2 TIIMOTEO 3:3 - Wanaadi A'deddu

³ Tumjunne’da mmaja naato’dede, wentumje äneetä’da mmaja, wätunnä dha’me mmaja, tujuunucoomo woije mmaja, tääde’cwadeiñe mmaja, aashichaato ämjumma’da mmaja.

2 TIIMOTEO 3:3 ပူးပေါင်းရင်းမြစ်များ

MATEO 10:21

“Yaawä töjimmotoncomo jadä’jödöödä soto nu’aato’de emaadö wetä. Yuumötoncomo tönnacontoncomo nu’aato’dede; mudeeshi mmaja tumöötoncomo nu’aato’de, senöötoncomo mmaja, yäämadö wetä.

MATEO 4:1

Yääje mma yaawä Jesuuquidiito cöntämä jata ’jemjönö aca, Epíiditu Santo nanontädö woije, töwä’yunaacajoodö wetä odo’sha wwä.

DUUCA 10:16

Yaawä töwö cönä’döaacä tönoowanoomadö wwäiñe: —Ñäädä adha’dedducoomo etaanei, öwö ya’deddu mmaja töneeta. Ñäädä aquiiñeme’nenaamo, öwö quiiñeme’tä mmaja. Ñäädä öwö quiiñeme’nei, yaanontänei’jödö chiiñemeecödö wa’cä mmaja na dea yää; quee cönä’döaacä Jesuuquidiito.

DUUCA 16:14

Ñanno jaadiseeo, jödaata jummannamo, yääje yä’dödö cöneetajä’a’to; Jesuuquidiito cönenno’jä’a’to yaawä.

JUAN 6:70

Yaawä Jesuuquidiito cönä’döaacä chäwwä: —Öwö dea sootoije mane’tätääne, änwanno amoojadooto de’wä aacä maatoodö. Yääje yeichaame tooni adhantawäiñe odo’shaje na; quee.

DOMAANO 1:29

Tönwanno chäänönge’da weneeneto, masuuduije mmaja, conemjönö tönnöe mmaja, anejja nödöödö töni’ñeimma mmaja. Tönwanno tö’neiñe weneeneto dea, soto töneema mmaja, töwäätäccujä’e mmaja, äncu’tätä mmaja, tumjunne’da mmaja, wätunnä dha’me mmaja.

DOMAANO 1:31

Aneene’jutu’da weneeneto dea, ta’deujocoomo nönge ännö’da mmaja, ta’cwaiñe’da mmaja, töjääcä conemjönö tödöödö anencwanno’jo’da mmaja, wentumje äneetä’da mmaja.

1 CODINTIYO 7:5

Oowontä’da eichäcä änwannoje dea. A’nädä yääje aweicho’como jäcä awa’deuwa’comjäcä mmaane yääje eijai maato, a’dhe mma, Wanaadi wwä wa’deunä jäcä mma awei’she aweiya’comjäcä. Yää ’jeje oojodööjai maato dea yaawä, Caajuushawa mma adhencu’toto’no yaawä änshinchä’da aweichöcoomo ai.

1 CODINTIYO 7:9

Yaawääne’, änshinchä’da aweiya’comjäcä ijöötajai maato, ätöiñonoojai mmaja. Aashicha mädääje eijai maato, jooje ätö’tajäätödööcomo queiñe.

1 TEESADOONISENSE 4:8

Yääje yeijäcä ñäädä edä wä’wätuujanä chiiñeme’nei, soto a’deddujöönö nichiiñeme’ca, Wanaadi a’dedduune, ñäädä Epíiditu Santo u’nei’jödö cöwwäiñe.

1 TIIMOTEO 3:11

Wodiiñamo mmaja tacu’shänäiche eijai ñaato dea, wätunnä dha’me’da mmaja, wataasheje’da’da mmaja; tameedä töweichöcoomo jäcä chäänönge eijai ñaato.

TIITO 1:8

Tödöiña yä’döa’como ewanshinchäneichomooje töwö eijai ña. Aashichaato tödööneije eijai ña dea, towaadoodoto mmaja, chäänöngato mmaja, Wanaadi woijato mmaja, acu’shämjato mmaja.

TIITO 2:3

Chäänönge mmaja ñanno no’sancomo, nontätä mmaja eijai ñaato dea, wätunnä dha’me’da mmaja, ä’dacu’da mmaja. Aashicha weiñä jäcä owaanomannamooje eijai ñaato,

SANTIYAACO 2:6

Yääje töweiyaamoje yeichaameiñe änwanno wentumja’como tömjöichojoiñe määnetääne. ¿Tönsomaaca’como jönca adhennanö’catäiñe weneeneto? ¿Ñanno jönca acu’shänä wwadäädä adhaadätäiñe weneeneto dea?

2 PEEDHODO 2:14

Conemjönö jäcä chö’tajäätö’da töweiyancädäiñe wodi wwadäädä eneejai’cha naato; conemjönö tödöödö que chaaquejö’da mmaja weneeneto dea. Tönwanno tönencu’täiñe jäduujemjöncomo. Töwäämu’ca naato conemjönö ijummadööje. Tönwanno töwännanö’e naato.

2 PEEDHODO 2:19

Aashicha yeicho’como töneecamma weneeneto, conemjönö anoonöje mmaja töweichaameiñe tönwanno, yää to’jodheinchanei’jödö anoonöjeene weiñä yeiyajä.

2 PEEDHODO 3:3

Edääje äwwäiñe wä’dö’se wa awa’deene: Anooto ataamejai yä’döa’jäcä anejjacoomo soto naato’de Wanaadi enno’jä’nnamooje; conemjönö tumjummadööcomo woije mma naato’de.

JUUDHA 1:16

Töwenta’me’ca’como ñanno chäänöngemjöncomo, taquiiñuca’como mmaja. Conemjönö tumjummadööcomo woije mma weneeneto. Tönwanno töwa’deuwe weneeneto aashichaato wa’cä, soto emu’näjöödöcoomoje, iiñödööcomo jäcäinchädä mma.

JUUDHA 1:18

Edääje ñanno cönä’döa’to: “Anooto ataamejai yä’döa’jäcä anejjacoomo naato’de Wanaadi enno’jä’nnamooje. Conemjönö tumjummadööcomo woije mma naato’de;” quee cönä’döa’to Jesuuquidiito nanontädö ñanno chäänöngemjöncomo jäcä.

APOOCADIISI 13:15

Ñäädä odoocojaato wwä u’ajä cönä’jaacä awa’deeto odoocojaato cu’taajä nudä tödöötojo, a’deudeme’jotoojo mmaja, änwa’deme’jöncomo töja’to’como mmaja.

APOOCADIISI 13:17

Ñanno tömaadaca’ñäjöncomo etöijäjai’cha cönä’ja’to yaawä, ñanno odoocojaato eetö imennaajä ’jemjöncomo, chäätö me’cudu imennaajä ’jemjöncomo mmaja.

APOOCADIISI 16:6

Tönwanno osootoi cömjajoicho, adha’deddu ecammajä’nnamo mmaja. Yääje yeijäcä munu mmaja chäwwäiñe memjoi eduuwa. Chäänönge mejeemaicho; quee cönä’döaacä ñäädä amoode.

APOOCADIISI 17:6

Töwä’dau’cwe weneeaqueene ñäädä wodi, Wanaadi sotoi aquiiyö que, Jesuuquidiito jäcäinchädo’como wä’jajo’jocoomo aquiiyö que mmaja. Eneedö’jo töwääcatonca mma wääcatoncane.