2 TEESADOONISENSE 2:13 - Wanaadi A'deddu

¹³ Änwanno jimmä, Cajiichaana nijummadö, yeichöje Wanaadi wwä aashicha a’deujai ñaa na äjääcäinchädäiñe, jenaadä Wanaadi wwä töwääwanaacaamoje adhe’to’jocoomo weijäcä. Töwö Wanaadi osoomatääne Epíiditu Santo que, äwwäiñe chäänöngato ecamjödö que mmaja.

2 TEESADOONISENSE 2:13 ပူးပေါင်းရင်းမြစ်များ

DUUCA 1:75

aashicha dhowaadäädä cöweichöcoomo wetä, chäänönge cöweichöcoomo wetä mmaja, cöweichöcoomoodäje.

JUAN 1:1

Awa’deene cönä’jaacä A’deu. Ñäädä A’deu cönä’jaacä Wanaadi jadä; Wanaadi chea töwö cönä’jaacä.

JUAN 14:6

Jesuuquidiito cönä’döaacä chäwwä: —Öwö ñäädä ääma neene, chäänöngato a’deu mmaja, do’ta edhaajä mmaja. Jaaja wwadäädä täjai’cha weiñä na; öwö joi mma täjai.

DOSECHO 13:48

Yää eta’jäcä ñanno judhíojöncomo ta’cwaiñe cönä’ja’to yaawä; aashicha cöna’deuwa’to Cajiichaana a’deddu jäcä. Tameedä ñanno töwääwanaacaamoje cönä’ja’todö cöneecamjöicho.

DOSECHO 15:9

Äänönge mma Wanaadi cujummaato, cönwanno mmaja, judhíojöncomo mmaja, chääwanööcomo mmaja cöncoccaichö naane’, ecamjödö weijäcä chäwwäiñe.

DOMAANO 6:17

Jenaadä conemjönö anoonöje mä’ja’quene; eduuwa mmaane tödö’se aweichöcoomo que owoowanooma’jocoomo woije maato, yää chääque towaanoma maatoodö. Yääje yeijäcä aashicha Wanaadi tä’tämje na.

DOMAANO 8:33

¿Änääcö Wanaadi nei’jödö jäcäiñe cone’da a’deujai ñai? Wanaadi chea töjaadonooje cönnöicho,

DOMAANO 9:11

Ñanno Deweeca nnacoomo ennu’dadooto Wanaadi yeicho’como cöneecammai, iiñödööcomo ’je’da dea yeichaame, aashichaato, conemjönö jeiñe mma. Edääje Wanaadi cönä’döaacä Deweeca wwä: “Yui ña’de tacoono anoonöje;” quee. Edääje mmaja aneetaja Wanaadi a’deddu imennaajä na’döa dea: “Jacoowo wijummane, Esaú mmaane wichiiñeme’ne;” quee. Mädääje na; mädääje tumjummadö woije mma Wanaadi tösootoije töweiyemö töna’dejja weneene, iiñödö jäcäinchädä’da.

1 CODINTIYO 1:21

Edä nono de’woncomo towaanojo’ne töweichöcoomo que mma Wanaadi towaanäcäiñe tödööjai’cha naato; tösejjeque Wanaadi weichö woijato dea yää. Täcaanö’nnamo mmaane töwö Wanaadi töneewanaaca weneeneto, ñanno ta’deddu ecammajäätödö etannamo’jödö, yää i’jeta’jödööje anejjacoomo töne’tä weneenetoodö.

CAADATA 3:1

Änwanno jimmä, Cadaasiya ñancomo, ¿aaquene mädä wa’cä aneene’jutu’da maato? ¿Änääcö ä’jedäätäne chäänöngato wätunnä woije’da aweichöcoomo wetä? Aneetadööcomooje ñaa cöneecammajäätöi Jesuuquidiito cuduusa jäcä yääma’jödö. Yää cönä’jaacä äwwäiñe eneedö wa’cä.

EUJEESIYO 2:8

Aashicha Wanaadi weichö woijeene töwääwanaaca maato, ecamjödö que, änwanno aashicha aweichöcoomo jäcäinchädä’da, Wanaadi nutuudu woijeene.

CODOOSENSE 1:5

Änwanno mädääje maato onwomoocödööcomo töweiye yeijäcä, yää caju ña äwwoncomooje tösooma naadö. Jenaadä änwanno metaatäne yää töwoomo’quemö jäcä chäänöngato wätunnä ecammajäätödö que.

CODOOSENSE 3:12

Wanaadi nijummadö änwanno, töwö ñei’jödö mmaja, töwwonooje aweichöcoomo wetä. Yääje yeijäcä aashicha weiñä äwwäiñe tödööjai maato, yää wentumje äneetä weiñä, soto jäcäiñe ta’cwaiñe weiñä mmaja, o’jodhe chö’tajäätö’da weiñä mmaja, soto jäcäiñe jäduuje’da weiñä mmaja, aashicha shinchädö mmaja.

1 TEESADOONISENSE 1:4

Änwanno jimmä, Wanaadi nijummadö, ñaa owaanäcä na Wanaadi wwä adhe’to’jocoomo.

1 TEESADOONISENSE 2:12

Edääje äwäätuujatäiñe ñaa cönä’jaacä: “Wanaadi sotoi weichö nönge deaane eichäcä, ñäädä tösootoije adhe’täneichomo’jödö, aashicha töweichö enennamooje adhe’täneichomo’jödö mmaja;” quee töwä’döe ñaa cönä’jaacä äwwäiñe.

1 TEESADOONISENSE 4:7

Wanaadi ca’dejjatääne aashicha tödönnamooje, conemjönö tödönnamooje’daane.

1 TEESADOONISENSE 5:9

Töwäätä’maminchajaamoje’da Wanaadi ca’dejjatääne, Jesuuquidiito jäcäinchädä töwääwanaacaamojeene.

2 TEESADOONISENSE 1:3

Änwanno jimmä, yeichöje Wanaadi wwä aashicha a’deujai ñaa na äjääcäinchädäiñe, jooje aneecamjödööcomo wejaamödö weijäcä, äwwäädäiñe äwä’jummadööcomo wejaamödö weijäcä mmaja.

2 TEESADOONISENSE 2:10

Aneejejaiñene’jödöödä conemjönö que nencu’taato’de ñanno töwännanö’aamoje töweiyaamo. Tönwanno mädääje nätäncu’täjaato’de chäänöngato ämjumma’da töwei’jocoomo e’nei, yää töwääwanaacato’comoojato’jödö.

2 TEESADOONISENSE 2:12

Mädääje nännanö’aato’de tameedä chäänöngato ecamjö’semjöncomo’jödö, ñanno conemjönö ijummannamo’jödö.

2 TEESADOONISENSE 2:16

Cumöötoncomo Wanaadi cujummatääne aashicha töweichö woije. Töwö cuntui cöwwäiñe cöwä’wa’doto’como yeichöödoto, ta’cwaiñe cöwo’womo’to’como mmaja. Töwö Wanaadi chea, Cädhaajotoncomo Jesuuquidiito mmaja, äjäädu’taato adheewanööcomo jäcä. Tönwanno ä’wa’taato tameedä aashicha awa’deuto’como jäcä, aashichaato tödöödö jäcä mmaja.

2 TIIMOTEO 1:9

Töwö Wanaadi cäwaanacaatäne; ca’dejjatääne dea töwwonooje cöweichöcoomo wetä. Töwö cäwaanacaatäne aashichaato cönnödööcomo jäcäinchädä’da, tumjummadö woijeene, Jesuuquidiito jäcäinchädä cujummatäiñe töweijäcä mmaja. Töwö Wanaadi cujummatääne edä nono tödöödö owaajodääde.

2 TIIMOTEO 2:15

Chäänöngato wetaadawa’cajoodöje aweichö Wanaadi wwä äwäänejootojo encano’täcä, töjöiye’da meiye dhowaadäädä, sa’donna ecammajä’ancädä a’deu chäänöngato.

2 TIIMOTEO 3:15

Mude’cä’cäje aweichö jonnoto’jödöödä Wanaadi a’deddu odhoowanääcä na. Yää Wanaadi a’deddu asejje’täjai ña, adhe’se’täjai ña dea äwääwanaacatoojo wwadäädä, Jesuuquidiito ecamjödö jadä tödööa’jäcä.

EEWEDEO 1:10

Edääje mmaja Wanaadi nä’döa dea Tönnedö jäcä: Amäädä Cajiichaana, jenaadä mödööne edä nono o’wadö; caju mmaja adhaamädö que mödööne.

SANTIYAACO 1:18

Töwö tötö’tajäätödö woije cöweichöcoomo cuntui, chäänöngato wätunnä ecammajäätödö etaadö que cöwwäiñe, tönnacoomoje cöweichöcoomo wetä, awa’deenato chääjedöödö acä’ajä töweiye naichöje.

1 JUAN 4:10

Edä yää wä’jummanä neene jaiñoone, cöwwäiñe Wanaadi jummadööjönööne, töwö chäwwä cujummadööcomoone. Töwö Wanaadi Tönnedö cönaanontäi saaquidiijiisiyooje töwä’tueemöje, cöcoone’nadiiyöcoomo choccatoojoje.

1 JUAN 4:19

Cönwanno Wanaadi quiijummaato chäwwä awa’deene cumjumma’jocoomo weijäcä.