2 PEEDHODO 2:3 - Wanaadi A'deddu

³ Ñanno owaanomannamo chäänöngemjöncomo onsomaadöcoomo jäcäinchädä adhencu’taato’de ta’dedducoomo yääjönö wa’coto que. Jenaado’jä’jödöödä yäätä’maminchajooto’como täcamma na. Töwännanö’to’como aneemaicha’da naato’de.

2 PEEDHODO 2:3 ပူးပေါင်းရင်းမြစ်များ

MATEO 23:14

“Wentumje maato’de änwanno owaanomannamo, jaadiseeocoomo mmaja, yääjönö wa’co’como wäänejoodö. Änwanno töneijä’e määnetääne iiño wääma’jödö nödöödö. Yää encwanno’jodööje nuwe Wanaadi wwä töwa’deuwe yaawä. Yääje yeijäcä jooje’cä mätä’maminchajaato’de.

DUUCA 18:8

Chäänönge yääje wä’döa äwwäiñe, töwö ni’wa’taato’de yaawä dea mma. Yääje yeichaame, Soto nnedö we’a’jäcä, ¿ecamjödö ’je soto edantätaicho’de? quee cönä’döaacä Jesuuquidiito.

DUUCA 20:20

Yaawä tönwanno tanoonöcoomo cönaanontoicho, aashicha’como wa’cä töwäänejancädäiñe, cone’da Jesuuquidiito a’deudeme’jo, jedeesoje tödööjodö weta yaawä acu’shänä wwä.

DUUCA 22:47

Yääje Jesuuquidiito ya’deutaame dea jooje soto cöneejoto. Ñäädä Juudha täätö, ñanno amoojadooto de’wä aaco’como jimmä, awa’de cöne’acä. Töwö Jesuuquidiito wwadäädä cöneejä shuumadö wetä.

JUAN 2:16

Töwö cönä’döaacä jaduuma ejeemajonnamo wwä: —Canno adääcoto eetonno. Wätäätöijatoojoje mma Jaaja mmai männötäi; quee cönä’döaacä.

DOMAANO 16:18

Ñanno yääja’como Cädhaajotoncomo Jesuuquidiito anoonöje’da naato; tumjummadööcomo woije mma weneeneto. Tönwanno towoinchado’como tönencu’täiñe weneeneto aashichaato wa’coto ta’dedducoomo que, wäämu’nä’nä que mmaja.

2 CODINTIYO 2:17

Töwäätätöijatoojoje Wanaadi a’deddu ännö’da ñaa na; oncone’ma’da mmaja, anejjacoomo tönnöe weneenetoodöje’da. Chäänönge töweichö queene Wanaadi a’deddu töneecammajä’e ñaa weneene, Wanaadi nanontä’jödö woije, Wanaadi owaadäädä mmaja, Quidiito jadoonoje ñaa weijäcä.

1 TEESADOONISENSE 2:5

Änwanno odhoowanääcäiñe na adheemu’näjöödöcoomo que’da ñaa necammajäätö’jödö; adhencu’tätäiñe’da ñaa cönä’ja’dea jödaata chaana’cadö wetä. Wanaadi mmaja dhowaanäcä na yääje yeichö.

1 TEESADOONISENSE 5:3

“Täncanoode’da caato; ä’jajo’da caato;” quee soto wä’döa’comjäcä, yaawä jadheedä chääjäcäiñe ne’a’de conemjönö, wodi wensu’dato iiñedo tödhe’nunge naichöje. Tönwanno töwäänejeeto’como aneejodö’da naato’de.

1 TIIMOTEO 3:3

Wä’dau’nä yaacö’je’da eijai ña töwö ansiyaano; ewoodoicha’da mmaja eijai ña dea, ta’cwaiñeene eijai ña. Ätäccujäätö’da mmaja eijai ña dea, jödaata jäcä äätätäädä’da mmaja.

1 TIIMOTEO 3:8

Mädääje mmaja diyaacono eijai ñaato dea, tacu’shänäicheene; wanna dha’dedducoomo eijai’cha na. Wä’dau’nä yaacö’comje’da eijai ña; ane’cä’cä cana’cadö jäcä äätätäädä’da eijai ñaato dea.

1 TIIMOTEO 6:5

wätäccujä’nä töwä’camjönö mmaja. Tameedä mädä noojodööa chö’tajäätödö wecoone’ma’como jäcäiñe, ñanno chäänöngato ’jemjöncomo. Tönwanno necaanö’aato quedeiyenteje weiñä ane’cä’cä cana’catoojoje yeiyaatäi. Yääja’como shancwacooto.

TIITO 1:11

Töjo’que’nojomje naato ñanno. Tönwanno jooje soto nishaadijannä’caato, yä’jimmä’tädööcomo jadä’jödöödä, täcammajä’emjönö que owaanomancädäiñe, jödaata chaana’cadö wetä töwäätäncu’tädööcomo que.

TIITO 1:7

Conemjönö chääcadööjönö ansiyaano eijai ña, Wanaadi tadaawaajui tödööneije yeijäcä. O’jodhe chö’tajä’jai’cha na töwö, äätömaacoije eijai’cha mmaja. Ä’dacu’da eijai ña töwö, ataiju’jätö’da mmaja. Soto ennanö’cadö que jödaata chaana’cadö ijummajai’cha na töwö.

1 PEEDHODO 2:8

Edääje mmaja imennaajä nä’döa dea: Ñäädä dhanwa na’de soto weju’co’to’me; täju soto emajjoneichomo töweiye naichöje mmaja na’dede; quee. Ñanno aneecanö’jöncomo neju’cä’aato Wanaadi a’deddu ännö’da töweijäcäiñe. Yääje töweiyaamoje dea cönä’ja’to.

1 PEEDHODO 5:2

Edääje wä’dö’se wa äwwäiñe: Edai’chätääcä Wanaadi sotoi, äwwäiñe ñeedai’chojoodö, oweeja edai’chänei täcöönö töneedai’chä töweiye naichöje. Owoijeiñe’da’da edai’chätääcä, owoijeiñeene, Wanaadi nijummadö woije; ane’cä’cä cana’cadö wetä’da mmaja, tödö’se aweichöcoomo que mmädääne.

2 PEEDHODO 1:16

Wätunnä iiña mmädooto ñaa nejoodödö que’da äwwäiñe ñaa cöneecammajäätöi Cädhaajotoncomo Jesuuquidiito jäduudu jäcä, yeejö’jödö jäcä mmaja. Täneene ñaa cöneeneaacä iiñataadö.

2 PEEDHODO 2:1

Jenaadä ecammajä’nnamo chäänöngemjöncomo töweiye cönä’ja’to iisadaaediita antawäiñe. Mädääje mmaja adhantawäiñe naato’dede owaanomannamo chäänöngemjöncomo. Tönwanno jo’wadootoje wecoone’matoojo wätunnä nejoodöaato’de. Tädhaajotoncomo jadä’jödöödä nijoome’daato’de, ñäädä Täwaanacaaneichomo. Mädääje jadheedoto töwännanö’to’como nejoodöaato’de.

2 PEEDHODO 2:9

Mädääje Wanaadi ñanno cöneewanaacaicho. Töwö dhowaanäcä na dea töwoija’como ewaanacaadöcoomo yä’yunaacajoodöcoomo jonno. Töwö dhowaanäcä mmaja töwoijemjöncomo maminchadööcomo, wätä’maminchajootojo anootoi’chädö neene jona tödööene.

JUUDHA 1:11

Tönwanno tömaaminchaamoje naato, Caín wei’jödö nönge mmaja yeichomjäcä. Jödaata jummadö que cönsadiijamöicho, Wadan cone’nadiiyö nönge mmaja. Tönwanno töwännanö’e naato Wanaadi jäcä jäduuje töweichomjäcä, Codé cönä’ja’döje mmaja.

JUUDHA 1:15

tameedä soto emmencadööcomo wetä, tameedä Wanaadi woijemjöncomo maminchadööcomo wetä mmaja tameedä conemjönö iiñö’jocoomo jo’tädööje, yää Wanaadi nijummadö woije’da cönnöichodö. Tameedä töjääcä cone’da ya’deuwö’jocoomo jo’tädööje mmaja nimaaminchaato’dede;” quee cönä’döaacä Enooco.

JUUDHA 1:16

Töwenta’me’ca’como ñanno chäänöngemjöncomo, taquiiñuca’como mmaja. Conemjönö tumjummadööcomo woije mma weneeneto. Tönwanno töwa’deuwe weneeneto aashichaato wa’cä, soto emu’näjöödöcoomoje, iiñödööcomo jäcäinchädä mma.

JUUDHA 1:4

Anejjacoomo Wanaadi woijemjöncomo tacaade’da cantawäiñe yääwaaca’como töweiye naato. Jenaadä dea ñanno wännanö’to’como cönäätäcammai Wanaadi a’deddu imennaajä jäcä. Tönwanno aashicha Wanaadi weichö tönnöe weneeneto conemjönö tönnöto’comooje. Ñäädä Wanaadi, tooniyaano Cädhaajotoncomo, tömjo’ma weneeneto, Cädhaajotoncomo Jesuuquidiito mmaja.

JUUDHA 1:7

Sodhooma ñancomo cönä’ja’todö naane’, Comooda ñancomo mmaja, anejja amoinchemjönö jataawoncomo mmaja; tönwanno Wanaadi amoodedö wei’yejeiñe mmaja tömaasuduicha töweiye cönä’ja’to, anejja chäänöngemjönö mmaja tönnöe cönä’ja’to dea. Yää cöneejemaicho wa’to töwaatamemjönö que töwäätä’maminchajoodöcoomo que. Yääje yei’jocoomo na cöwä’se’jadoojoto’comooje.