2 PEEDHODO 1:3 - Wanaadi A'deddu

³ Töwö Wanaadi töjäädudu que cöwwäiñe cuntui tameedä aashicha cöweicho’comooje tujunnato, tameedä töwoije cöweicho’comooje mmaja. Töwö mädä cönnöi ca’dejjaneichomo’jödö cöwwäiñe ecaademeecödö que, ñäädä aashicha töweichö woije ca’dejjatäänedö, jäduuje töweichö woije mmaja.

2 PEEDHODO 1:3 ပူးပေါင်းရင်းမြစ်များ

MATEO 28:18

Yaawä Jesuuquidiito yöiñaiñe jeene cöneejä; cöna’deuwöi chäwwäiñe; cönä’döaacä: —Tameedä tödöötojo öwwä tu’e na, caju ña mmaja, edä nono de’wä mmaja.

DOMAANO 8:32

Wanaadi cöwwäiñe Tönnedö jadä’jödöödä aneewontä’da cöneiyacä; tu’eene cuntui cöjääcäinchädäiñe töwäämaamöje. ¿Aaquene mmaja tameedä anejja cöwwäiñe äntu’da eijai ñai Tönnedöödä cuntuiñe’ ?

DOMAANO 9:24

Töwö Wanaadi ca’dejjatääne judhíocoomo, judhíojöncomo mmaja.

1 CODINTIYO 1:9

Chäänöngato ñäädä Wanaadi, töwö dea adha’dejjatääne Tönnedö Jesuuquidiito jimmäje aweichöcoomo wetä, ñäädä Cädhaajotoncomo.

2 CODINTIYO 12:9

edääje mma töwö cönä’döaacä öwwä: “Öwwä ä’wa’tädö mma chääwa’cä äwwä na; untudu soto jäduudu jooje’cä nääneja jäduuje’da soto weichawä;” quee mma Cajiichaana Jesuuquidiito cönä’döaacä öwwä. Yääje yeijäcä waacö’je mma na jäduuje’da weichö, Quidiito jäduudu jääcä yeejamö’se weijäcä.

EUJEESIYO 4:1

Yääje yeijäcä edääje mänwätuujaato, öwö Cajiichaana jo’tädööje jedeesojaato: Chäänönge eichäcä, Wanaadi na’dejjadö weichö nöngeene, ña’dejjadööne aweiya’como.

EUJEESIYO 4:4

Tooni chääjö na, tooni mmaja Epíiditu Santo, tooni mmaja onwomoocödööcomo, yää äwwoncomooje yeichö wetä Wanaadi adha’dejjatäänedö.

JIDIIPENSE 3:8

Tameedäädä töja’emje yeichö wichö’tamme’ne Yeedhajä Jeduuquidiito yoowanääcä tödöödö jäcäinchädä, yää aashichaato jaiñoone. Quidiito junnei tameedä yää wöja’ne, chääta’jödö nönge na eduuwa öwwä, Quidiito chaana’cadö wetä öwwä,

JIDIIPENSE 4:8

Jimmä, edääje wä’cadööje wä’dö’se wa äwwäiñe: Tameedä sa’donnato jäcä ätö’tajä’täcä, tameedä tujummamjato jäcä mmaja, tameedä chäänöngato jäcä mmaja, tameedä nossajemjönö jäcä mmaja, tameedä aashichaato jäcä mmaja, tameedä töwa’deme’quemjato jäcä mmaja. Aashichaato töweiye yeiya’jäcä, aashicha wa’de’to’mato töweiye yeiya’jäcä mmaja, yää jäcääne ätö’tajä’täcä.

CODOOSENSE 1:16

Jesuuquidiito ai Wanaadi cönnöi tameedä tödööajä naadö, caju ña naadö mmaja, nono de’wä naadö mmaja, äänejöönö, täneeto mmaja. Jesuuquidiito ai mmaja Wanaadi cönnöi chea acu’shänääcomo, o’jodha’como mmaja, jäduuja’como mmaja, cajiichaanacoomo mmaja, nanno amoode. Töwö iiñödö mädä tameedä, töwö chäwwono mmaja.

1 TEESADOONISENSE 2:12

Edääje äwäätuujatäiñe ñaa cönä’jaacä: “Wanaadi sotoi weichö nönge deaane eichäcä, ñäädä tösootoije adhe’täneichomo’jödö, aashicha töweichö enennamooje adhe’täneichomo’jödö mmaja;” quee töwä’döe ñaa cönä’jaacä äwwäiñe.

1 TEESADOONISENSE 4:7

Wanaadi ca’dejjatääne aashicha tödönnamooje, conemjönö tödönnamooje’daane.

2 TEESADOONISENSE 2:14

Mädääjatooje töwö Wanaadi adha’dejjatääne, aashichaato wätunnä ñaa necammajäätö’jödö que, aashicha Cädhaajotoncomo Jesuuquidiito weichö ejoodödö wetä äwwäiñe.

1 TIIMOTEO 4:8

A’dhatooje mma töweiye nai edä nono de’wono tödöödö jäcä wäämu’canä. Wanaadi nödöödö mmaane yää e’jodhe na, eduuwa weichojooje yeijäcä, äcuude weichojooje yeijäcä mmaja.

2 TIIMOTEO 1:9

Töwö Wanaadi cäwaanacaatäne; ca’dejjatääne dea töwwonooje cöweichöcoomo wetä. Töwö cäwaanacaatäne aashichaato cönnödööcomo jäcäinchädä’da, tumjummadö woijeene, Jesuuquidiito jäcäinchädä cujummatäiñe töweijäcä mmaja. Töwö Wanaadi cujummatääne edä nono tödöödö owaajodääde.

EEWEDEO 1:3

Töwö Jesuuquidiito aashicha Wanaadi weichö neneeja; töwö na Wanaadi weichö nönge dea. Töwö dha’deddu jäduujato que dea tameedäädä töweiye weneene. Cöcoone’nadiiyöcoomo choccadö’jo töwö Jesuuquidiito cönaatajiimai Wanaadi mudei yö’tä caju ña, ämu’demjönö dö’se.

1 PEEDHODO 1:15

Ñäädä adha’dejjaneichomo’jödö aashicha yeijäcä änwanno mmaja aashicha eichäcä, tameedä aweichöcoomo jäcä.

1 PEEDHODO 1:5

Änwanno Wanaadi töneecanö’e aweichomjäcä töwö töjäädudu que adheedai’chätäiñe weneene, äwääwanaacato’como ejoodödö wetä äwwäiñe, yää yaatameedawä täneejoomöje naadö.

1 PEEDHODO 2:21

Mädääje töweiyaamoje Wanaadi adha’dejjatääne. Jesuuquidiito mmaja cönäntunamjöi chea äjääcäinchädäiñe, aneenedööcomooje töweiyemööje, töwö yei’jödö nönge mmaja aweichöcoomo wetä.

1 PEEDHODO 2:9

Änwanno mmaane soto eiya’como, Cajiichaana Wanaadi wwä töwa’deuwaamo mmaja, soto coneeca’como mmaja, Wanaadi sotoije mmaja. Yääje yeijäcä änwanno ecammajä’jai maato Wanaadi nödöödö aashichaato, ñäädä tööjano’tacanno adha’dejjaneichomo’jödö tönaawanaanö’cadö aashichaato aca.

1 PEEDHODO 3:9

Conemjönö que mmaja conemjönö maneemetaacamaatäi’che. Ätuushimaajätöödawäiñe wä’tushiimanä que mmaja moojo’tätäi’che. Aashichaato que mmaane emeetacaamatääcä’de. Yääje töweiyaamoje ta’dejja maato, Wanaadi nutuudu aashichaato äwwäiñe yeichö wetä.

1 PEEDHODO 5:10

A’dhe äwäntunamjö’jejeiñe Wanaadi ocoonecaato’de. Töwö ä’wa’taato’de, yäätäädä äjäädu’taato’dede. Wanaadi ñäädä aashichaato edhaajä. Töwö ca’dejjatääne aashichaato töwaatamemjönö enennamooje cöweichöcoomo wetä, Jesuuquidiito jadä.

2 PEEDHODO 1:10

Yääje yeijäcä jimmä, jooje’cä jeene ä’jädu’tätääcä, chäänönge odhoowanääcäiñe yeichö wetä Wanaadi na’dejjadööje aweichöcoomo, ñe’ta’jödööje aweichöcoomo mmaja. Yää tödööa’jäcä äwwäiñe shaadijaamö’da eijai maato yeichöje.

2 PEEDHODO 1:2

Aashichaato, täncanoode’da aweicho’como mmaja, äwwäiñe yeejamö’sa wa, Wanaadi odhoowanääcäiñe tödöödö que, Cädhaajotoncomo Jesuuquidiito odhoowanääcäiñe tödöödö que mmaja.

2 PEEDHODO 1:5

Yääje yeijäcä ä’jädu’tätääcä, aneecamjödööcomo jadä aashicha weiñä mejoodöjootäiye; yää aashicha weiñä jadä towaanojo’ne weiñä mmaja mejoodöjootäiyede;

2 PEEDHODO 1:6

towaanojo’ne weiñä jadä ’quene, wäädai’chänä; wäädai’chänä jadä ’quene, yäätäädä tö’tajä’nä; yääje weiñä jadä ’quene Wanaadi woije weiñä;

2 PEEDHODO 1:8

Tameedä mädoocomo äwwäiñe yeiya’jäcä, äjääcäiñe yeejanga’jäcä mmaja, töwäädämma’da aweichöcoomo na’de, aweicho’me’da’da mmaja na’dede mädä Jesuuquidiito odhoowanääcäiñe naadö.

2 PEEDHODO 2:20

Tönwanno edä nono de’wono conemjönö jonno cönä’sancwaicho Cajiichaana Jesuuquidiito towaanäcäiñe tödöödö que, ñäädä Cäwaanacaaneichomo. Yää ’jeje yää aca mmaja töwaatashiichuudäja’comjäcä, chäwwä töwooto’jodheinchaja’comjäcä mmaja, cone’da’cä jeene yeicho’como na yaawä, jenaadä yei’jocoomo o’nä’cä jeene.

2 PEEDHODO 3:18

Töwaatö’nä’eene aatö’nä’täcä Cädhaajotoncomo Jesuuquidiito nutuudu aashichaato que, ñäädä Cäwaanacaaneichomo, töwö odhoowanääcäiñe tödöödö que mmaja. Aashicha wa’deutojooje töwö na, eduuwa yeichö jonno yeichöödäje. Amén.