2 TEESADOONISENSE 3:9 - Wanaadi A'deddu

⁹ Sa’donna äwwäiñe aateme’jai ñaa wei’jödö weichaame, ñaa dea töweetadaawa’cajo ñaa cönä’jaacä, ñaa eneedö’jo ñaa nönge mmaja aweichöcoomo wetä.

2 TEESADOONISENSE 3:9 ပူးပေါင်းရင်းမြစ်များ

MATEO 10:10

Acanwaichomo mmaja manaadätäi’chede. Tooni mma owoomöcoomo anaadätääcä’de, aacä’da. Tösaajatuiche’da mma ojoncomo’de, adhe’sejiichomo tadä’da mmaja. Tadaawaaju tödöönei ätääwashinchä’da’da töweiye nai.

JUAN 13:15

Mädä äjääcäiñe wödöichö äwwäiñe tödööemö weneejoi, önnö’jödö nönge mmaja tödöödö wetä äwwäiñe.

1 CODINTIYO 4:16

Yääje yeijäcä edääje mänwätuujaato: Öwö nönge mmaja eichäcä.

CAADATA 6:6

Ñäädä Wanaadi a’deddu jäcoono woowanoomadö towaanomaanei i’wa’täjai ña tameedä aashichaato que.

1 TEESADOONISENSE 2:6

Töjääcä aashicha soto wa’deuwödööcomo ñaa encanoodöje’da cönä’jaacä. Änwanno awa’deuwödööcomo mmaja, anejjacoomo soto wa’deuwödööcomo mmaja, ämjumma’da ñaa cönä’ja’dea. Jesuuquidiito nanontädööje töweichö jäcäinchädä adhaanontäjaiñe ñaa wei’jödö weichaame, yääje’daane ñaa cönä’jaacä.

2 TEESADOONISENSE 3:7

Änwanno odhoowanääcäiñe na äwwäiñe tödööemö, ñaa nönge mmaja aweichöcoomo wetä. Ajaadäiñe töweichö etaadawa’cajo’da’da ñaa töweiye cönä’jaacä,

1 PEEDHODO 2:21

Mädääje töweiyaamoje Wanaadi adha’dejjatääne. Jesuuquidiito mmaja cönäntunamjöi chea äjääcäinchädäiñe, aneenedööcomooje töweiyemööje, töwö yei’jödö nönge mmaja aweichöcoomo wetä.

1 PEEDHODO 5:3

Ñanno aneedai’chädööcomo edhaajotoncomo nönge aweiyancädäiñe’da edai’chätääcä, aashicha ñeenedööcomooje aweiyancädäiñeene, anöngeiñe mmaja eiyetoode yaawä.