2 TEESADOONISENSE 3:4 - Wanaadi A'deddu

⁴ Cädhaajotoncomo dea nu’a ñaa wwä täncanoode’da äjääcäiñe ñaa tö’tajo’tojo, ñaa owaanäcä yeijäcä tönnöe aweichöcoomo tameedä adhaanonto’jocoomo ñaa wwä; ñaa owaanäcä mmaja tödöödöje dea eijai aweichöcoomo.

2 TEESADOONISENSE 3:4 ပူးပေါင်းရင်းမြစ်များ

MATEO 28:20

Owaanomaatäcä’de tameedä äwwäiñe manaanontätäänedö tödöödö jäcä. Öwö ajaadäiñe wa’de yeichöödäje, anooto wataamedö jonaane; quee cönä’döaacä Jesuuquidiito. Amén.

DOMAANO 15:14

Jimmä, öwö yoowanääcä na aashichaato tönnöe aweichöcoomo, töseedujä’ne aweichöcoomo mmaja, änwannoje dea ä’wätuujajai aweichöcoomo mmaja.

DOMAANO 15:18

Anejja jäcä a’deujai’cha wa, yää jäcä mmaane, Quidiito ni’wa’tädö que önnö’jödö jäcä mma, yää judhíojöncomo Wanaadi woije naatoodö. Yää wödööne ecammajäätödö que, tödööjätöödö que mmaja,

DOMAANO 2:7

Töwö Wanaadi yeichöödäje weiñä nu’a’de ñanno töquinchancädäiñe’da aashichaato tödönnamo wwäiñe, ñanno aashichaato encano’tännamo, aashicha töweicho’como encano’tännamo mmaja, töwaatamemjönö encano’tännamo mmaja.

1 CODINTIYO 14:37

Anejja adhantawäiñe Wanaadi nutuudu woije ecammajä’neije töwääcanö’a’jäcä, Epíiditu Santo woije töwääcanö’a’jäcä mmaja, ñäädä chö’tamme’jai ña yaawä edä äwwadäädäiñe wimennaadö Cajiichaana Jesuuquidiito nanontä’jödööje yeichö.

1 CODINTIYO 7:19

Dötä’da na yää siicunsidaadoje weiñä, yääje’da weiñä dötä’da mmaja. Wanaadi waanontä’jödö tödöödö mmaane dötä na.

2 CODINTIYO 2:3

Yääje yeijäcä mädääjatooje jajeeda wimennäne äwwadäädäiñe, yaawä adöiñaiñe ööta’jäcä wentumje weichö quieñe äjääcäiñe, ya’cwaimannamoojato’jödö jäcäiñe. Yoowanääcä cönä’jaacä öwö ta’cwaiñe weiya’jäcä änwanno mmaja ta’cwaiñe eijai aweichöcoomo.

2 CODINTIYO 2:9

Mädä jäcä äwwadäädäiñe wimennäne odhoonejaadöcoomoje, tameedä waanontädö tödööjai aweichöcoomo eneedö wetä.

2 CODINTIYO 8:22

Anejja quedeiyente mmaja ñaa nanonta dea canno Tiito jadäiñe. Chäänönge yeichö ñaa cöneedantäi tameedä iweichö jäcä. Jooje adöiñaiñe töötä’se na, jooje adhencano’tätäiñe töweijäcä.

CAADATA 5:10

Öwö Cajiichaana woije edääje tö’tajä’a äjääcäiñe; anejjeja ätö’tajäätödööcomo aneeseca’da eijai ätö’taato öwwä. Ñäädä adhencödööneichomo mmaane nätä’maminchaja’de Wanaadi wwä, täneejuque yeichö jona’da.

JIDIIPENSE 1:6

Yoowanääcä na ñäädä äjääcäiñe aashichaato tödöödö cönaajäntäichö chäänönge tödöödöje dea yeichö, Jesuuquidiito weejödö wa’cä.

JIDIIPENSE 2:12

Yääje yeijäcä, jimmä umjummadö, ajaadäiñe weichö öwö woije tönnöe mä’ja’quennöje dea eichäcä, jooje’cä mmaane eduuwa ajaadäiñe’da weijäcä. Töwääwanaaca aweichöcoomo jäcä oowoinchatääcä, o’jodhe ätö’tajä’ancädäiñe’da, tönoiñe äneetä aweiyancädäiñeene.

1 TEESADOONISENSE 4:10

Mädääje dämma tumjumma määnetääne tameedä quedeiyentecoomo Maasedooniya ñancomo. Yääje yeichaame jooje’cä jeene mädä tödööjo’se ñaa na äwwäiñe.

2 TEESADOONISENSE 3:12

Jesuuquidiito eetö joi edääje ñaa nanontaato ñanno yääja’como, yäätuujadööcomooje: Täncanoode’da netaadawa’cajo’ña’to, töweicho’como cana’cadö jäcä.

2 TEESADOONISENSE 3:6

Jimmä, edääje adhaanontä’seiñe ñaa na Cädhaajotoncomo Jesuuquidiito eetö joi: Ä’sancwatääcä quedeiyente töquiiñato jonno, ñäädä ñaa odhoowanoomatäänedö nönge eijönö.

JIIDEMÓN 1:21

Äwwadäädä wimennäi neecammadö tödööjai aweichö yoowanääcä yeiyancädä. Yoowanääcä na wecammaichö e’jodhe’cä töödööjai aweichö.