2 TEESADOONISENSE 1:7 - Wanaadi A'deddu

⁷ Änwanno mäntunaanö’aatoodö wwäiñe mmaane töwö nu’a’de äwäädeetato’como; ñaa wäädeetatoojo mmaja nu’a’dede caju ñanno Cajiichaana Jesuuquidiito wääneja’jäcä tamoodedö jäduuja’como jadäiñe.

2 TEESADOONISENSE 1:7 ပူးပေါင်းရင်းမြစ်များ

MATEO 16:27

Tamoodedö jadäiñe Soto nnedö ne’a’de, Tumö nataadö töjääcä. Yaawä töwö nejeemaato’de tameedä soto waadäiñe iiñö’jocoomo nönge.

MATEO 16:28

Chäänönge yääje wä’döa äwwäiñe, dhantai eetä maatoodö äwäämadööcomo owaajo meneeato’de Soto nnedö cajiichaanaje yäänejoodö; quee cönä’döaacä Jesuuquidiito.

MATEO 25:31

“Cajiichaanaje töweichö wetä Soto nnedö we’a’jäcä, tamoodedö aashicha’como töjaadä, yaawä töwö nataajima’de tumuudei ye’wä, tawaanato töjääcä.

MATEO 25:41

“Yaawä töwö Cajiichaana nä’döa’de ämu’dato dö’sencomo wwä: “Ojoncomo jonno änwanno töwännanö’aamö; wa’to töwaatamemjönö aca ojoncomo, yää odo’shancomo weicho’comooje choonecaajä naadö.

MATEO 26:64

Yaawä Jesuuquidiito cönä’döaacä chäwwä: —Ee, ñäädä öwö, mecammaadö. Edääje mmaja wä’döa dea äwwäiñe, äcuude änwanno meneeato’de Soto nnedö weejödö ca’dutu de’wä, Jäduujato nnäcä, yaatajiimaajä, ämu’demjönö dö’se; quee cönä’döaacä Jesuuquidiito.

MAADOCO 14:62

Jesuuquidiito cönä’döaacä chäwwä: —Ee, ñäädä öwö. Äcuude änwanno meneeato’de Soto nnedö weejödö ca’dutu de’wä, Jäduujato nnäcä yaatajiimaajä, ämu’demjönö dö’se; quee cönä’döaacä Jesuuquidiito.

MAADOCO 8:38

Canno soto masuuduija’como, conemjöncomo antawäiñe öwö Soto nnedö jöichänei yeiya’jäcä, ya’deddu jöichänei mmaja, öwö mmaja wijöicha’dede Jaaja nnataadö ’je we’a’jäcä Jaaja amoodedö aashicha’como jadäiñe; quee cönä’döaacä Jesuuquidiito.

DUUCA 16:25

Aawadán cönä’döaacä chäwwä: “Ätö’tacä önnedö, nudä aweichö aashicha awei’jödö jäcä, Dáasado wäntunaanö’taame. Eduuwa töwö täncanoode’da na, amäädä äwäntunaanö’taame.

DUUCA 17:30

Mädääje mmaja na’dede yaawä Soto nnedö wäänejoodawä.

JUAN 1:3

Ñäädä ai Wanaadi cönnöi tameedä yeichö wa’cä. A’que na tödööajä iiñödööjönö.

JUAN 1:51

Edääje mmaja Jesuuquidiito cönä’döa’dea: —Chäänönge yääje wä’döa äwwäiñe, änwanno meneeato’de caju wata’ducaadö. Wanaadi amoodedö mmaja meneeato’dede, yäncuduucomo mmaja, yä’tädööcomo mmaja Soto nnedö awoodhecääcä; quee cönä’döaacä Jesuuquidiito.

DOSECHO 1:11

Ñanno dhanwaacomo cönä’döa’to anonta’como wwäiñe: —Änwanno Caadideea ñancomo, ¿ane’que’nei caju ña mene’maato? Ñäädä dea Jesuuquidiito, ojonnoiñe caju ña nötännö, ne’a’dede caju ña aneenedööcomooje nötännöje mmaja; quee cönä’döa’to.

DOSECHO 3:19

Yääje yeijäcä ätö’tajäätödööcomo sha’duminchatääcä, Wanaadi wwadäädääne ä’jedennacaatäcä, ocoone’nadiiyöcoomo ecoccaiye. Yaawä Wanaadi nu’a’de äwwäiñe ta’cwaiñe aweicho’como.

DOMAANO 8:17

Wanaadi nnacoomoje cöweijäcäiñe cöwwäiñe töweiyemööje na yää Wanaadi necamma’jödö tu’emö. Yää cöwwäiñe nä’tua’de Quidiito wwä utuudu jadä. Eduuwa Quidiito jäcäinchädä cöwäntunaanö’a’comjäcä, chääjadä mmaja aashicha caato’de

1 CODINTIYO 3:13

Chääwaadäiñe chaadawaajuichomo’jödö nääne’ju’ja’da wätämmencajootojo anootoi’chädö awä. Wa’to nene’ju’ja’de; wa’to que toneeja na’de tameedä chaadawaajuichomo’jödö, aashicha yeichö eneedö, cone’da yeichö eneedö jeiñe mma.

2 CODINTIYO 4:17

Mädä wäntunaanö’nä’cä a’dhatooje mma na; yää eje’jödö na’de aashichaato yeichöödoto, yää wäntunaanö’nä e’jodhaato.

EUJEESIYO 1:2

Aashichaato, täncanoode’da aweicho’como mmaja, äwwäiñe yei’she wa, Cumöötoncomo Wanaadi nutuudu, Cajiichaana Jesuuquidiito nutuudu mmaja.

CODOOSENSE 1:16

Jesuuquidiito ai Wanaadi cönnöi tameedä tödööajä naadö, caju ña naadö mmaja, nono de’wä naadö mmaja, äänejöönö, täneeto mmaja. Jesuuquidiito ai mmaja Wanaadi cönnöi chea acu’shänääcomo, o’jodha’como mmaja, jäduuja’como mmaja, cajiichaanacoomo mmaja, nanno amoode. Töwö iiñödö mädä tameedä, töwö chäwwono mmaja.

1 TEESADOONISENSE 3:13

Töwö äjäädu’taato ätö’tajäätödööcomo jäcä yäätäädä aweichöcoomo wetä, tösooma mmaja, conemjönö ’je’da aweichöcoomo wetä mmaja Cumöötoncomo Wanaadi owaadäädä, tameedä tösootoi jadäiñe Jesuuquidiito we’a’jäcä.

2 TIIMOTEO 2:12

Chääjadä cöwäntunaanö’a’comjäcä, chääjadä cajiichaanaje caato’dede. Ijoome’da’jäcä cöwwäiñe, töwö mmaja cöjoome’daato’dede.

TIITO 2:13

Yääje yeijäcä ta’cwaiñe quiiyomo’cato töwö ñeecamma’jödö aashichaato weja’dätäädö, yää tawaanato töjääcä Cäwaanacaaneichomo Jesuuquidiito weejödö, Cöwaanadiiyöcoomo täneejucaato weejödö.

EEWEDEO 10:27

Yää mma niyoomo’ca ñäädä yääjato, yäätä’maminchajootojo tönoiñato mma, joojato wa’to mmaja, yää tameedä Wanaadi chu’de’tännamo ennanö’cato’como.

EEWEDEO 12:29

Wa’to nönge na ñäädä Cöwaanadiiyöcoomo, tameedä acoichajoonei.

EEWEDEO 4:1

Yääje yeijäcä cowoinchadäiñe’da queichäiye, Wanaadi nutuudu wäädeetatoojo ecammaajä cöwwäiñe yeichaame mma anejja adhantawäiñe aneemaicha’no.

EEWEDEO 4:11

Yääje yeijäcä cä’jädu’tätäiye cönwanno, yää wäädeetatoojo ejoodödö wetä, anejja mma cantawäiñe ecoone’ma’no, ñanno aneecanö’jöncomo’jödö cöneecone’maichodööje mmaja.

EEWEDEO 4:9

Yääje yeijäcä töweiye deaane na Wanaadi nutuudu wäädeetatoojo tojoodöeemö Wanaadi sotoi wwäiñe.

EEWEDEO 9:28

Yääje mmaja Quidiito, tooniye saaquidiijiisiyooje cönä’tui jooja’como soto cone’nadiiyöcoomo choccatoojoje. Äcuude töwö ne’a’dede sadä, conemjönö choccaneije’da yaawä, töwoomo’nenaamo ewaanacäiñeene.

1 PEEDHODO 3:22

Töwö Jesuuquidiito caju ña cöntämä; yäätä na eduuwa Wanaadi jäcä ämu’demjönö dö’se. Töwö na tameedä Wanaadi amoodedö e’jodheiñe, cajiichaanacoomo e’jodheiñe mmaja, jäduuja’como e’jodheiñe mmaja.

2 PEEDHODO 3:7

Wanaadi a’deddu woije mmaja edä caju eduuwa naadö tödhau’cwaamöje tösooma na, edä nono mmaja. Yaawä nä’dhau’cwaja’de, wätä’maminchajootojo anootoi’chädö awä, Wanaadi woijemjöncomo nä’ja’aato’dedö awä.

JUUDHA 1:7

Sodhooma ñancomo cönä’ja’todö naane’, Comooda ñancomo mmaja, anejja amoinchemjönö jataawoncomo mmaja; tönwanno Wanaadi amoodedö wei’yejeiñe mmaja tömaasuduicha töweiye cönä’ja’to, anejja chäänöngemjönö mmaja tönnöe cönä’ja’to dea. Yää cöneejemaicho wa’to töwaatamemjönö que töwäätä’maminchajoodöcoomo que. Yääje yei’jocoomo na cöwä’se’jadoojoto’comooje.

APOOCADIISI 1:7

Eneetäcä’de’ma, ca’dutu de’wä Quidiito weejödö. Tameedä soto neneeaato’de yaawä, ñanno töwännamo’jödö mmaja. Tameedä soto weichöcoomo wa’cä naamoaato’de eneedö’jo. Mädääje na.

APOOCADIISI 14:10

ñäädä chääjedöödö eccudu nenga’de yaawä, yää Wanaadi nejoodödö ijeenato, cancudu aca accaajä, yää tumjunne’da Wanaadi wwä wätä’maminchajoonä cu’tädö. Ñäädä odoocojaato ya’deme’nei’jödö nätä’maminchaja’de wa’to nwaca, jiyooto comootödö ña, Wanaadi amoodedö neneedöcoomoje, Oweeja nnedö’cä neneedöje mmaja. Iiña wedeinchä nengaato’de, acuudajaada dhatu’jödö jodö joqque.

APOOCADIISI 14:13

Yaawä a’deu wetaaquene caju ña. Edääje cönäätaacä: —Edääje imennäcä: “Ta’cwaiñe eijai ñaato ñanno eduuwa naadö jonno Cajiichaana ecaanö’nnamo wä’jajoodöcoomo;” quee imennäcä; que a’deu cönäätaacä öwwä caju ña. Edääje Epíiditu Santo cöneccujä’acä yaawä: —Yääje dämma na; ñanno Cajiichaana ecaanö’nnamo wä’jajoodöcoomo näädeetaato’de tötaadawaajuichomo tödö’jödö jonno. Tönwanno neneeaato’de tönnö’jocoomo; quee.

APOOCADIISI 20:11

Yaawä weneeaqueene mude adai’joto, tajääde’dato. Ñäädä ye’wä shuucu cönä’ja’dö jonno cönännamjöi nono, caju mmaja; nono weichojo ’je’da cönä’jaacä yaawä, caju weichojo ’je’da mmaja.

APOOCADIISI 21:4

Töwö Wanaadi nichocca’de tameedä chäänacuuducoomo. Wäämanä ’je’da na’de yaawä, wentumje weiñä ’je’da mmaja; waamonä ’je’da na’dede, se’neiñe weiñä ’je’da mmaja, awa’deenato weiñä wataame’jödö weijäcä; quee cönäätaacä a’deu.

APOOCADIISI 22:16

—Öwö Jesuuquidiito yaamodeedö wanontäne edä jäcä ecammajä’e quedeiyentecoomo wwäiñe. Öwö ñäädä cajiichaana Dawí adaichö, Dawí atöödö mmaja. Öwö ñäädä shidiichä tawaanato, yaawaanadaawoto.

APOOCADIISI 22:6

Yaawä ñäädä amoode cönä’döaacä öwwä: —Chäänöngato a’deu mädä, täcaanö’emje mmaja. Cajiichaana Wanaadi, ñäädä ta’deddu ecammannamo tö’tajäätödö edhaajä, tamoodedö cönaanontäi tanoonö wwäiñe eneejo yää eduuwa mma töweeja’dä’emö; quee cönä’döaacä.

APOOCADIISI 22:9

Yaawä töwö cönä’döaacä öwwä: —Ng’jn; mädääje’daane. Wanaadi anoonö öwö dea, anöngato mmaja, ajimmotoncomo nönga’como mmaja, ñanno Wanaadi wa’deuwödö ecammannamo, edä jajeedä jäcä naadö tödönnamo. Wanaadiiñe ya’deme’cä; quee cönä’döaacä ñäädä amoode öwwä.

APOOCADIISI 6:11

Yaawä chääwaadäiñe cönä’tui yoomöcoomo tajääde’da’como. Edääje cönäätäcammai chäwwäiñe: —Äädeetatääcä a’dhe, chääwa’cä ñanno ajimmotoncomo wä’jajoodöcoomo wa’cä, ñanno Quidiito sotoi, äwä’jajo’jocoomo nönge töwä’ja’aamo; quee chäwwäiñe cönäätäcammai.