2 PEEDHODO 3:7 - Wanaadi A'deddu

⁷ Wanaadi a’deddu woije mmaja edä caju eduuwa naadö tödhau’cwaamöje tösooma na, edä nono mmaja. Yaawä nä’dhau’cwaja’de, wätä’maminchajootojo anootoi’chädö awä, Wanaadi woijemjöncomo nä’ja’aato’dedö awä.

2 PEEDHODO 3:7 ပူးပေါင်းရင်းမြစ်များ

MATEO 10:15

Chäänönge yääje wä’döa äwwäiñe, tönwanno imaaminchadööcomo jooje’cä na’de yaawä wätämmencajootojo anooto awä, Sodhooma ñancomo maminchadööcomo e’jodhe’cä, Comooda ñancomo maminchadööcomo e’jodhe’cä mmaja.

MATEO 11:22

Yääje wä’döa äwwäiñe, wätämmencajootojo anooto awä änwanno mäntunaanö’ato’de, Tiido ñancomo e’jodhe’cä, Sidhón ñancomo e’jodhe’cä mmaja.

MATEO 11:24

Yääje yeijäcä yääje wä’döa äwwäiñe, wätämmencajootojo anooto awä Sodhooma ñancomo e’jodhe’cä mäntunaanö’ato’de; quee cönä’döaacä Jesuuquidiito.

MATEO 12:36

Öwö yääje wä’döa äwwäiñe, wätämmencajootojo anooto awä tameedä soto nätääcamma’jajaato’de tameedä towoinchadäiñe töwa’deuwö’jocoomo jäcä.

MATEO 24:35

Caju mmaja, nono mmaja, nataamea’de, öwö ya’deddu mmaane ataamejai’cha na.

MATEO 25:41

“Yaawä töwö Cajiichaana nä’döa’de ämu’dato dö’sencomo wwä: “Ojoncomo jonno änwanno töwännanö’aamö; wa’to töwaatamemjönö aca ojoncomo, yää odo’shancomo weicho’comooje choonecaajä naadö.

MAADOCO 6:11

Anejja jataawoncomo aashicha ayöödötäiñe’da yeiya’comjäcä, aneecammajäätödööcomo eta’se’da yeiya’comjäcä mmaja, yäätonno ojoncomo’de, ä’juduucomo she’secaadöje mma, eta’se’da yeichöcoomo ene’ju’tojooje. Chäänönge yääje wä’döa äwwäiñe, tönwanno imaaminchadööcomo jooje’cä na’de yaawä wätämmencajootojo anooto awä, Sodhooma ñancomo maminchadööcomo e’jodhe’cä, Comooda ñancomo maminchadööcomo e’jodhe’cä mmaja; quee cönä’döaacä Jesuuquidiito tönoowanoomadö wwäiñe.

JUAN 12:48

Ñäädä quiiñeme’nei, ya’deddu ämjummajöönö, nätämmencaja’de. Anooto wataamedaawä töwö nätämmencaja’de yää eduuwa töwa’deuwe wääneneedö eta’jödö weijäcä töwwä.

DOMAANO 2:5

Töwäätuujacoone’da aweijäcä dajaane aweichö änsa’dumincha’da ma; yääje yeijäcä äwäätä’maminchajootojo mejoodöja wätämmencajootojo anootoi’chadö jona tödööene. Yää anooto awä Wanaadi neneeja’de chäänönge tönemmenca töweichö.

1 CODINTIYO 3:13

Chääwaadäiñe chaadawaajuichomo’jödö nääne’ju’ja’da wätämmencajootojo anootoi’chädö awä. Wa’to nene’ju’ja’de; wa’to que toneeja na’de tameedä chaadawaajuichomo’jödö, aashicha yeichö eneedö, cone’da yeichö eneedö jeiñe mma.

JIDIIPENSE 1:28

Ane’cä’cä jäcäinchädä mma ätu’de’tännamo monnontätäi. Yää tösaade’da aweichöcoomo na’de chäwwäiñe töwännanö’e töweichöcoomo yääne’ju’to’comooje. Äwwäiñe mmaane na’de Wanaadi nutuudu töwääwanaaca aweichöcoomo ene’ju’to’me.

2 TEESADOONISENSE 2:3

Mätäncu’tojootäi’che; yää Cajiichaana we’tojo anooto eejö’da na’de Wanaadi jäcä soto wä’jädu’toto’como cu’nädö aca yä’dödö wa’cä. Yaawä ñäädä dhanwa, conemjönö tödöödö edhaajä, nääneja’de, ñäädä töwännanö’emööje töweiyemö.

1 TIIMOTEO 6:9

Ñanno tönsomaaque töwei’sha’como mmaane nä’yunaacajaato, nataajäijaato dea chäänöngemjönö ijummadö que; yää chäänöngemjönö woije wecoone’manä aca nätäämajaato yaawä. Yääje weiñä soto töncone’ma töweiye nai, tönennanö’ca mmaja.

EEWEDEO 12:29

Wa’to nönge na ñäädä Cöwaanadiiyöcoomo, tameedä acoichajoonei.

2 PEEDHODO 2:9

Mädääje Wanaadi ñanno cöneewanaacaicho. Töwö dhowaanäcä na dea töwoija’como ewaanacaadöcoomo yä’yunaacajoodöcoomo jonno. Töwö dhowaanäcä mmaja töwoijemjöncomo maminchadööcomo, wätä’maminchajootojo anootoi’chädö neene jona tödööene.

2 PEEDHODO 3:10

Cajiichaana we’tojo anooto ne’a’de yoomocöödö ’nawä, coijai tämeenato weejödö töweiye naichöje. Yaawä caju nataamea’de shoodö töwääta naichö wa’cä. Tameedä caju ña naadö niyaatua’de; nono mmaja niyaatua’dede, tameedä ye’wä naatoodö mmaja.

2 PEEDHODO 3:12

Wanaadi we’tojo anootoi’chädö womo’cancädä eichäcä, ene’jancädä mmaja. Yää anooto awä caju nemjanga’de, töwaatameedöje mma; tameedä caju ña naadö mmaja nichuunata’de tödhaatudu que.

1 JUAN 4:17

Mädääje chäänönge cä’döaato wä’jummanä jäcä, töjöiye’da cöweichöcoomo wetä yaawä wätämmencajootojo anootoi’chädö awä. Edä nono de’wä caatoodawä’jödöödä Jesuuquidiito nönge caato.

JUUDHA 1:7

Sodhooma ñancomo cönä’ja’todö naane’, Comooda ñancomo mmaja, anejja amoinchemjönö jataawoncomo mmaja; tönwanno Wanaadi amoodedö wei’yejeiñe mmaja tömaasuduicha töweiye cönä’ja’to, anejja chäänöngemjönö mmaja tönnöe cönä’ja’to dea. Yää cöneejemaicho wa’to töwaatamemjönö que töwäätä’maminchajoodöcoomo que. Yääje yei’jocoomo na cöwä’se’jadoojoto’comooje.

APOOCADIISI 17:11

Ñäädä odoocojaato jenaadä cönä’ja’dö, eduuwa ei’cha naadö, ñäädä ñäädä aaduwaawä amoojatooto cajiichaanaje töweiyemö. Ñanno aacä amoojato’como jimmä dea töwö, töwännanö’emööje töwö yeichojo.

APOOCADIISI 17:8

Ñäädä odoocojaato meneeannö jenaadä cönä’jaacä; eduuwa mmaane ei’cha na. Töwö neja’ca’de ya’tadö inwadö ’jemjönö acanno, töwännanö’emööje mma. Ñäädä eneedö’jo nono de’woncomo nääcatoncaato’de, ñanno weichojo jajeedai’chädö jäcä chäätö ’jemjöncomo edä nono tödö’jödö jonnoto’jödöödä. Ñäädä odoocojaato jenaadä töwei’jödö weichaame eduuwa ei’cha na; yaawääne, äcuude töweiyemööje dea na.

APOOCADIISI 20:11

Yaawä weneeaqueene mude adai’joto, tajääde’dato. Ñäädä ye’wä shuucu cönä’ja’dö jonno cönännamjöi nono, caju mmaja; nono weichojo ’je’da cönä’jaacä yaawä, caju weichojo ’je’da mmaja.

APOOCADIISI 21:1

Yääje mma yaawä weneeaqueene anejja caju, eduuwaato tödööajä daja, nono eduuwaato mmaja; yää awa’deeto’jä caju a’que cönä’jaacä yaawä, nono awa’deeto’jä mmaja. Dama ’je’da cönä’jaacä yaawä.