2 TEESADOONISENSE 3:2 - Wanaadi A'deddu

² Adha’deutäcääde Wanaadi ñaa ewontäiye soto conemjöncomo jonno, chäänöngemjöncomo jonno mmaja. Tameedä’da töneecanö’e naato.

2 TEESADOONISENSE 3:2 ပူးပေါင်းရင်းမြစ်များ

MATEO 17:17

Jesuuquidiito cöneccujä’acä; cönä’döaacä: —Mädä wa’cä aneecamjö’da maato, chäänönge’da mmaja. ¿Ä’waasa’cäne mma numa ajaadäiñe wei’she maato? Numa dajaane wä’döi ashinchädööcomooje. Sadäädä ene’täcä mä’dä mude’cä’cä; quee cönä’döaacä Jesuuquidiito.

MATEO 23:23

“Wentumje maato’de änwanno owaanomannamo, jaadiseeocoomo mmaja, yääjönö wa’co’como wäänejoodö. Änwanno Wanaadi wwonooje tunu’e määnetääne anaatödööcomo ejeedödö, yää jomi, wishu mmaja, anejja’cä mmädä mmaja, waanontänä tujunnato jaiñoone choojodha’cäcä ija’dä’taame äwwäiñe, yää chäänönge weiñä, wentumje äneetä weiñä mmaja, chäänönge Wanaadi töneecanö’e weiñä mmaja. Mädääne tödööjai maato, mänööcomo tödööancädä yeichaame.

DUUCA 18:8

Chäänönge yääje wä’döa äwwäiñe, töwö ni’wa’taato’de yaawä dea mma. Yääje yeichaame, Soto nnedö we’a’jäcä, ¿ecamjödö ’je soto edantätaicho’de? quee cönä’döaacä Jesuuquidiito.

DOSECHO 13:45

Yaawä jooje soto we’jumma’como eneea’jäcä ñanno judhío Paudo cöni’ñeimma’to. Tönwanno cönaajäntoicho dha’deddu eccujäätödö, chimmajäätödö mmaja.

DOSECHO 13:50

Yaawä ñanno judhíocoomo cöna’deuwöicho anejjacoomo wodiiñamo täneejuca’como wwäiñe, aashicha’como wwäiñe, dhanwaacomo täneejuca’como wwäiñe mmaja. Tönwanno cöni’jedoicho Paudo, Waanawé jäcäiñe, cone’da yeichöcoomo wetä chääjäcäiñe. Yää ’jeje ñanno täneejuca’como Paudo cönenno’jaicho töjaatadööcomo jonno.

DOSECHO 14:2

Ñanno judhío aneecanö’jöncomo mmane judhíojöncomo cöni’jedoicho cone’da chö’tajäätödööcomo wetä quedeiyente jäcäiñe.

DOSECHO 17:5

Yääje yeijäcä ñanno judhío quedeiyentejöncomo tö’neiñe cönä’ja’to. Töjaadäiñe dhanwaacomo conemjöncomo cönaadoicho; i’she’jocoomo ñanno cönä’ja’to. Tönwanno cöneewodoicha’to yaawä jataawä, soto aquimmadööcomooje; cöntonto yaawä Jasón mmai yöiña Paudo, Siida u’cadööcomo wetä jödo’na, soto wwäiñe utuuducoomo wetä yaawä.

DOSECHO 25:27

Edääje mmädä adoojojai’cha tö’ta, töwö iiñö’jödö jäcä imennaajä ’je’da; quee cönä’döaacä Jeetu Aaquidiipa wwäiñe.

DOSECHO 28:24

Anejjacoomo aashicha cöneeta’to ñeecammajäätödö; anejjacoomo ’quene aneecamjö’da cöneiya’to.

DOMAANO 10:16

Yääje yeichaame tameedä’da aashichaato wätunnä etannamo’jödö töneecanö’e naato. Edääje Isaía nimennä’jödö nä’döa: “Cajiichaanä, ¿änääcö necaanö’anä ñaa necammajäätödö?” quee.

DOMAANO 15:31

Wanaadi wwä adha’deutäcä Judheea ñancomo quedeiyentejöncomo wwä yeewontäiye. Chäwwä e’ca’täcä’dede quedeiyentecoomo Jeduusadén ñancomo aashicha tödöiyeto edä i’wa’toto’como yöiñaiñe wadääaadö.

1 CODINTIYO 15:32

Eujeeso ña jooje wätä’maminchajoone, odoocoja’como tääde’cwada’como jadä wotoonejaanä töweiye naichö wa’cä. Yääje yeichaame ¿ane’cotoojo mädä wätä’maminchajoonä eichöde’ töwäämaajo jonno waadoncanä ’je’da yieya’jäcä? Yääje yeiya’jäcä edääje chö’tajä’jai caato: “Jooje cääwashinchajä’täiye, cöwoocödööcomo canemjä’täiye, jenamma mma cä’ja’to’no;” queene chö’tajä’jai caato yaawä, anejjacoomo töwä’döe weneenetoodöje.

1 TEESADOONISENSE 2:18

Adöiñaiñe töötaamo ñaa cönä’ja’dö’je, öwö Paudo wannade wäämu’däjä’ne, öötä’sato’jödö; töwäädä Caajuushawa ñaa adoojo’da cöneiya’ne’.

2 TIIMOTEO 4:17

Cajiichaana mmaane jaadä cönä’jaacä; töwö jäädudu cuntui tacoichaane ta’deddu ecammajäätödö wetä öwwä judhíojöncomo netaadöcoomoje. Mädääje Cajiichaana yeewanaacane mado jonno;