto, yaatameedö mmaja. Yää meneea’dedö imennäcä’de jajeeda jäcä; adoojocä’de yaawä Aasiya ñancomo quedeiyentecoomo wwadäädä, ñanno aacä amoojato ijaatadööcomo naadö, ñanno Eujeeso ñancomo, Eesimiidana ñancomo mmaja, Peecamo ñancomo mmaja, Tiiyatiida ñancomo mmaja, Saadisi ñancomo mmaja, Jiidadeujiya ñancomo mmaja, Daodiseea ñancomo wwadäädäiñe mmaja imennaajä adoojocä’dede; quee cönäätaacä a’deu.

APOOCADIISI 1:19

Aneene’jödö imennäcä’de, eduuwa weiñä naadö jäcä, äcuude weiñä na’dedö jäcä mmaja; quee cönä’döaacä ñäädä öwwä.

APOOCADIISI 1:9

Öwö Juan, ajimmotoncomo dea, Jesuuquidiito jäcäinchädä yeetunu eneenei mmaja, Wanaadi sotoi mmaja, äshinchädööcomo nönge aashicha shinchänei mmaja. Öwö wä’jaaquene Paatamo antadö de’wä, Wanaadi a’deddu jo’tädööje yenno’jaajä, Jesuuquidiito jäcä ecammajäätödö e’nei.

APOOCADIISI 12:11

Ñanno cöjimmotoncomo tämentäneichomo’jödö cöne’jodheinchaicho Oweeja nnedö’cä wääma’jödö que, dha’deddu ecammajäätödö que mmaja. Tönwanno töwäämadööcomo onnontä’da cönä’ja’to tämaadöcoomo jonaane.

APOOCADIISI 12:17

Jooje’ca jeene caimaana cönäätömai yaawä wodi jäcä. Töwö cöntämä yaawä töweewänä’tädö wetä ñäädä wodi nnacoomo jadäiñe, ñanno Wanaadi waanontädö tödönnamo, Jesuuquidiito a’deddu woija’como.

APOOCADIISI 20:4

Yaawä weneeaqueene wanna mude, ye’woncomo wataajimaadö mmaja. Chäwwäiñe u’ajä cönä’jaacä soto emmencato’como. Weneeaquento dea ñanno Jesuuquidiito a’deddu ecammajäätödö jo’tädööja’como ijöncä’jä’a’como’jödö ecaatocoomo, ñanno Wanaadi a’deddu jo’tädööja’como wä’jajo’jocoomo, ñanno odoocojaato änwa’deme’jöncomo’jödö, chu’taajä mmaja. Ñanno dea cönä’ja’to odoocojaato wwä töjaawäiñe ä’madaaca’ñäjoojöncomo’jödö, tamäädöcoomo jäcä mmaja. Ñanno waadoncadööcomo weneeaqueene. Cajiichaanaje naato’de 1,000 wedu Quidiito jadä.

APOOCADIISI 22:21

Cädhaajotoncomo Jesuuquidiito aashichaato nutuudu äwwäiñe yei’she wa. Amén.

APOOCADIISI 6:9

Yaawä ijaatoodeaato ajoijo’jödö ajämjaca’jäcä Oweeja nnedö’cä wwä, saaquidiijiisiyo tödöötojo o’nä weneeaquento ñanno Wanaadi a’deddu jo’tädööja’como wä’jajo’jocoomo ecaatocoomo, ñanno dha’deddu ecammajäätödö ane’nomjajöncomo ecaatocoomo.