2 TEESADOONISENSE 3:1 - Wanaadi A'deddu

¹ Änwanno jimmä, Wanaadi wwä adha’deutäcä ñaa jäcä, tameedä yeichö wa’cä Cajiichaana a’deddu ätääcammaiye, aashicha mmaja soto etaiyeto’de, änwanno metaatäneedöje mmaja.

2 TEESADOONISENSE 3:1 ပူးပေါင်းရင်းမြစ်များ

MATEO 9:38

Yääje yeijäcä adha’deutäcä tadaawaaju Edhaajä wwä, töwö tötaadawaajui dödö jäcä soto anaanontäiyeto; quee cönä’döaacä Jesuuquidiito.

DUUCA 10:2

conä’döaacä chäwwäiñe: —Tadaawaaju jooje naadö’je, töweetadaawa’cajaamo mmaane wanna’da. Yääje yeijäcä adha’deutäcä tadaawaaju Edhaajä wwä, töwö tötaadawaajui dödö jäcä soto anaanontäiyeto.

DOSECHO 12:24

Cajiichaana a’deddu ecammajäätödö mmaane jooje’cä cöneejamöi; tameedä yeichö wa’cä cönäätäcammajäätöi.

DOSECHO 19:20

Mädääje Cajiichaana Jesuuquidiito a’deddu cöneejangacä; jäduuje cönä’jaacä jooje.

DOSECHO 6:7

Yaawä Cajiichaana Jesuuquidiito a’deddu jooje cöneejangacä. Wanna soto quedeiyenteje cönä’döjoicho Jeduusadén ña; Wanaadi wwä töwa’deuwaamo jadä’jödöödä cöneecamjöicho.

DOMAANO 15:30

We’wa’tojo’se wa äwwäiñe, jimmä, Cädhaajotoncomo Jesuuquidiito jäcäinchädä, wä’jummanä Epíiditu Santo nutuudu jäcäinchädä mmaja; mädä wewäänä’tänä wödööaadö jäcä cö’wa’tätääcä Wanaadi wwä öwö jääcä awa’deuwödööcomo que.

1 CODINTIYO 16:9

eetä jooje Cajiichaana tadaawaajui öwwä tödööemö yeijäcä, chäänönge ä’döjaicho; jooje mmaja tu’de’tännamo naato.

2 CODINTIYO 1:11

Änwanno mmaja ñaa ’wa’täjai maato dea Wanaadi wwä awa’deuwödööcomo que. Jooje soto Wanaadi wwä ñaa jäcä ya’deuwa’comjäcä, jooje naato’de yaawä aashicha Wanaadi jäcä töwa’deuwaamo, ñaa jäcä aashichaato iiñö’jödö jäcäinchädä.

2 CODINTIYO 13:11

Mädääje mma wä’dö’se wä’jaanä, jimmä. Chäänönge aweichöcoomo encano’tätääcä; ä’jädu’tätääcäde; aata’deucwe eichäcä; täncanoode’da eichäcääde. Yaawä Wanaadi ajaadäiñe eijai ña, ñäädä täncanoode’da weiñä edhaajä, wä’jummanä edhaajä mmaja.

CODOOSENSE 4:3

Ñaa jäcä mmaja chäwwä adha’deutäcä, ñaa wwä ta’deddu ecammajo’tojo Cajiichaana äntuiye, Quidiito jäcä owaanojöönö’jödö ñaa wwä ecammajo’tojo äntuiyede, yää chääjäcäinchädä jedeesoje waadö.

1 TEESADOONISENSE 1:5

Ñaa wwä aashichaato wätunnä ecammajä’a’jäcä äwwäiñe, ecammajäätödö que mma’da ñaa cöneecammajäätöi, Epíiditu Santo jäduudu que mmajaane, chäänönge yeichö ñaa owaanäcä yeiyancädä mmaja. Odhoowanääcäiñe na äjääcäinchädäiñe aashicha adhantawäiñe ñaa wei’jödö.

1 TEESADOONISENSE 1:8

Yääje yeijäcä ojonnoiñe Cajiichaana a’deddu cöneecatai Maasadooniya ña, Acaaya ña mma’da. Tameedä yeichö wa’cä tacaade maato, Wanaadi töneecanö’e aweichöcoomo. Yääje yeijäcä adheecadööcomo täcammajä’emje’da ñaa wwä na.

1 TEESADOONISENSE 2:1

Änwanno jimmä, odhoowanääcäiñe na töwäädämma’da yeichö adöiñaiñe ñaa wötä’jödö.

1 TEESADOONISENSE 2:13

Ñaa wwä Wanaadi a’deddu ecammajäätödö eta’jäcä äwwäiñe soto wätunnäije ane’tä’da mä’ja’quene; Wanaadi a’deddujeene me’tätääne. Chäänönge me’tätääne, Wanaadi a’dedduune yeiyajä. Yää, Wanaadi a’deddu, aashicha ayöödöaato, änwanno ecaanö’nnamo. Yääje yeijäcä yeichöje aashicha töwa’deuwe ñaa weneene Wanaadi wwä.

1 TEESADOONISENSE 4:1

Änwanno jimmä, edääje äwwäiñe töwä’dö’se ñaa na, äwäätuujadööcomooje, Cädhaajotoncomo Jesuuquidiito eetö joi: Ñaa odhoowanoomatääne Wanaadi wacö’je weiñä jäcä, mädä maatoodö. Yääje yeichaame jooje’cä jeene mädä tödööjo’se ñaa na äwwäiñe.

1 TEESADOONISENSE 5:17

Wanaadi wwä yeichöje adha’deutäcä.

1 TEESADOONISENSE 5:25

Jimmä, ñaa jäcä adha’deutäcä Wanaadi wwä.

2 TIIMOTEO 2:9

Yää aashichaato wätunnä jo’tädööje wäntunaanö’a, tömööjä’e, soto emaanei tödöödö töweiye naichöje; Wanaadi a’deddu mmaane tömööjä’e’da na.