APOOCADIISI 1:11 - Wanaadi A'deddu

¹¹ Edääje cönäätaacä: —Öwö ñäädä awa’deeto, yaatameedö mmaja. Yää meneea’dedö imennäcä’de jajeeda jäcä; adoojocä’de yaawä Aasiya ñancomo quedeiyentecoomo wwadäädä, ñanno aacä amoojato ijaatadööcomo naadö, ñanno Eujeeso ñancomo, Eesimiidana ñancomo mmaja, Peecamo ñancomo mmaja, Tiiyatiida ñancomo mmaja, Saadisi ñancomo mmaja, Jiidadeujiya ñancomo mmaja, Daodiseea ñancomo wwadäädäiñe mmaja imennaajä adoojocä’dede; quee cönäätaacä a’deu.

APOOCADIISI 1:11 ပူးပေါင်းရင်းမြစ်များ

DOSECHO 16:14

Ñanno antawäiñe cönä’jaacä wodi, Diidiya täätö, Tiiyatiida ñano. Töwö cönä’jaacä camiisha seweichato ejeemajooneije. Wanaadi tumjumma cönä’jaacä. Yaawä Cajiichaana cuntui chäwwä Paudo wwä ecammajäätödö aashicha etaatojo.

DOSECHO 18:24

Yääje mma yaawä judhío cönä’döi Eujeeso ña, Apoodoje chäätö, Aadejantidía ñano. Töwö towaanojo’ne cönä’jaacä Wanaadi a’deddu imennaajä jäcä; aashicha töneecammajä’e cönä’jaacä.

DOSECHO 20:17

Yaawä Paudo Mideeto ñanno soto cönaanontäi Eujeeso ña, ansiyaano a’dejjaiñe.

1 CODINTIYO 15:32

Eujeeso ña jooje wätä’maminchajoone, odoocoja’como tääde’cwada’como jadä wotoonejaanä töweiye naichö wa’cä. Yääje yeichaame ¿ane’cotoojo mädä wätä’maminchajoonä eichöde’ töwäämaajo jonno waadoncanä ’je’da yieya’jäcä? Yääje yeiya’jäcä edääje chö’tajä’jai caato: “Jooje cääwashinchajä’täiye, cöwoocödööcomo canemjä’täiye, jenamma mma cä’ja’to’no;” queene chö’tajä’jai caato yaawä, anejjacoomo töwä’döe weneenetoodöje.

1 CODINTIYO 16:8

Eetä Eujeeso ña weichojo na Pentecoté anootoi’chädö jona tödööene,

EUJEESIYO 1:1

Öwö Paudo, Wanaadi woije Jesuuquidiito nanontädö, äwwadäädäiñe wimenna, änwanno Wanaadi sotoi Eujeeso ñancomo, Jesuuquidiito ecaanö’nnamo.

CODOOSENSE 2:1

Odhoowanääcäiñe yei’she wa äjääcäinchädäiñe jooje töweetadaawa’cajo weichö, tameedä Daodiseea ñancomo jäcäinchädä mmaja, tameedä yeenejöncomo jäcäinchädä mmaja.

1 TIIMOTEO 1:3

Maasedooniya ña wötäänedaawä äwwä wä’döaaquennöje dea wä’döa eduuwa; Eujeeso ña dea eichä’de, anejjacoomo miyäätuujaiyeto chäänöngemjönö wätunnä jäcä onoowanooma’da yeichöcoomo wetä,

APOOCADIISI 1:17

Öwwä eneea’jäcä ye’duccane yo’wawä, yaatacoichaajä nönge. Yaawä töwö yaajojoone tamäädö ämu’demjönö que; cönä’döaacä: —Määcatoncai; öwö ñäädä awa’deeto, yaatameedö mmaja.

APOOCADIISI 1:19

Aneene’jödö imennäcä’de, eduuwa weiñä naadö jäcä, äcuude weiñä na’dedö jäcä mmaja; quee cönä’döaacä ñäädä öwwä.

APOOCADIISI 1:2

Töwö Juan chäänönge cöneecammajäätöi tameedä töneene’jödö jäcä, Wanaadi a’deddu mmaja, Jesuuquidiito necammajäätö’jödö mmaja.

APOOCADIISI 1:20

Yaawä ñäädä soto nnedö nöngato cönä’döa’dea: —Edääje töwä’dö’se yeichö mädä chu’tädö meneeannö, ñanno aacä amoojato’como shidiichä yaamädö ämu’demjönö jäcä meneeantodö, aacä amoojato adhaawa a’täi meneeannö mmaja, yää oodo döaajä: Ñanno aacä amoojato’como shidiichä aacä amoojato amoode weichöcoomo cu’tädööje nä’janto, ñanno aacä amoojato ijaatadööcomo naadö quedeiyentecoomo edai’chännamo. Yää aacä amoojato adhaawa a’täi meneeannö mmaane, quedeiyentecoomo cu’tädööje nä’jaanä, ñanno aacä amoojato ijaatadööcomo naadö; quee cönä’döaacä öwwä.

APOOCADIISI 1:4

Öwö Juan, äwwadäädäiñe wimenna, änwanno Aasiya ñancomo quedeiyentecoomo, aacä amoojato ajaatadööcomo naadö. Aashichaato, täncanoode’da aweicho’como mmaja äwwäiñe yei’she wa, Wanaadi nutuudu, ñäädä eduuwa naadö, jenaadä cönä’ja’dö dea, äcuude na’dedö dea, ñanno aacä amoojato’como Epíiditu nutuudu mmaja, ñanno Wanaadi mudei o’wawä naatoodö,

APOOCADIISI 1:8

“Öwö ñäädä yaajäntä’jödö, yä’cadö mmaja;” quee nä’döa Cajiichaana jäduujato, ñäädä eduuwa naadö, jenaadä cönä’ja’dö dea, äcuude na’dedö dea.

APOOCADIISI 10:4

Yeetötööma’jäcä imennä’se wä’jaaquene yaawä. A’deu wetaaquene yaawä caju ña; edääje cönäätaacä: —Tacaade’da mmaane nei’ñojo mädä yeetötöömadö wa’deuwö’jödö; mämmennäi; quee cönäätaacä.

APOOCADIISI 14:13

Yaawä a’deu wetaaquene caju ña. Edääje cönäätaacä: —Edääje imennäcä: “Ta’cwaiñe eijai ñaato ñanno eduuwa naadö jonno Cajiichaana ecaanö’nnamo wä’jajoodöcoomo;” quee imennäcä; que a’deu cönäätaacä öwwä caju ña. Edääje Epíiditu Santo cöneccujä’acä yaawä: —Yääje dämma na; ñanno Cajiichaana ecaanö’nnamo wä’jajoodöcoomo näädeetaato’de tötaadawaajuichomo tödö’jödö jonno. Tönwanno neneeaato’de tönnö’jocoomo; quee.

APOOCADIISI 19:9

Yaawä ñäädä amoode cönä’döaacä öwwä: —Edääje imennäcä: “Ta’cwaiñe eijai ñaato ñanno Oweeja nnedö’cä jötaadawä ääwashinchä a’dejja’como,” quee imennäcä; quee cönä’döaacä amoode. Edääje mmaja cönä’döa’dea öwwä: —Wanaadi a’deddu chäänöngato mädä; quee cönä’döaacä.

APOOCADIISI 2:1

Edääje mmaja ñäädä soto nnedö nöngato cönä’döa’dea öwwä: —Edääje imennäcä’de amoode wwadäädä, ñäädä Eujeeso ñancomo quedeiyente edai’chäneichomo wwadäädä: “Edääje nä’döa ñäädä aacä amoojato’como shidiichä ämu’demjönö dhamäädö jäcoono, ñäädä aacä amoojato adhaawa a’täi yeichö antaiño wäämannäjöödö, yää oodo döaajä:

APOOCADIISI 2:12

Edääje mmaja ñäädä soto nnedö nöngato cönä’döa’dea öwwä: —Edääje imennäcä’de amoode wwadäädä, ñäädä Peecamo ñancomo quedeiyente edai’chäneichomo wwadäädä: “Edääje nä’döa ñäädä sauda seqqueeto ääjatoncädooto yeedö dha’me naadö:

APOOCADIISI 2:18

Edääje mmaja ñäädä soto nnedö nöngato cönä’döa’dea öwwä: —Edääje imennäcä’de amoode wwadäädä, ñäädä Tiiyatiida ñancomo quedeiyente edai’chäneichomo wwadäädä: “Edääje nä’döa Wanaadi nnedö, ñäädä wa’to nöngato chäänudu, oodo encaimaajä nöngato i’judu:

APOOCADIISI 2:24

Änwanno dhantai Tiiyatiida ñancomo, yää wätunnä aneecanö’jöncomo, Caajuushawa nowaanomaadö sö’jato täcammaamö jäcä oowanoomajöncomo’jödö, edääje daja wä’döa äwwäiñe: Öwö adhaanontätäiñe’da wa anejja tödöödö jäcä.

APOOCADIISI 2:8

Edääje mmaja ñäädä soto nnedö nöngato cönä’döa’dea öwwä: —Edääje imennäcä’de amoode wwadäädä, ñäädä Eesimiidana ñancomo quedeiyente edai’chäneichomo wwadäädä: “Edääje nä’döa ñäädä awa’deeto, yaatameedö mmaja, ñäädä cönäämaichö, töwäämaajo jonno cönaadoncaichö:

APOOCADIISI 21:5

Yaawä ñäädä mude de’wä shuucu cönä’ja’dö cönä’döaacä: —Eneecä’ma, eduuwaatoje wödööa tameedäädä; quee cönä’döaacä. Edääje mmaja cönä’döa’dea: —Imennäcä, chäänöngeene mädä a’deu yeiyajä, täcaanö’emje mmaja; quee cönä’döaacä.

APOOCADIISI 22:10

Edääje mmaja cönä’döa’dea öwwä: —Mädä Wanaadi a’deddu imennaajä, jajeeda jäcä naadö, mana’dui’che yeeja’do’tojo cu’nädö amoinche’da yeijäcä.

APOOCADIISI 22:16

—Öwö Jesuuquidiito yaamodeedö wanontäne edä jäcä ecammajä’e quedeiyentecoomo wwäiñe. Öwö ñäädä cajiichaana Dawí adaichö, Dawí atöödö mmaja. Öwö ñäädä shidiichä tawaanato, yaawaanadaawoto.

APOOCADIISI 3:1

Edääje mmaja ñäädä soto nnedö nöngato cönä’döa’dea öwwä: —Edääje imennäcä’de amoode wwadäädä, ñäädä Saadisi ñancomo quedeiyente edai’chäneichomo wwadäädä: “Edääje nä’döa ñäädä aacä amoojato’como Epíiditu edhaajä, aacä amoojato’como shidiichä edhaajä mmaja: Yoowanääcä na tameedä ännödö. Töwääma dajaane ma, nudä adheecadö weichaame.

APOOCADIISI 3:14

Edääje mmaja ñäädä soto nnedö nöngato cönä’döa’dea öwwä: —Edääje imennäcä’de amoode wwadäädä, ñäädä Daodiseea ñancomo quedeiyente edai’chäneichomo wwadäädä: “Edääje nä’döa ñäädä Chäänöngato, ecammajä’nei aashichaato, chäänöngato mmaja, tameedä Wanaadi nödöödö amoode’nänei’jödö:

APOOCADIISI 3:4

Yääje yeichaame iiña Saadisi ña töweiye naato adhantawäiñe anejjacoomo töwoomöcoomo oncodoimajöncomo; ñanno näämannä’aato’de jaadä tajääde’dato yoomöcoomoje, aashicha’comooje yeichomjäcä.

APOOCADIISI 3:7

Edääje mmaja ñäädä soto nnedö nöngato cönä’döa’dea öwwä: —Edääje imennäcä’de amoode wwadäädä, ñäädä Jiidadeujiya ñancomo quedeiyente edai’chäneichomo wwadäädä: “Edääje nä’döa ñäädä aashichaato, chäänöngato, Dawí jataadö yaawi’chädö edhaajä. Töwö ñaaducaadö anejja a’dujai’cha na; töwö ña’dudu anejja a’ducaajai’cha mmaja.