2 TEESADOONISENSE 3:3 - Wanaadi A'deddu

³ Chäänöngato ñäädä Cädhaajotoncomo. Töwö äjäädu’taato’de; adheewontaato’dede conemjönö wwä.

2 TEESADOONISENSE 3:3 ပူးပေါင်းရင်းမြစ်များ

MATEO 5:37

Sa’donnaane adha’deutäcä. “Ee;” quee caichäcä’de; “Ng’jn;” quee jeiñe mma. Yää de’wono wa’deunä mmaane odo’sha dö’senno ne’a.

MATEO 6:13

Ñaa mäiñunaacajoi’che; tösancwajoone ñaa sancwajoocä conemjönö jonno. Ñäädä mma amäädä Cajiichaana Jäduujato, aashichato wa’deuto’mato mmaja, yeichöödäje. Amén; quee caichäcä’de.

DUUCA 11:4

Ñaa cone’nadiiyö encwanno’jocä, ñaa mmaja tameedä töjääcä conemjönö tödöödö tönencwanno’jo ñaa weneenedööje mmaja. Ñaa mäiñunaacajoi’che; tösancwajoone ñaa sancwajoocä conemjönö jonno; quee caichäcä’de; quee cönä’döaaca Jesuuquidiito.

JUAN 17:15

Edä nono de’wonno adääcoto, quee a’dö’da wa äwwä; Odo’sha wwä ewontäcooto, queene wä’döa.

1 CODINTIYO 1:9

Chäänöngato ñäädä Wanaadi, töwö dea adha’dejjatääne Tönnedö Jesuuquidiito jimmäje aweichöcoomo wetä, ñäädä Cädhaajotoncomo.

1 CODINTIYO 10:13

Yää wä’yunaacanä ojoonaiñe töwe’e weneenedö tameedä soto noneejaatöcoomo dea yää. Chäänöngato ñäädä Wanaadi, töwö ayuunacaajotäiñe’da na adhe’jodheena’como que. Äwä’yunaacajoodöcoomo waadäi töwö Wanaadi nu’a äwwäiñe e’jodheinchatoojo, yää shinchädö wetä äwwäiñe.

1 TEESADOONISENSE 5:24

Chäänöngato ñäädä adha’dejjaneichomo’jödö; töwö dea mädääje äyöödöaato’de.

2 TIIMOTEO 4:18

töwö dea yeewanaaca’de tameedä conemjönö jonno; aashicha yeedai’cha’de töjaatacäi caju ña wä’dödö jonaane. Töwö aashicha wa’deutojooje na, yeichöödäje. Amén.

1 PEEDHODO 5:10

A’dhe äwäntunamjö’jejeiñe Wanaadi ocoonecaato’de. Töwö ä’wa’taato’de, yäätäädä äjäädu’taato’dede. Wanaadi ñäädä aashichaato edhaajä. Töwö ca’dejjatääne aashichaato töwaatamemjönö enennamooje cöweichöcoomo wetä, Jesuuquidiito jadä.

2 PEEDHODO 2:9

Mädääje Wanaadi ñanno cöneewanaacaicho. Töwö dhowaanäcä na dea töwoija’como ewaanacaadöcoomo yä’yunaacajoodöcoomo jonno. Töwö dhowaanäcä mmaja töwoijemjöncomo maminchadööcomo, wätä’maminchajootojo anootoi’chädö neene jona tödööene.

JUUDHA 1:24

Ñäädä Wanaadi jäduuje na aweejuccadööcomo queiñe adheedai’chädööcomooje. Töwö chäwwä na töweichojo aashichaato döiña adhaadoto’como, conemjönö ’je’da, ta’cwaiñe mmaja.