2 CODINTIYO 9:2 - Wanaadi A'deddu

² yoowanääcä yeijäcä änwanno deaane tödö’se aweichöcoomo. Mädääje dea aashicha adheecammajä’täiñe wäänene Maasedooniya ñancomo wwä. Edääje töwä’döe wäänene chäwwäiñe: “Ñanno Acaaya ñancomo awa’de wedu cönä’ja’dö awooto’jödöödä chäänönge naato mädä tödöödö jäcä;” quee töwä’döe wäänene äjääcäiñe. Yää tödö’se aweichöcoomo eta’jäcä canno Maasedooniya ñancomo mmaja tödö’se naato dea eduuwa.

2 CODINTIYO 9:2 ပူးပေါင်းရင်းမြစ်များ

DOSECHO 18:12

Yaawä Caadiyón Acaaya ñano acu’shänääje yeichö judhíocoomo cöne’jummaicho Paudo ajäichö wetä. Tönwanno cönaadoicho yaawä ñäädä acu’shänä döiña;

DOSECHO 24:17

“Numa jaatadö aneene’da weichö jonno aneiñajanno yennacaane yaawä täjemjönö imö’que jimmä döiñaiñe, Wanaadi wwä saaquidiijiisiyo döe mmaja.

DOMAANO 15:26

Ñanno Maasedooniya ñancomo, Acaaya ñancomo mmaja, töjöödataichomo cöni’jummaicho Jeduusadén ñancomo quedeiyente wäntunamjödööcomo i’wa’toto’comooje.

1 CODINTIYO 16:15

Jimmä, edääje wä’dö’se wa äwwäiñe: Odhoowanääcäiñe Eteujana wä’jimmä’tädö awa’deene quedeiyenteje yääwaacajo’jocoomo Acaaya ña. Tönwanno quedeiyentecoomo töni’wa’tä weneeneto, yeichöcoomoje.

2 CODINTIYO 1:1

Öwö Paudo, Wanaadi woije Jesuuquidiito nanontädö, cöjimmotoncomo Tiimoteeo acä ñaa nimenna äwwadäädäiñe, änwanno ñaa jimmä, Wanaadi ecaanö’nnamo Codinto ñancomo; tameedä Wanaadi sotoi Acaaya ña naatoodö wwadäädä mmaja ñaa nimenna dea.

2 CODINTIYO 7:14

Tiito wwä äjääcäiñe aashicha wa’deuwö’jödö jäcä ejöichä’da weiyaqueene. Äwwäiñe chäänönge töwa’deuwe ñaa weneene; mädääje mmaja chäänönge Tiito wwä äjääcäiñe ñaa wa’deuwö’jödö cöneeja’cai chea.

2 CODINTIYO 7:4

Jooje ta’cwaiñe wa äjääcäiñe, aashicha äjääcäiñe töwa’deuwe wäänene dea. Änwanno jäädu’tätä määnetääne; jooje töwäntunaanö’e ñaa weichaame ta’cwaiñe ñaa tö’tamme’jotä määnetääne.

2 CODINTIYO 8:10

Edääje öwö tö’tajäätödö na mädä jäcä; aashicha aweicho’comooje edääje wä’döa. Awa’de wedu cönä’ja’dawä änwanno tödö’se aweichöcoomo que maajäntätääne mädä tödöödö.

2 CODINTIYO 8:11

Yääje yeijäcä eduuwa acoichajoojai maato mädä tödöödö, awa’deene maajäntätäänedaawä tödö’se mä’ja’quennö wa’cä mmaja. Awaadäiñe töweiye aweichöcoomo woije u’jai maato.

2 CODINTIYO 8:19

Quedeiyentecoomo dea ñäädä cönaanontoicho ñaa jadä töwaademaamöje, ñaa ’wa’täneije mmaja edä tadaawaaju aashichaato ñaa nödööaadö jäcä. Yää ñaa nödööa Cajiichaana Jesuuquidiito aashicha yeichö ecaademeecödö wetä, mädä tödö’se aweichöcoomo ecaademeecödö wetä mmaja.

2 CODINTIYO 8:24

Yääje yeijäcä chäwwäiñe eneejotääcä’de tumjummaiñe aweichöcoomo, tameedä quedeiyentecoomo dhowaanäcäiñe yeichö wetä yaawä; chäänönge äänejootäcä, äjääcäiñe töwa’deuwe ñaa weneenedööje dea.

2 CODINTIYO 8:8

Adhaanontädööcomooje’da yääje wä’döa. Chaanönge anejja quedeiyentecoomo weichö wecammajä’a äwwäiñe, wä’jummanä chäänöngato äwwäiñe töweiye yeichö eneedö wetä.

1 TEESADOONISENSE 1:7

Mädääje tameedäädä quedeiyentecoomo nene’madööcomooje mä’dötääne, ñanno Maasedooniya ñancomo, Acaaya ñancomo mmaja.

EEWEDEO 10:24

Cöwe’wa’tädööcomo quencano’tätäiye, cöwwäädäiñe cöwä’jummajoodöcoomo mmaja, cöwwäädäiñe aashichaato tödööjodö mmaja.