2 TEESADOONISENSE 2:2 - Wanaadi A'deddu

² Ä’sadiijannä’cajo’da eichäcä chäänönge ätö’tajäätödööcomo jonno; atansu’däjo’da mmaja eichäcääde. Ätääcatoncajo’da mmaja eichäcä’de anejjacoomo wwä, edääje yä’döa’comjäcä: “Cajiichaana Jesuuquidiito weejödö tö mädä;” ca’jäcä. Wanaadi woije yääje chäwwäiñe ecammajäätödö yeiyaatäi maneecanö’täi’che. Ñaa nimennädööjatooje e’taajä jajeeda äwwadäädäiñe adääjaajä yääje mmaja yä’döa’jäcä, maneecanö’täi’chede.

2 TEESADOONISENSE 2:2 ပူးပေါင်းရင်းမြစ်များ

MATEO 24:24

joojeene yeiya’como äwaanacaaneija’como wätä’tädö, jooje mmaja Wanaadi wa’deuwödö ecammannamooja’como wätä’tädö. Tönwanno jooje ene’ju’tojo nödööaato’de, jooje täneemö mmaja, Wanaadi sotoi jadä’jödöödä encu’täto’comoojatö’jödö.

MAADOCO 13:7

“Yaawä wänä wäätadö eta’jäcä äwwäiñe, wänä ecaadö mmaja, määcatoncatäi’che. Mädääje yeeja’do’tojo na, wataametoojojöönö mma yeichaame.

DUUCA 21:19

Yää shinchädö que aweichöcoomo michaana’caato’de.

DUUCA 21:9

Yaawä wänä ecaadö eta’jäcä äwwäiñe, wewoodoichanä jäcä mmaja, määcatoncatäi’che. Mädääje awa’de yeeja’do’tojo na, yaatameedöjöönö mma yeichaame; quee cönä’döaacä Jesuuquidiito.

JUAN 14:1

“Cone’da’daane eichäcä adheewanööcomo jäcä. Wanaadi ecaanö’täcä, öwö mmaja cäcaanö’täcääde.

JUAN 14:27

“Öötääje täncanoode’da aweicho’como wu’a, yää öwwono. Täncanoode’da weiñä edä nono de’wono nöngemjönö wu’a äwwäiñe. Cone’da’daane eichäcä adheewanööcomo jäcä; tösaade’da mmaja eichäcääde.

1 CODINTIYO 1:8

Töwö Wanaadi adheedai’chaato’de yaatameedö jonaane, ejääduqueejö’da aweichöcoomo wetä, anejja wwä äämentojo’da aweichöcoomo wetä yaawä Cädhaajotoncomo Jesuuquidiito we’a’jäcä.

1 CODINTIYO 14:32

Ñäädä Wanaadi nutuudu woijato wa’deuwödö tötö’tajäätödö emu’dojoocoije eijai ña.

1 CODINTIYO 7:26

Jooje wätä’maminchajoonä cöjääcäiñe töweiye yeijäcä aashicha eijai öwwä chö’tadö na naadöje dea dhanwa yeiya’jäcä.

EUJEESIYO 5:6

Anejja mma adhencu’tätäi’che töwäätunnäi iiña mmädooto que; tameedä mädä wime’cu’täichö jo’tädööje Wanaadi woijemjöncomo nätä’maminchajaato’de chäwwä.

1 TEESADOONISENSE 3:3

aweejäduuquejöödöcoomo queiñe mmaja mädä äwäntunamjödööcomo e’nei. Änwanno odhoowanääcäiñe na mädääje töwäntunaanö’aamoje cöweichöcoomo.

1 TEESADOONISENSE 4:15

Yääje yeijäcä edääje ñaa nä’döa äwwäiñe Jesuuquidiito woije: Cönwanno nudo’como, Jesuuquidiito weejödö jonaanato wo’somjo’jocoomo, tä’da caato’de ñanno yä’ja’a’como owaajo.

1 TEESADOONISENSE 5:2

Änwanno odhoowanääcäiñe na Cajiichaana we’tojo ätö’tajäätödööcomo ’nawä, coijai tämeenato weejödö töweiye naichöje.

2 TEESADOONISENSE 2:15

Yääje yeijäcä jimmä, jäduujeedä eichäcä. Mane’nomjatäi’che odhoowanooma’jocoomo ñaa wwä, yää ñaa necammajäätö’jödö, ñaa nimennä’jödö mmaja.

2 TEESADOONISENSE 3:17

Öwö Paudo dea edä wä’cadööje wimenna, tameedä ömmennäjoodö jäcä tömmennä wääneneedöje dea; edä naadö ömmennädö.

APOOCADIISI 19:20

Ñäädä ecammajä’nei chäänöngemjönö yäätä cönä’ja’dea, ñäädä odoocojaato neneedöje ene’ju’tojo tönnöe cönä’ja’dö. Töwö yää ene’ju’tojo tödöödö que tönencu’täiñe cönä’jaacä odoocojaato eetö que yä’madaaca’ña’como, ñanno chu’taajä ya’deme’nnamo. Yaawä ñäädä odoocojaato cönaatajoijoi chäwwäiñe, cawaayu tajääde’dato de’wä cönä’ja’dö wwäiñe. Ecammajä’nei chäänöngemjönö mmaja cönaatajoijoi chea. A’nädäncädä nudäädä cönäätämaajoicho jiyooto comootödö ña. Iiña wedeinchä nengaato’de, acuudajaada dhatu’jödö jodö joqque.