2 TEESADOONISENSE 2:10 - Wanaadi A'deddu

¹⁰ Aneejejaiñene’jödöödä conemjönö que nencu’taato’de ñanno töwännanö’aamoje töweiyaamo. Tönwanno mädääje nätäncu’täjaato’de chäänöngato ämjumma’da töwei’jocoomo e’nei, yää töwääwanaacato’comoojato’jödö.

2 TEESADOONISENSE 2:10 ပူးပေါင်းရင်းမြစ်များ

MATEO 13:11

Töwö cöneccujä’a’to: —Änwanno äwwäiñe u’ajä na Wanaadi töcaajichaanaije weiñä jäcä owoowanoomato’como, yää owaanojöönö’jödö. Chäwwäiñe mmaane etaatojo ’je’da na.

JUAN 3:17

Wanaadi Tönnedö cönaanontäi edä nono de’cäi tameedä soto ennanö’caiñe’da, ewaanacaiñeene.

JUAN 5:34

Soto wwä yeecammajäätödö tujunne’da yeichaame. Edääje mmädä yääje wä’döaanä äwwäiñe, äwääwanaacadööcomo wetä.

DOMAANO 10:1

Änwanno jimmä, iisadaaediitacoomo yääwanaaca’seiñe jooje tötö’tajä’e wäänene; Wanaadi wwä chääjäcäiñe töwa’deuwe wäänene dea.

DOMAANO 16:18

Ñanno yääja’como Cädhaajotoncomo Jesuuquidiito anoonöje’da naato; tumjummadööcomo woije mma weneeneto. Tönwanno towoinchado’como tönencu’täiñe weneeneto aashichaato wa’coto ta’dedducoomo que, wäämu’nä’nä que mmaja.

DOMAANO 6:17

Jenaadä conemjönö anoonöje mä’ja’quene; eduuwa mmaane tödö’se aweichöcoomo que owoowanooma’jocoomo woije maato, yää chääque towaanoma maatoodö. Yääje yeijäcä aashicha Wanaadi tä’tämje na.

1 CODINTIYO 1:18

Cuduusa jäcä Quidiito wääma’jödö jäcä ecammajäätödö na i’jeta’jödö nönge ñanno töwännanö’aamo wwäiñe; cönwanno töwääwanaacaamo mmaane cowaanäcäiñe na Wanaadi jäduuduje yeichö.

1 CODINTIYO 16:22

Anejja Cajiichaana Jesuuquidiito ämjumma’da yeiya’jäcä töwännanö’e na ñäädä. Ä’cäde’de amäädä Cajiichaana Jesuuquidiito.

2 CODINTIYO 11:13

Anontaajäja’como wätä’tädö mma tönwanno; äncu’tännamo mmaja. Quidiito nanontädö wa’cä yäänejoodöcoomo.

2 CODINTIYO 11:15

Yääje yeijäcä ñanno Caajuushawa anoonö wwäiñe ämu’de’da na aashicha’como wa’cä yäänejoodöcoomo. Tönwanno yaatameedöcoomo na’de tönnö’jocoomo woije dea.

2 CODINTIYO 2:15

Wanaadi wwä Jesuuquidiito nutuudu juu shimi’jotoojo yau’cwaajä jodö töweiye naichöje ñaa na; yää näämecanta yääwanaaca’como antawäiñe, yännanö’a’como antawäiñe mmaja.

2 CODINTIYO 2:17

Töwäätätöijatoojoje Wanaadi a’deddu ännö’da ñaa na; oncone’ma’da mmaja, anejjacoomo tönnöe weneenetoodöje’da. Chäänönge töweichö queene Wanaadi a’deddu töneecammajä’e ñaa weneene, Wanaadi nanontä’jödö woije, Wanaadi owaadäädä mmaja, Quidiito jadoonoje ñaa weijäcä.

EUJEESIYO 4:14

Mudeeshi’chä nönge eijai’cha caato eduuwa, aneene’jutu’da’da; wätunnä waadäi ataadojoojai’cha caato dea, jejeichä nemannäjöödö töweiye naichöje. Ñanno wätäncu’tänä jäcä towaanojo’na’como wwäiñe ätäncu’tojoojai’cha mmaja caato dea, ñanno chäänöngemjönö ai cadä’seiñe weneenetoodö.

1 TEESADOONISENSE 2:16

Tönwanno ñaa wwä aneecammajoojätö’da weneeneto judhíojöncomo wwä, yääwanaacadööcomo queiñe. Mädääje jooje’cä mma töcoone’nadiiyöcoomo nejannä’caato. Eduuwa Wanaadi wwä töwäätä’maminchajoomöje naato.

2 TEESADOONISENSE 2:12

Mädääje nännanö’aato’de tameedä chäänöngato ecamjö’semjöncomo’jödö, ñanno conemjönö ijummannamo’jödö.

2 TEESADOONISENSE 2:13

Änwanno jimmä, Cajiichaana nijummadö, yeichöje Wanaadi wwä aashicha a’deujai ñaa na äjääcäinchädäiñe, jenaadä Wanaadi wwä töwääwanaacaamoje adhe’to’jocoomo weijäcä. Töwö Wanaadi osoomatääne Epíiditu Santo que, äwwäiñe chäänöngato ecamjödö que mmaja.

1 TIIMOTEO 2:4

Töwö Wanaadi tameedä soto yääwanaaca’seiñe na, tameedä chäänöngato wätunnä dhowaanäcäiñe yei’she na dea.

EEWEDEO 3:13

Töweejädu’tääne adheejädu’tätääcä anooto waadäi, eduuwa naadawäädä, anejja mma adhantawäiñe conemjönö wwä ätäncu’täjo’no, töwäätuujacoone’da ei’ñode yaawä.

2 PEEDHODO 2:12

Ñanno conemjöncomo weneeneto chö’tajäätö’da, aneene’jutu’da mmaja, odoocoja’como weneenetoodöje mmaja, ñanno tajäiyaamo, töja’aamo mmaja. Tönwanno cone’da töwa’deuwe weneeneto towaanojöncomo jäcä. Tönwanno nä’ja’aato’de, odoocoja’como nönge mmaja.

2 PEEDHODO 2:18

Iiña mmädä töwa’deuwe weneeneto, yääjönö wa’cä. Conemjönö que, tujuunu nijummadö que mmaja, tönencu’täiñe weneeneto ñanno chäänöngemjöncomo jonnoto yäänejeea’como.