2 TIIMOTEO 1:3 - Wanaadi A'deddu

³ Äjääcä Wanaadi wwä wa’deuwödö waadäi aashicha töwa’deuwe wäänene Wanaadi wwä, ano, coijai mmaja, ñäädä aashicha tö’tajäätödö yeiyancädä dhanoonöje waadö, yaadai’chomo cönä’ja’todööje mmaja.

2 TIIMOTEO 1:3 ပူးပေါင်းရင်းမြစ်များ

DUUCA 2:37

Cönäätöiñocai yaawä. Yää jonnoto’jödöödä töiñoque’da conä’jaacä aacäichea sotooto de’wä aacäichea wedu. Wanaadi weichojo taca töweiye cönä’jaacä, aneiñaja täjäätö’da. Wanaadi wwä tönnöe töweiye cönä’jaacä, ano, coijai’jödöödä, wäänemaanä que, chäwwä wa’deunä que mmaja.

DOSECHO 22:3

—Judhío öwö; Taadoso ña yennune, yää Sidiisiya ñano jataawä. Eetä Jeduusadén ña yennejencane. Camaadiyeede cönä’jaacä yoowanoomaneije. Töwö yoowanoomane tameedä cadai’choncomo wätunnäi jäcä. Weichöje Wanaadi tumjumma wäänene, yeewanö jadäädä, eduuwa maatoodöje dea.

DOSECHO 23:1

Paudo cöneene’ma’to ñanno äcamma’jonnamo. Töwö cönä’döaacä chäwwäiñe: —Jimmä, aashicha weichö que töweiye wäänene Wanaadi owaadäädä, eduuwa waadö jona tödööene; quee Paudo cönä’döaacä.

DOSECHO 24:14

Edääje mmaane wäänene: Yaadaichö Wanaadiyööcomo woije wäänene, eduuwaato weichojo wä’dödö nönge, yää chäänöngemjönööje töne’tä weneenetoodö. Öwö wecaanö’a tameedä jenaado’jä waanontänä, Wanaadi wa’deuwödö ecammannamo nimenno’jocoomo mmaja.

DOSECHO 24:16

Yääje yeijäcä yoowadäädä töweiye wäänene conemjönö tödöödö queiñe Wanaadi jäcä, soto jäcä jeiñe mma.

DOSECHO 26:4

“Tameedä judhío dhowaanäcäiñe na jaatacäi dhantawäiñe wei’jödö, Jeduusadén ña wei’jödö mmaja, mude’cä’cäje weichö jonnoto’jödöödä.

DOSECHO 27:23

Edä coijaichawä amoode näänejoi öwwä, Waanadiiyö anoonö, ñäädä shootoije waadö.

DOMAANO 9:1

Chäänönge ya’deuwa, Quidiito sotoi wa’deuwödö töweiye naichöje; ätäncu’tä’da wa. Tö’tajäätödö jaiñoone wecamma äwwäiñe, Epíiditu Santo woije.

2 CODINTIYO 1:12

Ta’cwaiñe ñaa weneene, aashicha tötö’tajä’e ñaa weneene dea ñaa owaanäcä yeijäcä aashicha töwei’jödö, chäänönge töwei’jödö mmaja, edä nono de’woncomo antawäiñe, änwanno adhantawäiñe mmaja. Ñaa sejjedö que’da mädääje ñaa cönä’jaacä; Wanaadiiñe ñaa ’wa’täne.

CAADATA 1:14

Anejjacoomo jimmä öwö wa’co’como dea e’jodheiñe tönnöe wä’jaaquene judhío weichö, yaadai’chomo jano wätunnäichomo jooje töneecanö’e wei’jödö weijäcä.

EUJEESIYO 1:16

äjääcäinchädäiñe aashicha Wanaadi wwä wa’deuwödö ane’nomja’da wa, chäwwä äjääcäiñe wa’deuwödö waadäi.

1 TEESADOONISENSE 3:10

Wanaadi wwä töwa’deuwe ñaa weneene ano, coijai’jödöödä, cöwääneto’como jäcä. Adheene’seiñe ñaa na, jooje’cä aneecamjödööcomo ejannä’cajoodö wetä.

1 TIIMOTEO 1:19

Anejjacoomo mmaane töneecamjödööcomo jonno tösaadijange naato, chäänönge tötö’tajäätödööcomo ne’se’tädö woije ännö’da töweichomjäcä.

1 TIIMOTEO 1:5

Amäädä owaanomaajai maato wä’jummanä jäcä; yää wä’jummanä ne’a äwaanö choonecaajä jonno, tö’tajä’nä aashichaato jonno mmaja, ecamjödö weishi’jonä quemjönö jonno mmaja.

1 TIIMOTEO 5:5

Ñäädä wodi iiño wääma’jödö töjääcäjeenato jaiñoone Wanaadi ecaanö’jai ña; Wanaadi wwä a’deujai ña ano, coijai mmaja.

2 TIIMOTEO 1:5

Tötö’ta wäänene aneecamjödö chäänöngato jäcä, yää awa’deene onootö Dowiida wwä cönä’jadö, yää ’jeje aanö Euniise wwä cöna’ja’dö mmaja, eduuwa amäädä äwwä daja nichö’ta.

2 TIIMOTEO 3:15

Mude’cä’cäje aweichö jonnoto’jödöödä Wanaadi a’deddu odhoowanääcä na. Yää Wanaadi a’deddu asejje’täjai ña, adhe’se’täjai ña dea äwääwanaacatoojo wwadäädä, Jesuuquidiito ecamjödö jadä tödööa’jäcä.

EEWEDEO 13:8

Jesuuquidiito chäänöngeedä weneene; jenaadä cönä’ja’döje dea na eduuwa, yeichöödäje.