2 PEEDHODO 2:8 - Wanaadi A'deddu

⁸ Anooto waadäi ñäädä dhanwa chäänöngato cone’da töwä’döjo cönä’jaacä täwaanö jäcä, conemjönö iiñödööcomo töneene’jödö jäcä, töneeta’jödö jäcä mmaja, chaajadäiñe töweichö.

2 PEEDHODO 2:8 ပူးပေါင်းရင်းမြစ်များ

1 TIIMOTEO 1:9

Cönwanno cowaanäcäiñe eijai ña aashicha’como wwonooje’da yää waanontänä imennaajä weichö. Yää waanontänä töweiye nai tanontä’jödö ännöjöönö wwonoojeene, töweewodoichaato wwonooje mmaja, conemjönö dönei mmaja, chäänöngemjönö mmaja, Wanaadi onnontäjöönö mmaja, dha’deddu onnontäjöönö mmaja, tumö emaanei, senö emaanei wwonooje mmaja. Soto emaanei wwonooje mmaja na dea yää waanontänä,

EEWEDEO 11:4

Ecamjödö que mmaja Aweede Wanaadi wwonooje saaquidiijiisiyo cönnöi, Caín cönnöichö e’jodhe’cä. Yää jäcäinchädä Wanaadi töjaadonooje Aweede cönnöi yaawä. Inchudu’jödö mmaja aashicha Wanaadi cöne’täi chea. Töwö Aweede töwääma yeichaame tacaade dea na, ecamjö’jödö weijäcä chäwwä.

SANTIYAACO 5:16

Yääje yeijäcä ocoone’nadiiyöcoomo töneecamma eichäcä ajimmotoncomo wwä; Wanaadi wwä adha’deutäcä ääjäcäiñe, täjiichö’tääne meichäiye. Ñäädä soto chäänöngato Wanaadi wwä sa’donna ya’deuwödö jäduuje na.