2 TIIMOTEO 4:2 - Wanaadi A'deddu

² Wanaadi a’deddu töneecammajä’e eichä; chääjäcä töweesomaajä’e deaane eichä’de, chu’nädö awä mecammajä’töiye, chu’nädö awä’da mmaja. Yää que soto e’jodheinchacooto, cone’da tödööjocootode, yäätuujacooto’dede, owaanomaadöcoomo jäcä aquinchancädä’da.

2 TIIMOTEO 4:2 ပူးပေါင်းရင်းမြစ်များ

DUUCA 7:23

Ta’cwaiñe eijai ña ñäädä chäänöngeedä yeecanö’nei; quee cönä’döaacä Jesuuquidiito Juan nowaanomaadö wwäiñe.

DUUCA 7:4

Jesuuquidiito döiña töwä’döa’comjäcä, ñanno inchoncomo cöna’deuwa’to chäwwä, cönä’döa’to: —Ñaa anontänei’jödö nijummadö woije tödööjai ma, aashichaato töwö yeijäcä.

DUUCA 9:60

Jesuuquidiito cönä’döaacä chäwwä: —Yä’ja’a’como dea mmaane newaaca’ña’to töwä’ja’a’como. Amäädä mmaane Wanaadi töcaajichaaneije tödöödö jäcä ecammajä’ta; quee cönä’döaacä.

DOSECHO 13:5

Yaawä Saadami ña töwä’döa’comjäcä Wanaadi a’deddu cöneecammajä’a’to judhío we’jummato’como taca. Juan mmaja chääjadäiñe cönä’ja’dea, i’wa’täneichomooje.

DOSECHO 16:13

Yaawä wäädeetatoojo anooto awä ñaa cöntämä jata tö’cäi, tuna jacäi, Wanaadi wwä wa’deutojo döiña. Yäätä ñaa cönaatajiimai; ñaa cöneecammajä’acä yaawä wödiiñamo we’jumma’como wwä.

DOSECHO 20:7

Yaawä semaana waajäntädö anootoi’chädö awä quedeiyentecoomo cöne’jummaicho Santa Seena tödöödö wetä. Paudo cöneecammajä’acä chäwwäiñe. Yää jenamma naadöje töwö iichotoojo cönä’jaacä; yääje yeijäcä yo’taca tödööene cöneecammajä’acä.

DOSECHO 28:16

Yaawä Dooma ña ñaa wä’döa’jäcä ñanno suddau jedeesoja’como cuntuicho waadiya edhaajotoncomo wwä. Paudo mmaane töudäje chä’sadö cöneecammaicho; tooni suddau edai’chäneije cönä’jaacä.

DOMAANO 10:15

¿Aaquene chäwwäiñe ätääcammajäätödö deeade’, chäwwäiñe ecammajä’nei tanontä yeichöjöönö? Edääje Wanaadi a’deddu imennaajä nä’döa: “Aashicha töweiye nai ñäädä wääma’tädö, aashichaato wätunnä ecammajä’nei, yää täncanoode’da weiñä jäcoono;” quee.

DOMAANO 12:12

Ta’cwaiñe eichäcä onwomoocödööcomo jäcä. Aashicha shinchätääcä äwäntunamjödööcomo. Yeichöje Wanaadi wwä adha’deutäcä.

CAADATA 6:6

Ñäädä Wanaadi a’deddu jäcoono woowanoomadö towaanomaanei i’wa’täjai ña tameedä aashichaato que.

CODOOSENSE 1:25

Öwö wa quedeiyentecoomo anoonöje, äjääcäinchädäiñe taadawaajui Wanaadi nutuudu woije, tameedä Wanaadi a’deddu ecammajäätödö wetä öwwä,

CODOOSENSE 4:3

Ñaa jäcä mmaja chäwwä adha’deutäcä, ñaa wwä ta’deddu ecammajo’tojo Cajiichaana äntuiye, Quidiito jäcä owaanojöönö’jödö ñaa wwä ecammajo’tojo äntuiyede, yää chääjäcäinchädä jedeesoje waadö.

1 TEESADOONISENSE 1:6

Änwanno mä’dötääne ñaa cu’jä’nenaamoje, Cädhaajotoncomo Jesuuquidiito cu’jä’nenaamoje mmaja. Änwanno adha’cwaniiyöcoomo Epíiditu Santo nutuudu que aashicha metaatäne Wanaadi a’deddu, ijo’tädööje jooje äwäntunaanö’taameiñe.

1 TEESADOONISENSE 5:14

Jimmä, edääje mmaja ñaa äwäätuujaato dea: Yootuujatääcä ñanno töquiiña’como. Wentumja’como tö’tajäätödö ya’dätääcä; jäduujemjöncomo i’wa’tätääcä. Äätömaacoije’da eichäcä tameedä soto jäcäiñe.

1 TEESADOONISENSE 5:20

Änquiiñemeecö’da eichäcä Wanaadi nutuudu ecammajäätödö.

1 TIIMOTEO 4:13

Adöiña öötädö jonaane yeichöje quedeiyente netaadöcoomoje Wanaadi a’deddu imennaajä a’de’tädööje eichä’de, ijä’du’tädööcomooje mmaja, owaanomaadöcoomoje mmaja.

1 TIIMOTEO 5:20

Ñanno ansiyaano cönemjönö dödööje dea’como yäätuujacooto tameedä tätaamöje, anejjacoomo ääcatoncaiyeto yaawä.

2 TIIMOTEO 2:21

Mädääje mmaja quedeiyente; aashichaato tödööneije töwei’she töweiya’jäcä, chäänönge Cajiichaana anoonöje töwei’she töweiya’jäcä mmaja, töwö ecoccajai ña tameedä conemjönö jonno. Yaawä töweesomaajä’e na’de aashichaato tödööneije.

2 TIIMOTEO 2:25

Töwö töwäätuujacoonemjöncomo yäätuujajai ñaato jäduuje chääjäcäiñe töweiyancädä’da, Wanaadi wwä tötö’tajäätödööcomo sha’duminchatoojo edantäiyeto yaawä, chäänöngato dhowaanäcäiñe yä’dödö wetä.

2 TIIMOTEO 3:10

Amäädä mmaane öwö noowanoomadö odhoowanääcä na, öwö weichö mmaja, nencano’tädö mmaja, neecamjödö mmaja, aashicha tönshinchä weichö mmaja, wä’jummanä ’je weichö mmaja. Wäätä’maminchajoodö tönshinchä weichö mmaja odhoowanääcä na dea, wäntunamjödö mmaja. Amäädä odhoowanääcä na tameedä jääcä cöneeja’dätäichö Antiyooquía ña, Icooniyo ña mmaja, Diitada ña mmaja, yää iiña wäätä’maminchajo’jödö. Tameedä yää jonno Cajiichaana yeewanaacane.

TIITO 1:13

Chäänönge yääje yä’dö’jödö na; yääje yeijäcä tumjunne’da yäätuujacooto’de, chäänönge töneecamjödööcomo tödöiyeto.

TIITO 2:15

Mädääje owaanomaacoto; ijäädu’täcooto; jäduuje yäätuujacootode. Äwä’quimmajoojo’tojo mma maneejodööjoi’che.

EEWEDEO 13:22

Änwanno jimmä, aashichaane etaatäcä edä äwäätuujadööcomo öwwä; tawe’daasa mma wimennäi äwwadäädäiñe.

APOOCADIISI 3:19

Tameedä umjummadö wiyäätuujaato; wichuuseijaato dea. Yääje yeijäcä ta’neene eichä; ätö’tajäätödö sha’duminchacä.