2 PEEDHODO 1:6 - Wanaadi A'deddu

⁶ towaanojo’ne weiñä jadä ’quene, wäädai’chänä; wäädai’chänä jadä ’quene, yäätäädä tö’tajä’nä; yääje weiñä jadä ’quene Wanaadi woije weiñä;

2 PEEDHODO 1:6 ပူးပေါင်းရင်းမြစ်များ

2 PEEDHODO 1:3

Töwö Wanaadi töjäädudu que cöwwäiñe cuntui tameedä aashicha cöweicho’comooje tujunnato, tameedä töwoije cöweicho’comooje mmaja. Töwö mädä cönnöi ca’dejjaneichomo’jödö cöwwäiñe ecaademeecödö que, ñäädä aashicha töweichö woije ca’dejjatäänedö, jäduuje töweichö woije mmaja.

EEWEDEO 10:36

Aaquiñu’tä’da aweicho’como tujunne na äwwäiñe, Wanaadi woijato tödöödö wetä yaawä äwwäiñe, ñeecamma’jödö mejoodötäiye yaawä.

DUUCA 21:19

Yää shinchädö que aweichöcoomo michaana’caato’de.

EEWEDEO 12:1

Mädääje na; jooje naato ñanno ecamjödö ’ja’como wäänejoodö cöwwäiñe. Yääje yeijäcä cummichaatäiye tameedä cämu’däneichomooje naadö, conemjönö cashiichuudäneichomooje naadö mmaja. Chincha’da cöweiyancädäiñe cöötätäiye cäämadööcomo tai.

1 CODINTIYO 9:25

Ñäädä töwootoneejaamö töwäädai’cha töweiye nai, töcoone’majaicho ännö’da. Yää tönnöe weneene canaanadi chuu adö döaajä mmädä cana’cadö wetä, töwaatameemö mma. Cönwanno mmaane cotoonejaato yeichöödoto cäje’jocoomo cana’cadö wetääne.

TIITO 2:2

Ñanno inchoncomo eijai ñaato towaadäädäiñe, nontätä mmaja, chäänönge töneecanö’e mmaja. Chäänönge eijai ñaato dea wä’jummanä jäcä, aashicha shinchädö jäcä mmaja.

CAADATA 5:23

soto jäcä jäduuje’da weiñä mmaja, towaadäädä weiñä mmaja. Mädoocomo ännöjoojönö waanontänä ’je’da na.

APOOCADIISI 14:12

Yääje yeijäcä ecamjödööje dea Wanaadi sotoi eijai ñaato, aashicha tönshinchä mmaja, tameedä ñanno Wanaadi waanontädö tödönnamo, Jesuuquidiito ecaanö’nnamo dea; quee cönä’döaacä ñäädä aaduwaawoto amoode.

APOOCADIISI 2:2

Yoowanääcä na tameedä ännödö, jooje ataadawaajui weichö mmaja, aashicha tönshinchä aweichö mmaja, conemjöncomo etaajai’cha aweichö mmaja. Amäädä mene’ju’neto ñanno anontaajäja’como wätä’tädö, ñannojöönö töweichaameiñe. Töwä’duna’comooje yeichöcoomo medantäneeto.

TIITO 1:8

Tödöiña yä’döa’como ewanshinchäneichomooje töwö eijai ña. Aashichaato tödööneije eijai ña dea, towaadoodoto mmaja, chäänöngato mmaja, Wanaadi woijato mmaja, acu’shämjato mmaja.

1 TEESADOONISENSE 1:3

Cumöötoncomo Wanaadi owaadäädä tötö’ta ñaa weneene ännödööcomo jäcä, yää ecamjödö jäcäinchädä tönnöe määnetäänedö. Tötö’ta ñaa weneene dea ataadawaajuichomo jäcä, yää wä’jummanä jäcäinchädä tönnöe määnetäänedö. Aashicha shinchädö que äwäntunamjödööcomo jäcä mmaja tötö’ta ñaa weneene dea. Yää tönshinchä määnetääne Jesuuquidiito weejödö tönwomo’que aweijäcäiñe.

CODOOSENSE 1:11

Töne’ca’e ñaa weneene dea Wanaadi wwä äjäädu’toto’como töwö ijäädudu aashichaato que, adha’cwaniiyöcoomo que tameedä tönshinchä aweichöcoomo wetä yaawä, chincha’da aweichöcoomo wetä mmaja.

2 CODINTIYO 6:4

Wanaadi anoonöje töweichö töwäänejo ñaa weneene tameedä ñaa weichö jäcä, aashicha töwääta’maminchajoodö shinchädö que, aashicha töwäntunamjödö shinchädö que mmaja, tameedä conemjönö awä mmaja,

DOMAANO 8:25

Äänejöönööne quiiyomo’cato; yääje yeijäcä chincha’da yoomo’jai caato.

DOMAANO 2:7

Töwö Wanaadi yeichöödäje weiñä nu’a’de ñanno töquinchancädäiñe’da aashichaato tödönnamo wwäiñe, ñanno aashichaato encano’tännamo, aashicha töweicho’como encano’tännamo mmaja, töwaatamemjönö encano’tännamo mmaja.

DOSECHO 24:25

Yaawä Paudo cöneecammajäätöi chäwwäiñe chäänönge weiñä jäcä, towaadäädä weiñä jäcä mmaja, wätämmencajootojo anootoi’chädö jäcä mmaja. Yaawä Jeedi cönääcatoncai; cönä’döaacä Paudo wwä: —Chääwa’cä na; äjääne eduuwa. Aneedawä anooto awääde mana’dejja’de, täde weichö woije; quee cönä’döaacä.

DUUCA 8:15

Yää dhadöödö aashichaato nono de’wä cönä’meichö mmaane, chäänönge tötö’tajäätödööcomo que Wanaadi a’deddu etannamo cu’tädö yää. Ñanno chö’taqueejö’da netaato, yoije tönnöe yaawä. Chäänönge töweichöcoomo que nejössataato yaawä.

DOMAANO 15:4

Yää jenaadä Wanaadi a’deddu imennaajä jäcä cönä’mennäichö tömennä na cöwoowanoomato’comooje, yäätäädä cöweichöcoomo wetä cönwomoocödööcomo jäcä, Wanaadi a’deddu ni’wa’tädö que.

APOOCADIISI 13:10

Ñäädä jedeesoje soto tödöönei jedeesoje mmaja nä’döja’de; ñäädä sauda que soto emaanei sauda canaadöje mmaja nääma’de. Yääje yeijäcä ecamjödööje dea Wanaadi sotoi eijai ñaato, aashicha tönshinchä mmaja.

APOOCADIISI 1:9

Öwö Juan, ajimmotoncomo dea, Jesuuquidiito jäcäinchädä yeetunu eneenei mmaja, Wanaadi sotoi mmaja, äshinchädööcomo nönge aashicha shinchänei mmaja. Öwö wä’jaaquene Paatamo antadö de’wä, Wanaadi a’deddu jo’tädööje yenno’jaajä, Jesuuquidiito jäcä ecammajäätödö e’nei.

2 PEEDHODO 3:11

Tameedä edä naadö töwaatameemöje mma na. Yääje yeijäcä aashichaane eichäcä, Wanaadi woijeene.

EEWEDEO 6:15

Yaawä aaquiñu’tä’da yoomocö’jödö weijäcä Aawadán wwä, töwö cöneeneaacä töwwä Wanaadi necamma’jödö.

EEWEDEO 6:12

Töquiiñe aweichonse’da ñaa na. Ñanno wei’yejeiñeene aweichonse ñaa na, ecamjödö que mmaja, aaquiñu’tä’da töweichöcoomo que mmaja Wanaadi necamma’jödö ejoodönnamo wei’yejeiñeene.

TIITO 1:1

Öwö Paudo, Wanaadi anoonö, Jesuuquidiito nanontädö mmaja. Töwö yaanontäne Wanaadi neichö necamjödööcomo yoomanö’neije, Wanaadi woije weiñä jäcä owaanomaaneichomooje mmaja,

2 TIIMOTEO 3:5

Wanaadi weichö töne’tä’jödö mma naato’de, ijäädudu mmaane tömjome’dä. Tameedä yääja’como soto jadäiñe mma mei’che.

1 TIIMOTEO 6:11

Amäädä Wanaadi anoonö mmaane tameedä mädoocomo jonno äänejeecä. Aashichaato mmaane encano’täcä, Wanaadi woije weiñä mmaja, ecamjödö mmaja, wä’jummanä mmaja, aashicha shinchädö mmaja, o’jodhe chö’tajäätö’da weiñä mmaja.

1 TIIMOTEO 6:6

Chaana’catoojoje yeichaame yää quedeiyenteje weiñä, ätäncano’tä’da weiñä jadä yeiya’jäcä.

1 TIIMOTEO 6:3

Anejja wwä chäänöngemjönö wätunnä que owaanoma’jäcä, Cädhaajotoncomo Jesuuquidiito a’deddu chäänönge aneecamjö’da yeiya’jäcä mmaja, quedeiyenteje weiñä jäcä woowanoomanä aneecamjö’da yeiya’jäcä mmaja,

1 TIIMOTEO 3:16

Chäänöngato mädä adai’jä cöneecamjödööcomo weichö, yää owaanojöönö’jödö, edääje yeichö: Wanaadi sotooje cönäänejoi; Epíiditu Santo chäänönge yeichö cöneenejoi; amoode cöneenea’to. Tameedä soto wwäiñe töwö cönäätäcammai chea; tameedä yeichö wa’cä cönäätäcamjöi yaawä; caju ña cönaatadoojoi chea.

1 TIIMOTEO 2:10

Aashichaato tödöödö queene ennataamajai ñaato, Wanaadi wwä yä’tua’como töweiye naichodööjeene.

1 TIIMOTEO 2:2

Acu’shänä jäcä mmaja Wanaadi wwä a’deujai ñaato dea, tameedä cajiichaanacoomo jäcä mmaja, täncanoode’da cöweichöcoomo wetä yaawä, ätäncano’tä’daane, aashicha cöweichöcoomo wetä mmaja, Wanaadi woije.

2 TEESADOONISENSE 3:5

Cädhaajotoncomo ä’wa’taato Wanaadi jummadö äwwäiñe yeichö wetä, yäätäädä ätö’tajäätödööcomo weichö wetä mmaja, yää Jesuuquidiito nutuudu que.

2 TEESADOONISENSE 1:4

Äjääcäiñe ta’cwaiñe töweichö que adheecammajä’täiñe ñaa weneene tameedä quedeiyentecoomo wecanta’ñoto’como waadäi. Töneecammajä’e ñaa weneene aashicha tönshinchä aweichöcoomo jäcä, töneecanö’e aweichöcoomo jäcä mmaja, äwäätä’maminchajoodöcoomo jona’da, äwäntunamjödööcomo jona’da mmaja, yää miyeetuncaatoodö.