2 PEEDHODO 3:2 - Wanaadi A'deddu

² Ätö’tajä’täcä ñanno Wanaadi wa’deuwödö ecammannamo aashicha’como necammajäätö’jocoomo jäcä, Cajiichaana waanontädö jäcä mmaja, ñäädä Cäwaanacaaneichomo. Ñanno anonta’como odhoowanoomatääne yää Cajiichaana waanontädö jäcä.

2 PEEDHODO 3:2 ပူးပေါင်းရင်းမြစ်များ

DUUCA 1:70

Jenaadä dea töwö Wanaadi mädä cöneecammajoi töwa’deuwödö ecammannamo aashicha’como wwäiñe.

DUUCA 24:27

Töwö cönaajäntäi yaawä chäwwäiñe ecammajäätödö töjääcä Wanaadi a’deddu imennaajä jäcä, Moisé nimennä’jödö jonno tameedä Wanaadi wa’deuwödö ecammannamo nimenno’jocoomo tacoicha tödööene.

DUUCA 24:44

Yaawä töwö cönä’döaacä chäwwäiñe: —Yää öwö jääcä cöneeja’dätäichö cönä’jaacä ajaadäiñe weichö töneecammajä’e wä’jaaquennö nönge dea. Öwö äwwäiñe töneecammajä’e wä’jaaquene jääcä Moisé nimennä’jödö töweeja’dä’emooje yeichö, Wanaadi wa’deuwödö ecammannamo nimenno’jocoomo töweeja’dä’emooje yeichö mmaja, Wecanta’ñotoojo jajeedai’chädö jäcä naadö mmaja; quee cönä’döaacä Jesuuquidiito.

DOSECHO 10:43

Mädääje dea jenaadä Jesuuquidiito jäcä töneecammajä’e cönä’ja’to tameedä Wanaadi wa’deuwödö ecammannamo’jödö. Tönwanno töneecammajä’e cönä’ja’to tameedä Jesuuquidiito ecaanö’nei cone’nadiiyö choccatoojo, Jesuuquidiito jäcäinchädä dea; quee cönä’döaacä Peedhodo Conneediyo wwäiñe.

DOSECHO 28:23

Yaawä töwe’jummato’como anooto cuncu’nä’toicho. Yää anooto awä jooje soto cöne’jummaicho Paudo wä’döaajä cönä’ja’dö döiña. Yaawä chäwwäiñe Paudo cöneecammajäätöi Wanaadi töcaajichaanaije tödöödö jäcä; jenaadäne yaajäntä’jödö töco’mannä’eene cöneecammajäätöi. Wanaadi nnedööje Jesuuquidiito yeichö töwö cöneecammajäätöi chäwwäiñe, Äwaanacaaneije yeichö mmaja. Moisé nimennä’jödö ai chea töwö cöneecammajä’acä yääje yeichö, Wanaadi wa’deuwödö ecammannamo nimenno’jocoomo ai mmaja.

DOSECHO 3:18

Mädä ännö’jocoomo que chäänönge cönä’döi jenaadä Wanaadi necamma’jödö, yää töwa’deuwödö ecammannamo wwa cöneecammajoi. Edääje töwö cöneecammajoi chäwwäiñe: “Äwaanacaanei töwäntunaanö’emööje na;” quee.

DOSECHO 3:21

Töwö Jesuuquidiito caju ña yeichojo na tameedä Wanaadi wwä choonecaadö wa’cä. Mädääje dea Wanaadi töneecammajo cönä’jaacä töwa’deuwödö ecammannamo aashicha’como wwäiñe, ñanno jenaadä cönä’ja’todö.

CAADATA 6:2

Äämetaacäi adhe’wa’tätääcä anaadädööcomo jäcä, mädääje Quidiito waanontädö tödööjai maato.

EUJEESIYO 2:20

Maa amääajä töweiye naichöje maato; änwanno tösö’ma maato anonta’como necammajäätö’jocoomo de’wä, Wanaadi wa’deuwödö ecammannamo’jödö necammajäätö’jocoomo de’wä mmaja, maa a’täi ye’wä shö’madö töweiye naichöje. Jesuuquidiito mmaane anno’tojooje na, yää täju tameedä chä’sejöije töweiye naichöje, täju que maa amäädawä.

EUJEESIYO 3:5

Yää owaanojöönö’jödö jenaadä täneejo’da cönä’jaacä soto wwäiñe. Eduuwaane Wanaadi woije Epíiditu Santo yää cöneenejoi aashicha’como anonta’como wwäiñe, Wanaadi wa’deuwödö ecammannamo wwäiñe mmaja.

1 TIIMOTEO 6:14

Edä waanontänä wödööja äwwä, äncu’naca’da mödöiye, täcammajä’emööje’da aweichö wetä, Cajiichaana Jesuuquidiito weejödö jonaane.

2 PEEDHODO 2:21

Chäänöngato weiñä jäcä aneeta’da yei’jocoomo mmaane äächädääjemma choone’nadiiyöcoomo eichö. Yää cone’da’cä jeene na, waanontänä aashichaato töwwäiñe u’ajä jonno yä’sancwajoodöcoomoone.

2 PEEDHODO 3:15

Odhoowanääcäiñe tödöötäcä cöwääwanaacato’comooje yeichö mädä Cädhaajotoncomo Jesuuquidiito wwä cönshinchädööcomo. Mädääje dea cöjimmotoncomo tujunnato Paudo cömmennäi äwwadäädäiñe, Wanaadi nutuudu tösejjedö woije.

2 PEEDHODO 3:16

Mädääje dea töjaajedai tömmennä weneene töwö, mädä jäcä imennädö waadäi. Aneetaja äätaque’jönö immennä’jödö weneene. Ñanno towaanojo’nemjöncomo, jäduujemjöncomo mmaja, yää immennädö äätaque’jönö tönaashichuudäiñe weneeneto töwännanö’to’comooje mma, anejja Wanaadi a’deddu imennaajä tönnöe weneenetoodöje dea.

1 JUAN 4:6

Cönwanno mmaane Wanaadi sotoije caato. Ñäädä Wanaadi jadoono ca’dedducoomo töneeta weneene; ñäädä Wanaadi jadoonojöönö mmaane ca’dedducoomo aneeta’da na. Mädääje ene’ju’jai caato ñäädä chäänöngato woije ecammajä’nei, chäänöngemjönö woije ecammajä’nei mmaja.

JUUDHA 1:17

Änwanno mmaane jimmä umjummadö, tötö’ta deaane eichäcä Cädhaajotoncomo Jesuuquidiito nanontädö wa’deuwö’jocoomo jäcä.

APOOCADIISI 19:10

Yaawä tä’mudhe wä’döne ñäädä amoode o’wawä, ya’demeecödööje. Töwö cönä’döaacä öwwä yaawä: —Mädääje’daane; Wanaadi anoonö mmaja öwö dea, anöngato mmaja, ajimmä nönga’como mmaja, ñanno chäänönge Jesuuquidiito a’deddu ecammajä’nnamo. Wanaadiiñe ya’deme’cä; quee cönä’döaacä. Ñanno Jesuuquidiito a’deddu ecammajä’nnamo ñanno Wanaadi nutuudu woije töneecammajä’e weneenetoodö.