2 CODINTIYO 9:11 - Wanaadi A'deddu

¹¹ Yaawä tameedä aashichaato äwwäiñe na’de, ewontancädä’da äwwäiñe utuudu wetä anejjacoomo wwä. Yaawä ñaa wwä ani’jumma’jocoomo adääja’jäcä äwwäiñe, ñanno quedeiyentecoomo aashicha na’deuwaato’de Wanaadi wwä.

2 CODINTIYO 9:11 ပူးပေါင်းရင်းမြစ်များ

MATEO 20:15

¿Umjummadö woije u’jai’cha ja ca’ wanä jöödatai? ¿Awaacö’je’da nai aashicha weichö?” quee cönä’döaacä ñäädä audaajä edhaajä.

MATEO 25:17

Mädääje dea ñäädä aacä miide jödaata eiñei’jödö; aacä miide jödaata mmaja cöncana’cai chea.

DOMAANO 12:8

ñäädä quedeiyente yäätuujaneichomo ’quene, yää jäcä daja oowoinchajai ña dea. Ñäädä täjemjönö u’jä’nei, ewontancädä’da u’jä’jai ña. Ñäädä quedeiyente e’se’täneichomo, towaadäädä töweiyancädä e’se’täjai ñaato. Ñäädä wentumja’como i’wa’täneichomo, ta’cwaiñe töweiyancädä yää tödööjai ña.

1 CODINTIYO 1:5

Quidiito jadä aweichomjäcä tameedä Wanaadi nutuudu aashichaato äwwäiñe na, awa’deuto’como, tösejjeque aweicho’como mmaja.

2 CODINTIYO 1:11

Änwanno mmaja ñaa ’wa’täjai maato dea Wanaadi wwä awa’deuwödööcomo que. Jooje soto Wanaadi wwä ñaa jäcä ya’deuwa’comjäcä, jooje naato’de yaawä aashicha Wanaadi jäcä töwa’deuwaamo, ñaa jäcä aashichaato iiñö’jödö jäcäinchädä.

2 CODINTIYO 4:15

Tameedä mädä äjääcäinchädäiñe na; yaawä Wanaadi nutuudu aashichaato jooje yeejanga’jäcä jooje mmaja naato’de Wanaadi wwä aashicha töwa’deuwaamo; aashicha wa’deutojooje Wanaadi na’de yaawä.

2 CODINTIYO 8:16

Wanaadi cuntui Tiito wwä ajummato’como, öwö mämjummaatoodö wa’cä dea. Yääje yeijäcä Wanaadi jäcä ta’cwaiñe wäänene.

2 CODINTIYO 8:19

Quedeiyentecoomo dea ñäädä cönaanontoicho ñaa jadä töwaademaamöje, ñaa ’wa’täneije mmaja edä tadaawaaju aashichaato ñaa nödööaadö jäcä. Yää ñaa nödööa Cajiichaana Jesuuquidiito aashicha yeichö ecaademeecödö wetä, mädä tödö’se aweichöcoomo ecaademeecödö wetä mmaja.

2 CODINTIYO 9:12

Mädä aashichaato cöödöaatoodö quedeiyentecoomo wäntunamjödööcomo i’wa’tädö mmajöönö mädä; yää jäcäinchädä aashicha Wanaadi wwä soto wa’deuto’como queejodööjaato dea.