2 TEESADOONISENSE 1:10 - Wanaadi A'deddu

¹⁰ töwö ye’a’jäcä sadä tösootoi wetäiñe. Yaawä shootoi niya’deme’caato’de, ñanno ecaanö’nnamo’jödö; aashicha na’deuwaato’de chääjäcä. Änwanno mmaja miya’deme’cato’dede, ñaa necammajäätö’jödö ecamjö’jödö weijäcä äwwäiñe.

2 TEESADOONISENSE 1:10 ပူးပေါင်းရင်းမြစ်များ

MATEO 16:27

Tamoodedö jadäiñe Soto nnedö ne’a’de, Tumö nataadö töjääcä. Yaawä töwö nejeemaato’de tameedä soto waadäiñe iiñö’jocoomo nönge.

MATEO 16:28

Chäänönge yääje wä’döa äwwäiñe, dhantai eetä maatoodö äwäämadööcomo owaajo meneeato’de Soto nnedö cajiichaanaje yäänejoodö; quee cönä’döaacä Jesuuquidiito.

MATEO 24:36

“Yaawääne’ yää anooto owaanäcä’da na, chu’nädö owaanäcä’da mmaja. Wanaadi amoodedö caju ñancomo dhowaanäcäiñe’da mmaja. Wanaadi nnedö jadä’jödöödä dhowaanäcä’da na. Yuumö mmaane dhowaanäcä.

MATEO 25:31

“Cajiichaanaje töweichö wetä Soto nnedö we’a’jäcä, tamoodedö aashicha’como töjaadä, yaawä töwö nataajima’de tumuudei ye’wä, tawaanato töjääcä.

MATEO 7:22

Yää anooto awä jooje soto nä’döaato’de öwwä: “Cajiichaana, Cajiichaana, adha’deddu töneecammajä’e töweiye ñaa cönä’jaacä, adheetö joi odo’shancomo tömja’canö’jo ñaa cönä’ja’dea; adheetö joi chea jooje täneemö tönnöe ñaa cönä’ja’dea;” quee nä’döaato’de öwwä.

DUUCA 10:12

Yääje wä’döa äwwäiñe, wätämmencajootojo anooto awä yää jataawoncomo nätä’maminchajaato’de Sodhooma ñancomo e’jodhe’cä.

JUAN 11:4

Jesuuquidiito wwä eta’jäcä töwö cönä’döaacä: —Yää chäädäichö wäämato’jönö mma, jäduuje Wanaadi weichö eneejotoojoone, jäduuje Wanaadi nnedö weichö eneejotoojo mmaja; quee cönä’döaacä.

JUAN 17:10

Tameedä öwö öwwoncomo amäädä äwwoncomooje naato dea; tameedä amäädä äwwoncomo öwö öwwoncomooje naato dea. Tönwanno chaiñe täne na aashicha weichö.

1 CODINTIYO 1:6

Mädääje Quidiito jäcä ecammajäätödö chäänönge yeichö nääne’ju’ja äjääcäiñe.

1 CODINTIYO 3:13

Chääwaadäiñe chaadawaajuichomo’jödö nääne’ju’ja’da wätämmencajootojo anootoi’chädö awä. Wa’to nene’ju’ja’de; wa’to que toneeja na’de tameedä chaadawaajuichomo’jödö, aashicha yeichö eneedö, cone’da yeichö eneedö jeiñe mma.

CAADATA 1:24

Yääje yeijäcä o’jodhe Wanaadi töne’tä cönä’ja’to öwö jääcäinchädä.

EUJEESIYO 1:12

Töwö mädääje cödöötäne aashicha töweichö jäcä töwa’deuwaamoje cöweichöcoomo wetä. Awa’deene ñaa dea Quidiito ñaa cöneecamjöi.

EUJEESIYO 1:14

Ñäädä Epíiditu Santo na cöwwäiñe utuudu töweiyemö waajäntädööje; yää cöwwäiñe nä’tua’de tameedä tösootoi ewaanacaadöcoomo jäcä Wanaadi wä’ca’jäcä. Yääje yeijäcä mädä jäcäinchädä aashicha Wanaadi weichö ya’deme’jai caato.

EUJEESIYO 1:18

Wanaadi wwä ätö’tajäätödööcomo weijotoojo töne’ca’e wäänene dea, odhoowanääcäiñe yeichö wetä yaawä onwomoocödööcomo, yää äwwäiñe yeichö wetä adha’dejjatäänedö. Töne’ca’e wäänene dea odhoowanääcäiñe yeichojo joojato aashichaato Wanaadi nutuudu tösootoi wwäiñe.

EUJEESIYO 1:6

Yääje yeijäcä aashicha ca’deuto’ñojo Wanaadi jäcä, joojato iiñödö’jödö jäcäinchädä; yää aashichaato cöjääcäiñe Wanaadi cönnöi Tönnedö tumjummadö jadä cöweichomjäcä.

EUJEESIYO 2:7

Yää cöjääcäiñe töwö cönnöi yeichöödäje eneejodö wetä cujummatäiñe töweichö, Jesuuquidiito jäcäinchädä cöjääcäiñe ta’cwaiñe töweichö mmaja.

EUJEESIYO 3:10

Wanaadi mädä cönnöi quedeiyentecoomo jäcäiñe aneejejaiñene’jödöödoto tösejjedö ecaademeecödö wetä tameedä caju ñancomo cajiichaanacoomo wwä, jäduuja’como wwä mmaja.

EUJEESIYO 3:16

Wanaadi wwä we’ca’a töwwä aashichaato naadö que odo’tadööcomo wejäädu’totoojo Epíiditu Santo ai, ñäädä Wanaadi jonnoto we’ajä.

1 TEESADOONISENSE 1:5

Ñaa wwä aashichaato wätunnä ecammajä’a’jäcä äwwäiñe, ecammajäätödö que mma’da ñaa cöneecammajäätöi, Epíiditu Santo jäduudu que mmajaane, chäänönge yeichö ñaa owaanäcä yeiyancädä mmaja. Odhoowanääcäiñe na äjääcäinchädäiñe aashicha adhantawäiñe ñaa wei’jödö.

1 TEESADOONISENSE 2:1

Änwanno jimmä, odhoowanääcäiñe na töwäädämma’da yeichö adöiñaiñe ñaa wötä’jödö.

1 TEESADOONISENSE 2:12

Edääje äwäätuujatäiñe ñaa cönä’jaacä: “Wanaadi sotoi weichö nönge deaane eichäcä, ñäädä tösootoije adhe’täneichomo’jödö, aashicha töweichö enennamooje adhe’täneichomo’jödö mmaja;” quee töwä’döe ñaa cönä’jaacä äwwäiñe.

1 TEESADOONISENSE 2:13

Ñaa wwä Wanaadi a’deddu ecammajäätödö eta’jäcä äwwäiñe soto wätunnäije ane’tä’da mä’ja’quene; Wanaadi a’deddujeene me’tätääne. Chäänönge me’tätääne, Wanaadi a’dedduune yeiyajä. Yää, Wanaadi a’deddu, aashicha ayöödöaato, änwanno ecaanö’nnamo. Yääje yeijäcä yeichöje aashicha töwa’deuwe ñaa weneene Wanaadi wwä.

2 TEESADOONISENSE 1:12

Mädääje aweiya’comjäcä Cädhaajotoncomo Jesuuquidiito weichö jäcä aashicha adha’deuwaato’de. Töwö mmaja aashicha na’deuwa’de äjääcäiñe, Cöwaanadiiyöcoomo aashicha yeijäcä, Cädhaajotoncomo Jesuuquidiito aashicha yeijäcä mmaja.

2 TEESADOONISENSE 2:13

Änwanno jimmä, Cajiichaana nijummadö, yeichöje Wanaadi wwä aashicha a’deujai ñaa na äjääcäinchädäiñe, jenaadä Wanaadi wwä töwääwanaacaamoje adhe’to’jocoomo weijäcä. Töwö Wanaadi osoomatääne Epíiditu Santo que, äwwäiñe chäänöngato ecamjödö que mmaja.

1 TIIMOTEO 3:16

Chäänöngato mädä adai’jä cöneecamjödööcomo weichö, yää owaanojöönö’jödö, edääje yeichö: Wanaadi sotooje cönäänejoi; Epíiditu Santo chäänönge yeichö cöneenejoi; amoode cöneenea’to. Tameedä soto wwäiñe töwö cönäätäcammai chea; tameedä yeichö wa’cä cönäätäcamjöi yaawä; caju ña cönaatadoojoi chea.

2 TIIMOTEO 1:12

Mädä jäcäinchädä töwäätä’maminchajo wäänene, mädä waadö. Yääje yeichaame ejöichojo’daane wa, yoowanääcä yeijäcä ñäädä neecamjödö. Yoowanääcä na dea chäwwä needai’chojoodö töwö chäänönge edai’chäjai yeichö yää anooto jona tödööene.

2 TIIMOTEO 1:18

Cajiichaana wentumje neneea’de yää anooto awä. Amäädä odhoowanääcä na dea jooje Eujeeso ña cö’wa’to’jocoomo chäwwä.

2 TIIMOTEO 4:8

Yääje yeijäcä öwwonooje yeeje’jödö tösooma na, yää chäänönge wei’jödö eje’jödö. Cajiichaana yää nu’a’de öwwä yää anooto awä, ñäädä chäänönge emmencanei. Öwwä mma’da yää nu’a’de, tameedä ñanno ijummadö que yeejö’sa’como’jödö wwäiñe mmajaane.

1 PEEDHODO 2:9

Änwanno mmaane soto eiya’como, Cajiichaana Wanaadi wwä töwa’deuwaamo mmaja, soto coneeca’como mmaja, Wanaadi sotoije mmaja. Yääje yeijäcä änwanno ecammajä’jai maato Wanaadi nödöödö aashichaato, ñäädä tööjano’tacanno adha’dejjaneichomo’jödö tönaawanaanö’cadö aashichaato aca.