2 TEESADOONISENSE 1:5 - Wanaadi A'deddu

⁵ Yääje aweichöcoomo neneeja chäänönge Wanaadi tönnöe yeichö. Mädä miyeetuncaatoodö Wanaadi sotoije aweichöcoomo adheene’ju’jaato. Yääje yeijäcä mäntunaanö’aato.

2 TEESADOONISENSE 1:5 ပူးပေါင်းရင်းမြစ်များ

DUUCA 20:35

Ñanno mmaane, aashicha töwei’jocoomo weijäcä caju ña naato’dedö, ñanno töwäämaajo jonno yaadonca’como, ijööta’da naato’de, tönnacontoncomo aniiñonoojo’da mmaja.

DUUCA 21:36

Yaaje yeijäcä äädai’chätääcä yeichöje; Wanaadi wwä adha’deutäcä weiñäje, tameedä mädä töweeja’dä’emö jonno määwanaacatäiye’de, Soto nnedö je’taca mä’dötäiye’de; quee cönä’döaacä Jesuuquidiito chäwwäiñe.

DOSECHO 13:46

Yaawä Paudo, Waanawé mmaja, tösaade’da cöna’deuwöicho; cönä’döa’to: —Wanaadi a’deddu täcammajä’emje cönä’jaacä äwwäiñe awa’de, änwanno judhíocoomo, töwäädä eta’se’da maatoone’; ämjumma’da maato töwaatamemjönö aweicho’como. Yääje yeijäcä judhíojöncomo wwä ñaa necammajä’ta eduuwa.

DOSECHO 14:22

Iiñancomo quedeiyentecoomo cömjädu’ta’to, cönwätuuja’to dea ejääduqueejö’da yeichöcoomo wetä töneecamjödööcomo jonno. Edääje töwä’döe cönä’ja’to chäwwäiñe: —Cönwanno jooje cäntunaanö’aato Wanaadi döiña cöwä’döeejeiñe; quee Paudo töwä’döe cönä’ja’to quedeiyente wwäiñe.

DOMAANO 2:5

Töwäätuujacoone’da aweijäcä dajaane aweichö änsa’dumincha’da ma; yääje yeijäcä äwäätä’maminchajootojo mejoodöja wätämmencajootojo anootoi’chadö jona tödööene. Yää anooto awä Wanaadi neneeja’de chäänönge tönemmenca töweichö.

DOMAANO 8:17

Wanaadi nnacoomoje cöweijäcäiñe cöwwäiñe töweiyemööje na yää Wanaadi necamma’jödö tu’emö. Yää cöwwäiñe nä’tua’de Quidiito wwä utuudu jadä. Eduuwa Quidiito jäcäinchädä cöwäntunaanö’a’comjäcä, chääjadä mmaja aashicha caato’de

EUJEESIYO 4:1

Yääje yeijäcä edääje mänwätuujaato, öwö Cajiichaana jo’tädööje jedeesojaato: Chäänönge eichäcä, Wanaadi na’dejjadö weichö nöngeene, ña’dejjadööne aweiya’como.

JIDIIPENSE 1:28

Ane’cä’cä jäcäinchädä mma ätu’de’tännamo monnontätäi. Yää tösaade’da aweichöcoomo na’de chäwwäiñe töwännanö’e töweichöcoomo yääne’ju’to’comooje. Äwwäiñe mmaane na’de Wanaadi nutuudu töwääwanaaca aweichöcoomo ene’ju’to’me.

CODOOSENSE 1:12

Mädääje eijai maato aashicha awa’deuwancädäiñe Cumöötoncomo wwä, ñäädä tösootoi wwä tu’emö eiñamooje cödööneichomo’jödö, tawaanato aca cödööneichomo’jödö mmaja.

1 TEESADOONISENSE 2:14

Änwanno jimmä, ajimmotoncomo wwä äwäätä’maminchajoodawäiñe änwanno mä’ja’quene anejjacoomo Wanaadi ecaanö’nnamo wei’jocoomo nönge mmaja, ñanno Judheea ñancomo, Jesuuquidiito sotoi. Tönwanno mmaja cönäätä’maminchajoicho dea töjimmotoncomo judhío wwäiñe.

2 TEESADOONISENSE 1:11

Yääje yeijäcä Wanaadi wwä töwa’deuwe ñaa weneene äjääcäiñe. Töne’ca’e ñaa weneene tanoonöje ayöödöto’como. Ijäädudu que ä’wa’tojootäiñe ñaa weneene dea, tameedä aashichaato tödö’se määnetäänedö jäcä, ännödööcomo jäcä mmaja, yää aneecamjödööcomo que tönnöe määnetäänedö.

2 TIIMOTEO 2:12

Chääjadä cöwäntunaanö’a’comjäcä, chääjadä cajiichaanaje caato’dede. Ijoome’da’jäcä cöwwäiñe, töwö mmaja cöjoome’daato’dede.

APOOCADIISI 15:4

¿Änääcö onontä’da eichöde’, amäädä Cajiichaana? ¿Änääcö o’jodhaatoje adhe’tä’da eichöde’? ñäädä mmaane aweiyajä aashichaato. Tameedä sotoocomo ne’aato’de äwwadäädä; awa’deme’caato’de, chäänönge aweichö tacaade yeijäcä; quee soto cöneecanta’ña’to.

APOOCADIISI 16:7

Yaawä saaquidiijiisiyo dötoojo dö’tä anejja a’deu daja wetaaquene. Edääje cönäätaacä: —Chäänöngato dämma amäädä, Cajiichaana, Wanaadi jäduujato. Chäänönge soto mimaaminchaato; quee cönäätaacä.

APOOCADIISI 19:2

chäänönge soto tönemmencaiñe yeijäcä. Töwö wodi nimaaminchai, ñäädä masuuduijato, tacaadato’jödö, ñäädä tömaasuduichö que nono de’woncomo cone’maneichomo’jödö. Töwö Wanaadi nijo’täi tanoonö jajo’jocoomo chäwwä; quee cönä’döa’to caju ñancomo.

APOOCADIISI 3:4

Yääje yeichaame iiña Saadisi ña töweiye naato adhantawäiñe anejjacoomo töwoomöcoomo oncodoimajöncomo; ñanno näämannä’aato’de jaadä tajääde’dato yoomöcoomoje, aashicha’comooje yeichomjäcä.