2 PEEDHODO 2:4 - Wanaadi A'deddu

⁴ Conemjönö tödööa’jäcä Wanaadi amoodedö wwäiñe töwö Wanaadi aneewanaaca’daiñe cöneiyacä; wa’to nwaca cönenno’jaicho. Jedeesoje cönnöicho tööjano’taca, cadheena que tömööjä’e, yäätä töwäätä’maminchajooto’como cu’nädö womoocödö wetä.

2 PEEDHODO 2:4 ပူးပေါင်းရင်းမြစ်များ

MATEO 25:41

“Yaawä töwö Cajiichaana nä’döa’de ämu’dato dö’sencomo wwä: “Ojoncomo jonno änwanno töwännanö’aamö; wa’to töwaatamemjönö aca ojoncomo, yää odo’shancomo weicho’comooje choonecaajä naadö.

MATEO 8:29

Tönwanno töcä’de cöna’deuwa’to Jesuuquidiito wwä; cönä’döa’to: —¿Ane’cotoojo ñaa maquiimaanä, amäädä Jesuuquidiito, Wanaadi nnedö? ¿Ñaa mamincha ca meejä chu’nädö aca ä’dö’dadä mmädä? quee cönä’döa’to.

MAADOCO 5:7

Töwö töcä’de cöna’deuwacä Jesuuquidiito wwä; cönä’döaacä: —¿Ane’cotoojo caquiimaanä, amäädä Jesuuquidiito, Wanaadi o’jodhaato nnedö? Wanaadi netaadöje yääje wä’döa äwwä, cämmaminchai; quee cönä’döaacä.

DUUCA 10:18

Jesuuquidiito cönä’döaacä chäwwäiñe: —Weneeaqueene Caajuushawa wejuccadö caju ñanno, yäncucuudu nönge.

DUUCA 8:31

Ñanno odo’shancomo cönä’döa’to Jesuuquidiito wwä: —Ya’tadö inwadö ’jemjönö aca mma ñaa manenno’jai; quee cönä’döa’to.

JUAN 8:44

Odo’shaane oomotoncomooje na; änwanno tödö’se määnetääne oomotoncomo odo’sha woije. Töwö cönä’jaacä ämaatä awa’deene yaajäntä’jödö jonnoto’jödöödä. Töwä’dune töwö jooje; chäänöngato ’je’da na chäwwä. Juutuje töwa’deuwe weneene, juutuje töweijäcä, juutuje weiñä edhaajäje töweijäcä mmaja.

DOMAANO 11:21

Wanaadi dhajäädö neene änshinchä’da cöneiya’dö naane’; töwaacö’je amäädä, yaatötaajä mma.

DOMAANO 8:32

Wanaadi cöwwäiñe Tönnedö jadä’jödöödä aneewontä’da cöneiyacä; tu’eene cuntui cöjääcäinchädäiñe töwäämaamöje. ¿Aaquene mmaja tameedä anejja cöwwäiñe äntu’da eijai ñai Tönnedöödä cuntuiñe’ ?

2 PEEDHODO 2:11

Wanaadi amoodedööde’ cho’jodheiñe töweichaameiñe cone’da a’deuwö’da weneeneto ñanno tönoiña’como jäcä Cajiichaana Wanaadi owaadäädä.

2 PEEDHODO 2:5

Wanaadi aneewanaaca’daiñe cöneiya’dea ñanno jenaado’jocoomo. Tunaamä cönenno’jai ñanno soto töwoijemjöncomo jäcäiñe. Noé mma cöneewanaacai, ñäädä chäänönge weiñä jäcä ecammajä’nei’jödö; aacä amoojato soto mmaja cöneewanaacaicho dea.

2 PEEDHODO 2:9

Mädääje Wanaadi ñanno cöneewanaacaicho. Töwö dhowaanäcä na dea töwoija’como ewaanacaadöcoomo yä’yunaacajoodöcoomo jonno. Töwö dhowaanäcä mmaja töwoijemjöncomo maminchadööcomo, wätä’maminchajootojo anootoi’chädö neene jona tödööene.

1 JUAN 3:8

Ñäädä conemjönö acaadä töweiyato mmaane odo’sha sotoi ñäädä, conemjönö tödööneiñe odo’sha yeiyajä yaajäntä’jödö jonnoto’jödöödä. Yääjatooje Wanaadi nnedö cöneejä, odo’sha nödöödö emaaneije.

JUUDHA 1:13

Tuna madaatacai joojato töweiye naichöje naato; dha’donö nönge yää conemjönö iiñödööcomo. Shidiichä sadiijanga’como töweiye naichöje mmaja naato dea. Yeichöödäje yeicho’comooje tödööajä na tööjato.

JUUDHA 1:6

Ñanno Wanaadi amoodedö töweicho’como cho’nanoojöncomo’jödö töjaatadööcomo caju ñano cöne’nomjaicho. Eduuwa tönwanno Wanaadi woije dea tööjano’taca jedeesoje naato, yeichöje, cadheena que tömööjä’eiñe, wätä’maminchajootojo anootoi’chädö aca tödööene.

APOOCADIISI 20:10

Yaawä ñäädä odo’sha, ñanno encu’täneichomo’jödö cönäätämaajoi jiyooto comootödö ña, odoocojaato naadö döiña, ecammajä’nei chäänöngemjönö naadö döiña mmaja. Iiña nätä’maminchajaato’de ano, coijai’jödöödä, yeichöödäje. Iiña wedeinchä nengaato’de, acuudajaada dhatu’jödö jodö joqque.