2 PEEDHODO 1:7 - Wanaadi A'deddu

⁷ Wanaadi woije weiñä jadä ’quene, töweichacoono jäcä ta’cwaiñe weiñä daja mejoodöjootäiyede; töweichacoono jäcä ta’cwaiñe weiñä jadä ’quene wä’jummanä daja.

2 PEEDHODO 1:7 ပူးပေါင်းရင်းမြစ်များ

DOMAANO 12:10

Ä’jummatääcä töweichacoono ijummadö töweiye naichöje deaane, äwä’jummadö e’jodhe’cä aweichacoono ijummancädä, owo’nontancädäiñe mmaja.

CAADATA 6:10

Yääje yeijäcä, tödööjai caatoodawäädä, aashichaato cöödötäiye tameedä soto jäcäiñe; quedeiyentecoomo jäcä jooje’cä jeene aashichaato tödööjai caato.

CODOOSENSE 3:14

Tameedä mädä de’wä mmaja jeene töwä’jummaane eichäcä. Yää wä’jummanä na tameedä chäänönge ejoodöjoojä’neije.

1 TEESADOONISENSE 3:12

Ñäädä Cädhaajotoncomo adhaatö’nä’jaato, äwä’jummato’como mmaja nu’a dea, tameedä soto ijummato’como mmaja, ñaa ajummaatoodöje dea.

1 TEESADOONISENSE 5:15

Odhoowoinchadäiñe’da eichäcä, anejja mma adhantawäiñe töjääcä conemjönö tödö’jödö conemjönö que mmaja oojo’to’no. Aashichaato dödö mmaane encano’täjai maato änwannoje dea, tameedä soto jäcäiñe mmaja.

EEWEDEO 13:1

Äwä’jummadööcomo mane’nomjatäi’che, quedeiyentecoomo töweiye naichodööje deaane.

1 PEEDHODO 1:22

Änwanno chäänöngato wätunnä mecaanö’täne Epíiditu Santo ni’wa’tädö que. Mädääje adheewanööcomo michoccajootäne, wätäncu’tänä que’da quedeiyentecoomo ijummadööcomo wetä äwwäiñe. Yääje yeijäcä joojeene ä’jummatääcä, adheewanööcomo jadäädääne.

1 PEEDHODO 2:17

Tameedä soto aashicha tödöötäcä. Quedeiyentecoomo ijummatääcä. Wanaadi ñontätääcä. Aashicha acu’shänä tödöötäcä.

1 PEEDHODO 3:8

Edääje mmaja wä’dö’se wa dea äwwäiñe: Tameedäädä äänönge ätö’tajä’täcä; wentumje äneetä eichäcä. Ä’jummatääcä, töweichacoono ijummadö töweiye naichöje. Ta’cwaiñeiñe eichäcä, o’jodhe chö’tajäätö’da mmaja.

1 JUAN 3:14

Cönwanno töwäämaamöje cöwei’jocoomo jonno töwäämaamöje’da cä’dötääne; yääje cöweichöcoomo cowaanäcäiñe na cöjimmotoncomo tumjumma cöweijäcäiñe. Ñäädä töweichacoono ämjummajöönö töwäämaamöjeedä na.

1 JUAN 3:16

Cöjääcäinchädäiñe Jesuuquidiito wääma’jödö que cönwanno coowanoomatääne wä’jummanä chäänöngato jäcä. Yääje mmaja cönwanno cöweichöcoomo u’jai caato cöjimmotoncomo jäcäinchädä.

1 JUAN 4:21

Edääje töwö Wanaadi canontätääne: Ñäädä Wanaadi ijummanei, töweichacoono mmaja ijummajai ña dea, quee.