APOOCADIISI 1:1 - Wanaadi A'deddu

¹ Edä yää Jesuuquidiito neneejo’jödö, Wanaadi nutuudu chäwwä, tanoonö wwäiñe eneejodö wetä, eduuwa mma töweeja’dä’emö. Töwö Jesuuquidiito tamoodedö cönaanontäi tanoonö Juan wwä ecammajä’e.

APOOCADIISI 1:1 ပူးပေါင်းရင်းမြစ်များ

JUAN 12:49

Öwö woije mma a’deuwö’da wa; ñäädä Jaaja, yaanontänei’jödö, cuntui öwwä wa’deutojo, noowanoomatoojo mmaja.

JUAN 15:15

Yaanonööje adhe’tätäiñe’da wa eduuwa. Dhanoonö dhowaanäcä’da töweiye nai tädhaajä wwä tödöötojo. Jimmäjeene mane’taato eduuwa, äwwäiñe ecamma’jödö weijäcä tameedä Jaaja wwä neeta’jödö.

JUAN 17:8

Öwö wowaanomaaneto äwwä yoowanooma’jödö que; tönwanno aashicha cöneeta’to. Tönwanno dhowaanäcäiñe na ojonno weejö’jödö weichö; necaanö’aato dea äwwä yaanontä’jödö.

JUAN 3:32

Töwö na’deuwa töneene’jödö jäcä, töneeta’jödö jäcä mmaja. Yääje yeichaame soto eta’se’da naato töwö ñeecammajäätödö.

JUAN 8:26

Öwwä töweiye na jooje äjääcäiñe täcammajä’emö, chäänönge’da aweichöcoomo jäcä. Chäänöngato ñäädä yaanontänei’jödö; öwö ya’deuwa soto wwäiñe töwö ñeecamma’jödö nönge mmaja; quee cönä’döaacä Jesuuquidiito.

DOMAANO 16:25

Aashicha wa’deutojooje Wanaadi ña; töwö äjäädu’täjaiñe na aashichaato wätunnä töneecammajä’e wääneneedö que, Jesuuquidiito ecammajäätödö que mmaja, yää edä nono tödö’jödö jonnoto’jödöödä owaanäcä’da cönä’ja’dö.

CAADATA 1:12

Soto wwä’da wetaane, owaanomaajäje’da mmaja; Jesuuquidiitoone yoowanoomane.

EUJEESIYO 3:3

Töwö Wanaadi öwwä cöneenejoi yää owaanojöönö’jödö, chääjäcä joojede’da’cä wimennäichö.

TIITO 1:1

Öwö Paudo, Wanaadi anoonö, Jesuuquidiito nanontädö mmaja. Töwö yaanontäne Wanaadi neichö necamjödööcomo yoomanö’neije, Wanaadi woije weiñä jäcä owaanomaaneichomooje mmaja,

APOOCADIISI 1:19

Aneene’jödö imennäcä’de, eduuwa weiñä naadö jäcä, äcuude weiñä na’dedö jäcä mmaja; quee cönä’döaacä ñäädä öwwä.

APOOCADIISI 1:9

Öwö Juan, ajimmotoncomo dea, Jesuuquidiito jäcäinchädä yeetunu eneenei mmaja, Wanaadi sotoi mmaja, äshinchädööcomo nönge aashicha shinchänei mmaja. Öwö wä’jaaquene Paatamo antadö de’wä, Wanaadi a’deddu jo’tädööje yenno’jaajä, Jesuuquidiito jäcä ecammajäätödö e’nei.

APOOCADIISI 17:1

Yaawä tooni amoode cöneejä öwwadäädä, ñanno aacä amoojato’como amoode jimmä, aacä amoojato cancudu dha’me cönä’ja’todö. Töwö cöna’deuwacä öwwä; cönä’döaacä: —Ä’cäde, äwwä weneejoiye wodi masuuduijato wätä’maminchajootojo, ñäädä tacaadato, jooje tunaacomo de’wä shuucu naadö.

APOOCADIISI 19:10

Yaawä tä’mudhe wä’döne ñäädä amoode o’wawä, ya’demeecödööje. Töwö cönä’döaacä öwwä yaawä: —Mädääje’daane; Wanaadi anoonö mmaja öwö dea, anöngato mmaja, ajimmä nönga’como mmaja, ñanno chäänönge Jesuuquidiito a’deddu ecammajä’nnamo. Wanaadiiñe ya’deme’cä; quee cönä’döaacä. Ñanno Jesuuquidiito a’deddu ecammajä’nnamo ñanno Wanaadi nutuudu woije töneecammajä’e weneenetoodö.

APOOCADIISI 19:9

Yaawä ñäädä amoode cönä’döaacä öwwä: —Edääje imennäcä: “Ta’cwaiñe eijai ñaato ñanno Oweeja nnedö’cä jötaadawä ääwashinchä a’dejja’como,” quee imennäcä; quee cönä’döaacä amoode. Edääje mmaja cönä’döa’dea öwwä: —Wanaadi a’deddu chäänöngato mädä; quee cönä’döaacä.

APOOCADIISI 21:2

Öwö, Juan, weneeaqueene yää jata aashichaato wä’tädö caju ñanno, Wanaadi döiñanno, yää Jeduusadén ñano eduuwaato. Töweesomaajä’e cönä’jaacä, töiño eneeje wodi töwäätöiñonoomö töweesoma töweiye naichöje.

APOOCADIISI 21:9

Yaawä öwwadäädä amoode cöneejä, ñanno aacä amoojato’como amoode jimmä, ñanno aacä amoojato cancudu dha’me cönä’ja’todö, yää wätä’maminchanä yaatameetojo cu’tädö. Ñäädä amoode cönä’döaacä öwwä: —Ä’cäde sadä, yäätöiñonooajä weneejoiye äwwä, ñäädä Oweeja nnedö’cä jiñamo; quee cönä’döaacä.

APOOCADIISI 22:1

Yaawä ñäädä amoode öwwä cöneenejoi weichojo tunai’chädö, Wanaadi mudei dö’tonnoto weja’cadö, Oweeja nnedö’cä mudei dö’tonnoto mmaja. Yää tuna cönä’jaacä acuuwena; ta’dawaane cönääneaacä, widiiqui töweiye naichö wa’cä.

APOOCADIISI 22:16

—Öwö Jesuuquidiito yaamodeedö wanontäne edä jäcä ecammajä’e quedeiyentecoomo wwäiñe. Öwö ñäädä cajiichaana Dawí adaichö, Dawí atöödö mmaja. Öwö ñäädä shidiichä tawaanato, yaawaanadaawoto.

APOOCADIISI 22:6

Yaawä ñäädä amoode cönä’döaacä öwwä: —Chäänöngato a’deu mädä, täcaanö’emje mmaja. Cajiichaana Wanaadi, ñäädä ta’deddu ecammannamo tö’tajäätödö edhaajä, tamoodedö cönaanontäi tanoonö wwäiñe eneejo yää eduuwa mma töweeja’dä’emö; quee cönä’döaacä.

APOOCADIISI 22:8

Öwö ñäädä Juan, edä etaanei’jödö, eneenei’jödö mmaja. Eta’jäcä öwwä, eneea’jäcä mmaja, tä’mudhe wä’döne yaawä ñäädä amoode öwwä edä eneejonei’jödö o’wawä, ya’demeecödööje.

APOOCADIISI 22:9

Yaawä töwö cönä’döaacä öwwä: —Ng’jn; mädääje’daane. Wanaadi anoonö öwö dea, anöngato mmaja, ajimmotoncomo nönga’como mmaja, ñanno Wanaadi wa’deuwödö ecammannamo, edä jajeedä jäcä naadö tödönnamo. Wanaadiiñe ya’deme’cä; quee cönä’döaacä ñäädä amoode öwwä.

APOOCADIISI 4:1

Yääje mma yaawä caju ña weneeaqueene mönaatata, ta’duque’da. Yää a’deu, janau’cwa wäätadö nönge awa’de öwwä cönäätaichö mmaja, cönäätai chea yaawä; edääje cönäätaacä: —Sadä adhäänu’cä, äwwä weneejoiye äcuude töweeja’dä’emö; quee cönäätaacä.

APOOCADIISI 5:7

Ñäädä Oweeja nnedö’cä cöntämä yaawä; jajeeda cönei ämu’demjönö dö’se mude de’wä cönä’ja’dö enwawonno.