2 PEEDHODO 2:2 - Wanaadi A'deddu

² Jooje naato’de shootoichomo, conemjönö iiñödööcomo nönge tödönnamo mmaja. Tönwanno yoija’comooje cone’da soto na’deuwaato’de quedeiyenteje weiñä jäcä.

2 PEEDHODO 2:2 ပူးပေါင်းရင်းမြစ်များ

MATEO 22:16

Tönwanno jaadiseeo tönoowanoomadö cönenno’jaicho yaawä Jesuuquidiito döiña, Edoodhe sotoi jadäiñe. Ñanno cönä’döa’to Jesuuquidiito wwä: —Owaanomaanei, ñaa owaanäcä na chäänöngatooje aweichö, Wanaadi a’deddu jäcä chäänönge tönoowanooma aweichö mmaja. Ooto’jodhe soto ännö’da ma amäädä, ye’wono woije mma anemmenca’da aweijäcä.

MATEO 24:24

joojeene yeiya’como äwaanacaaneija’como wätä’tädö, jooje mmaja Wanaadi wa’deuwödö ecammannamooja’como wätä’tädö. Tönwanno jooje ene’ju’tojo nödööaato’de, jooje täneemö mmaja, Wanaadi sotoi jadä’jödöödä encu’täto’comoojatö’jödö.

MATEO 7:14

Caju ñano wötootojo nata’tadö mmaane she’caasa na, änwacö’me mmaja chäämadö. Wanna’da naato yää ejoodönnamo.

MAADOCO 12:14

Jesuuquidiito döiña töwä’döa’comjäcä ñanno cönä’döa’to chäwwä: —Owaanomaanei, ñaa owaanäcä chäänöngatooje aweichö. Ooto’jodhe soto ännö’da ma amäädä, ye’wono woije mma anemmenca’da aweijäcä. Wanaadi a’deddu jäcä chäänönge tönoowanooma amäädä. Edääje adheecamma’jo’se ñaa na: ¿Aashicha eijai ñai jödaata utuudu acu’shänä wwä, cone’daane? ¿Aaquene eijai ñai, tu’e, tu’e’daane? quee cönä’döa’to Jesuuquidiito wwä.

MAADOCO 13:22

joojeene yeiya’como äwaanacaaneija’como wätä’tädö, jooje mmaja Wanaadi wa’deuwödö ecammannamooja’como wätä’tädö. Tönwanno ene’ju’tojo nödööaato’de, täneemö mmaja, Wanaadi sotoi jadä’jödöödä encu’täto’comoojato’jödö.

JUAN 14:6

Jesuuquidiito cönä’döaacä chäwwä: —Öwö ñäädä ääma neene, chäänöngato a’deu mmaja, do’ta edhaajä mmaja. Jaaja wwadäädä täjai’cha weiñä na; öwö joi mma täjai.

DOSECHO 13:10

cönä’döaacä chäwwä: —Amäädä äncu’tänei, yännanö’ajä mmaja, odo’sha nnedö. Tameedä aashichaato tödöödö tu’de’tänei amäädä dea. ¿Ane’que’nei ane’nomja’da manä Wanaadi a’deddu sa’donnato ashiichuudädö?

DOSECHO 14:2

Ñanno judhío aneecanö’jöncomo mmane judhíojöncomo cöni’jedoicho cone’da chö’tajäätödööcomo wetä quedeiyente jäcäiñe.

DOSECHO 16:17

Ñäädä ajei’choto’jaato Paudo ncäcä töwäämannä’e cönä’jaacä, ñaa ncäcä mmaja. Töwö töcä’tömjä’e cönä’jaacä: —Wanaadi o’jodhaato anoonö canno dhanwaacomo. Tönwanno wääwanaacatoojo necammaato äwwäiñe; quee töwä’döe cönä’jaacä soto wwäiñe.

DOSECHO 18:26

Ñäädä Apoodo jäduuje cöneecammajä’acä we’jummatoojo taca. Yaawä ñeecammajäätödö eta’jäcä, ñanno Pidiisiida, Aquiida mmaja töudäje cönaadoicho. Tönwanno cönsa’duminchaicho chäwwä Wanaadi a’deddu dhowaanojöönö.

DOSECHO 19:9

Anejjacoomo eta’se’da cönä’ja’to; aneecamjö’da cöneiya’to. Tameedä soto netaadöcoomoje cone’da töwa’deuwe tönwanno cönä’ja’to quedeiyenteje weiñä jäcä. Yaawä Paudo cönsancwaicho. Töwö quedeiyentecoomo cönaadoicho Tidaano nowaanomaatojo taca; iiña anooto waadäi töneecammajä’e cönä’jaacä chäwwäiñe.

DOSECHO 22:4

Jenaadä quedeiyente tömmaminchaiñe wä’jaaquene, emaadö jonaane. Tömmöjä’e tönaadä wä’jaaquento dhanwaacomo, wodiiñamo mmaja, jedeeso ewöötö’tädö taca tödöödöcoomo wetä.

DOSECHO 24:14

Edääje mmaane wäänene: Yaadaichö Wanaadiyööcomo woije wäänene, eduuwaato weichojo wä’dödö nönge, yää chäänöngemjönööje töne’tä weneenetoodö. Öwö wecaanö’a tameedä jenaado’jä waanontänä, Wanaadi wa’deuwödö ecammannamo nimenno’jocoomo mmaja.

DOMAANO 2:24

Mädääje dea Wanaadi a’deddu imennaajä jäcä nä’döa: “Änwanno owoija’comooje Wanaadi jäcä cone’da töwa’deuwe weneeneto judhíojöncomo;” quee imennaajä nä’döa.

1 TIIMOTEO 5:14

Yääje yeijäcä ñanno mude’cäjeicha’como iiño wääma’jödö töwäätöiñonoone ätöiñonoojai ñaato, ennecaiyeto, tä’sadööcomo edai’chäiyeto; cutu’dedööcomo cöjääcäiñe cone’da ya’deutojo ’je’da yeichö wetä.

TIITO 2:5

Towaadäädäiñe wodiiñamo mudeeshi eijai ñaato, masuuduije’da mmaja, tä’sacooneiñe mmaja, ta’cwaiñeiñe mmaja, töiñotoncomo a’deucwe mmaja, Wanaadi a’deddu cone’da täcammamje’da yeichö wetä.

TIITO 2:8

aashicha awa’deuwancädääne, äjääcä cone’da anejja ya’deuwödö queiñe. Töjöiye naato’de yaawä ñanno Wanaadi a’deddu tu’de’tännamo, aneejodö’da töweijäcäiñe cone’da töwa’deuto’como äjääcäiñe.

1 PEEDHODO 2:12

Aashicha eichäcä Wanaadi dhowaanojöncomo jadäiñe. Eduuwa conemjöncomooje adhe’tätaameiñe, yaawä aashichaato ännödööcomo eneedö’jo Wanaadi jäcä aashicha na’deuwaato’de, chäwwä töwäätäcamma’jojoodawäiñe.

2 PEEDHODO 2:12

Ñanno conemjöncomo weneeneto chö’tajäätö’da, aneene’jutu’da mmaja, odoocoja’como weneenetoodöje mmaja, ñanno tajäiyaamo, töja’aamo mmaja. Tönwanno cone’da töwa’deuwe weneeneto towaanojöncomo jäcä. Tönwanno nä’ja’aato’de, odoocoja’como nönge mmaja.

2 PEEDHODO 2:15

Ääma chäänöngato to’nomja naato, tösaadijaamödööcomo wetä. Tönwanno naato Wadan wei’jödö nönge mmaja, ñäädä Wanaadi wa’deuwödö ecammanei’jödö, Weoode nnedö. Töwö Wadan yaacö’je töweiye cönä’jaacä conemjönö dödö que jödaata cana’cadö.

2 PEEDHODO 2:18

Iiña mmädä töwa’deuwe weneeneto, yääjönö wa’cä. Conemjönö que, tujuunu nijummadö que mmaja, tönencu’täiñe weneeneto ñanno chäänöngemjöncomo jonnoto yäänejeea’como.

2 PEEDHODO 2:21

Chäänöngato weiñä jäcä aneeta’da yei’jocoomo mmaane äächädääjemma choone’nadiiyöcoomo eichö. Yää cone’da’cä jeene na, waanontänä aashichaato töwwäiñe u’ajä jonno yä’sancwajoodöcoomoone.

2 PEEDHODO 2:7

Doote mmaane Wanaadi cöneewanaacai, ñäädä dhanwa chäänöngato. Ñäädä Doote töquincha cönä’jaacä conemjönö tödöödö eneedö ñanno conemjöncomo wwäiñe.

JUUDHA 1:10

Ñanno chäänöngemjöncomo mmaane cone’da töwa’deuwe weneeneto towaanojöncomo jäcä. Edä nono de’wono towaanocoomo tödöödö que mmaane töwoijeiñe nännanö’aato, odoocoja’como chö’tajä’jöncomo töweiye naichodööje.

JUUDHA 1:15

tameedä soto emmencadööcomo wetä, tameedä Wanaadi woijemjöncomo maminchadööcomo wetä mmaja tameedä conemjönö iiñö’jocoomo jo’tädööje, yää Wanaadi nijummadö woije’da cönnöichodö. Tameedä töjääcä cone’da ya’deuwö’jocoomo jo’tädööje mmaja nimaaminchaato’dede;” quee cönä’döaacä Enooco.

JUUDHA 1:4

Anejjacoomo Wanaadi woijemjöncomo tacaade’da cantawäiñe yääwaaca’como töweiye naato. Jenaadä dea ñanno wännanö’to’como cönäätäcammai Wanaadi a’deddu imennaajä jäcä. Tönwanno aashicha Wanaadi weichö tönnöe weneeneto conemjönö tönnöto’comooje. Ñäädä Wanaadi, tooniyaano Cädhaajotoncomo, tömjo’ma weneeneto, Cädhaajotoncomo Jesuuquidiito mmaja.

JUUDHA 1:7

Sodhooma ñancomo cönä’ja’todö naane’, Comooda ñancomo mmaja, anejja amoinchemjönö jataawoncomo mmaja; tönwanno Wanaadi amoodedö wei’yejeiñe mmaja tömaasuduicha töweiye cönä’ja’to, anejja chäänöngemjönö mmaja tönnöe cönä’ja’to dea. Yää cöneejemaicho wa’to töwaatamemjönö que töwäätä’maminchajoodöcoomo que. Yääje yei’jocoomo na cöwä’se’jadoojoto’comooje.

APOOCADIISI 12:9

Caju ñanno cönootonno’jajoi yaawä caimaana, ñäädä äcääyu, jenaadä cönä’ja’dö, odo’sha täätö, Caajuushawa täätö mmaja, nono de’woncomo encu’täneichomo. Töwö nono de’cäi cönootonno’jajoi tamoodedö jadäiñe.

APOOCADIISI 13:14

Töwö odoocojaato nono de’woncomo cönencu’toicho täneemö tönnödö que. Chäwwäiñe cönnöjoi awa’deeto odoocojaato cu’taajä. Chäwwä yääje soto tödööto’como u’ajä cönä’jaacä awa’d eto odoocojaato neneedöje, ñäädä sauda que töwäätunui’chä’jödö weichaame cönaadoincaichö.

APOOCADIISI 13:8

Tameedä nono de’woncomo ñäädä odoocojaato cönwa’deme’ca’to, tameedä ñanno edä nono tödö’jödö jonnoto’jödöödä weichojo jajeedai’chädö jäcä chäätöcoomo ’je’da naadö. Yää weichojo jajeedai’chädö edhaajäje na ñäädä Oweeja nnedö’cä, cönäätämaajoichö.