2 TIIMOTEO 3:2 - Wanaadi A'deddu

² Yaawä soto naato’de töwwäädä mma yä’jummadööcomo, jödaata jäcä töwäätätäädä mmaja, o’jodhe tötö’tajä’e mmaja, töwäätuujacoone’da mmaja. Tönwanno cone’da na’deuwaato’de Wanaadi jäcä; tumö a’deddu aneeta’da naato’de, senö a’deddu aneeta’da mmaja. Tö’wa’tä’jödö änwa’demeecö’da mmaja naato’dede, Wanaadi onnontä’da mmaja.

2 TIIMOTEO 3:2 ပူးပေါင်းရင်းမြစ်များ

MATEO 15:6

Mädääje soto wä’döa’jäcä yuumö ani’wa’täjo’da maato yaawä chäwwä, yeenö ani’wa’täjo’da mmaja. Mädääje ema’jödööje Wanaadi waanontädö mödööato, äwäätunnäichomo mma tödöödö wetä.

DUUCA 12:15

Edääje mmaja Jesuuquidiito cönä’döa’dea: —Odhoowadäädäiñe eichäcä. Äädai’chätääcä tönsomaaque töwei’she weiña jäcä. Töweichö eneetojoojönö yää tönsomaaque weiñä; quee cönä’döaacä.

DUUCA 16:14

Ñanno jaadiseeo, jödaata jummannamo, yääje yä’dödö cöneetajä’a’to; Jesuuquidiito cönenno’jä’a’to yaawä.

DUUCA 6:35

Änwanno mmaane ätu’de’tännamo ijummajai maato, aashichaato chääjäcäiñe tödööjai mmaja. Soto wwäiñe u’täcä’de, inwacaamajoodö jäcä ätö’tajä’ancädäiñe’da. Yaawä adheejema’jocoomo jooje na’de. Mädääje Wanaadi O’jodhaato nnedööje eijai maato, yääjatoone yeiyajä töwö, töjääcä chö’tajä’jöncomo aashicha tönnöe, conemjönö dönnamo mmaja.

DOSECHO 5:36

Odhoowanääcäiñe na eduuwaiche mma Teuda wei’jödö, ñäädä täneejucaatoje töwäätä’tä cönä’ja’dö. Jooje shootoi cönä’ja’to, tooni soto soto. Ñäädä Teuda cönäätämaajoi yaawä; ñanno shootoi’jödö cönäämecantoicho yaawä, a’que tödööene.

DOMAANO 11:18

Yääje yeichaame dhajäädö neene e’jodhe ä’canö’jai’cha ma. Chö’tamme’cä imiichö iiñejencaneije’da aweichö; töwööne ännejencaneije na.

2 CODINTIYO 5:15

Quidiito cönäämai tameedä soto jäcäinchädäiñe ñanno nudä naatoodö töwwoncomooje mma’da nudä yeichöcoomo wetä yaawä, ñäädä töjääcäinchädäiñe cönäämaichö wwonoojeene, töjääcäinchädäiñe cönaadoncaichö mmaja.

JIDIIPENSE 2:21

Tameedä anejjacoomo tönnödööcomo mma tönencano’tä weneeneto, Jesuuquidiito nödöödöjöönö mma.

CODOOSENSE 3:5

Yääje yeijäcä tameedä edä nono de’wono ännödööcomo emaatäcä: yää masuuduichanä, nossaje tö’tajä’nä mmaja, conemjönö tödö’se weiñä mmaja, conemjönö ijummadö mmaja, ane’cä’cä ijummadö jäcä töwäätätäädä weiñä mmaja. Chu’taajä ijummadö wa’cä mmaja yää töwäätätäädä weiñä.

2 TEESADOONISENSE 2:4

Tu’de ñäädä. Töwö nä’jädu’ta’de tameedä Wanaadi nödöödö jäcä, tameedä soto nijummadööcomo jäcä mmaja. Wanaadi weichojo tawä töwö nataajima’de. Wanaadije nätä’ta’de yaawä.

1 TIIMOTEO 1:20

Ñanno naatoodö yääja’como, Iimeneo, Aadejantudu mmaja. Ñanno wu’neto Caajuushawa wwä, yä’cuseijadööcomo wetä, Wanaadi jäcä cone’da a’deuwö’da yeichöcoomo wetä yaawä.

1 TIIMOTEO 1:9

Cönwanno cowaanäcäiñe eijai ña aashicha’como wwonooje’da yää waanontänä imennaajä weichö. Yää waanontänä töweiye nai tanontä’jödö ännöjöönö wwonoojeene, töweewodoichaato wwonooje mmaja, conemjönö dönei mmaja, chäänöngemjönö mmaja, Wanaadi onnontäjöönö mmaja, dha’deddu onnontäjöönö mmaja, tumö emaanei, senö emaanei wwonooje mmaja. Soto emaanei wwonooje mmaja na dea yää waanontänä,

1 TIIMOTEO 3:3

Wä’dau’nä yaacö’je’da eijai ña töwö ansiyaano; ewoodoicha’da mmaja eijai ña dea, ta’cwaiñeene eijai ña. Ätäccujäätö’da mmaja eijai ña dea, jödaata jäcä äätätäädä’da mmaja.

1 TIIMOTEO 6:10

Jödaata ijummadö tameedä conemjönö ju’jäje na. Yää jäcä töwäätätäädä töweichöcoomo woije anejjacoomo tösaadijange naato ecamjödö jonno; yää e’nei jooje conemjönö töneene weneeneto.

1 TIIMOTEO 6:4

ñäädä o’jodhaato wa’cä nääcanö’a; towaanojo’nemjönö töwö. Töwö wätunnä jäcä töwäätäccujäätödö yaacö’je na. Yää que we’neimmanä töwoojodööe weneene, wätäunä mmaja, cone’da wa’deunä mmaja, töweichacoono jäcä cone’da tö’tajä’nä mmaja,

2 TIIMOTEO 3:4

Tönwanno yääjönö wa’co’como wätäncu’tädööje mmaja naato’dede, tönnecoone’da mmaja, töweewacööma mmaja. Tönwanno töshiiye weiñä nijummaato’de Wanaadi ämjumma’da tödööene.

SANTIYAACO 2:8

Edääje Wanaadi a’deddu imennaajä nä’döa yää waanontänä cho’jodha’como jäcä: “Aweichacoono ijummacä äwä’jummadö nönge dea;” quee. Yää tödööa’jäcä äwwäiñe, aashichaato mödööato.

SANTIYAACO 4:16

Yääje’daane määnetääne; jäduuje töwääcamma määnetääne, töwä’wa’deme’que mmaja. Chäänönge’da yää nöngato wä’wa’deme’nä.

SANTIYAACO 4:6

Töwö Wanaadi aashicha töweichö woije cö’wa’tätäiñe weneene. Edääje dha’deddu imennaajä jäcä nä’döa: “Wanaadi nä’jädu’ta o’jodhaato tö’tajäätödö jäcä; o’jodhe chö’tajä’jönö mmaane töwö töni’wa’tä weneene, aashicha töweichö woije;” quee nä’döa.

1 PEEDHODO 5:5

Chäänönge mmaja änwanno mudeeshi, adhe’jodha’como woijeiñe eichäcä. Tameedäädääne ootowoije eichäcä, o’jodhe ätö’tajä’ancädäiñe’da, Wanaadi töni’wa’tä yeijäcä ñäädä o’jodhe chö’tajä’jönö, o’jodhaato tö’tajäätödö jäcä mmaane nä’jädu’ta töwö.

2 PEEDHODO 2:10

Jooje’cä jeene Wanaadi nimaaminchaato’de ñanno conemjönö tumjummadööcomo woija’como, ñanno Cajiichaana chiiñeme’nnamo. Tösaademjöncomo tönwanno, jäduuja’como mmaja. Tönoiña’como jäcä cone’da töwa’deuwödööcomo onnontä’da tönwanno.

2 PEEDHODO 2:12

Ñanno conemjöncomo weneeneto chö’tajäätö’da, aneene’jutu’da mmaja, odoocoja’como weneenetoodöje mmaja, ñanno tajäiyaamo, töja’aamo mmaja. Tönwanno cone’da töwa’deuwe weneeneto towaanojöncomo jäcä. Tönwanno nä’ja’aato’de, odoocoja’como nönge mmaja.

2 PEEDHODO 2:18

Iiña mmädä töwa’deuwe weneeneto, yääjönö wa’cä. Conemjönö que, tujuunu nijummadö que mmaja, tönencu’täiñe weneeneto ñanno chäänöngemjöncomo jonnoto yäänejeea’como.

2 PEEDHODO 2:3

Ñanno owaanomannamo chäänöngemjöncomo onsomaadöcoomo jäcäinchädä adhencu’taato’de ta’dedducoomo yääjönö wa’coto que. Jenaado’jä’jödöödä yäätä’maminchajooto’como täcamma na. Töwännanö’to’como aneemaicha’da naato’de.

JUUDHA 1:16

Töwenta’me’ca’como ñanno chäänöngemjöncomo, taquiiñuca’como mmaja. Conemjönö tumjummadööcomo woije mma weneeneto. Tönwanno töwa’deuwe weneeneto aashichaato wa’cä, soto emu’näjöödöcoomoje, iiñödööcomo jäcäinchädä mma.

APOOCADIISI 13:1

Yääje mma yaawä sa’dada de’wä wä’jaaquene yaawä, jiidi, dama jawä. Dama ’cwacanno odoocojaato wäncudu weneeaqueene yaawä. Aacä amoojato iju’jä cönä’jaacä, yeetai mmaane amoojadä. Yeetai waadäi cönä’jaacä canaanadi. Iju’jä jäcä chäätö imennaajä cönä’jaacä, Wanaadi wa’cä mmaja yäätä’taajä.

APOOCADIISI 16:11

Yääje yeichaame tötö’tajäätödööcomo änsa’dumincha’da dea cöneiya’to tönnödööcomo e’nomjadö wetä. Tönwanno Wanaadi caju ñano jäcä cone’da cöna’deuwöicho töwwäiñe se’nato dhetuncadö e’nei, tucunnujäätödööcomo e’nei mmaja.

APOOCADIISI 16:21

Yaawä caju ñanno i’chajö adai’jocoomo cönä’mei soto de’cäcäiñe. Tamiiñeiñe cönä’jaacä, aaduwaawä saacuto jiyooto ’cäwa’cä. Wanaadi jäcä cone’da soto cöna’deuwöicho yaawä i’chajö que tömaaminchadööcomo e’nei, jooje cone’da yeijäcä.

APOOCADIISI 16:9

Soto cöiñatuujätöicho yaawä ta’nato joojato que. Yääje yeichaame tötö’tajäätödööcomo änsa’dumincha’da cöneiya’to. Tönwanno Wanaadi o’jodhaatoje ane’tä’da cöneiya’to, ñäädä yää wätä’maminchanä edhaajä. Cone’da mma cöna’deuwöicho chääjäcä.