2 CODINTIYO 8:9 - Wanaadi A'deddu

⁹ Odhoowanääcäiñe aashicha Cädhaajotoncomo Jesuuquidiito nödö’jödö. Tameedä töwwä yei’jödö weichaame töwö äjääcäinchädäiñe a’cato nönge cönä’döjoi, tameedä äwwäiñe töweiye yeichö wetä yaawä töwö a’cato nönge yä’döjo’jödö que.

2 CODINTIYO 8:9 ပူးပေါင်းရင်းမြစ်များ

MATEO 17:27

Yääje yeichaame, cone’da yeichöcoomo queiñe, chu’jä aca o’täta. Ñäädä awa’deeto ono’tädö inchajoocä’de, jödaata adai’joto medantäiye inchaca. Yää jödaata u’ta’de yaawä ädö’sennotooje, öwö dö’sennotooje mmaja, Wanaadi weichojo choonecaatojooje; quee cönä’döaacä Jesuuquidiito Ceedhodo wwä.

MATEO 20:28

Soto nnedöödä cöneejäne’, soto anontäneichomooje’da, chäwwäiñe tödööneije mmaane, töwä’tudu wetä mmaja jooje soto wääwanaacato’comooje; quee cönä’döaacä Jesuuquidiito.

MATEO 8:20

Jesuuquidiito cönä’döaacä chäwwä: —Que’cweedu täwö’que töweiye naicho, tadiiñaamo mmaja taiñanque töweiye naicho dea. Soto nnedö mmaane iiñö’tojo ’je’da na; quee cönä’döaacä Jesuuquidiito.

MAADOCO 6:3

¿Ñäädäjöönö ca määdhä jatuuwa döjä’nei? ¿Yeenö jönca Madía, dhacontoncomo Jacoowo, José mmaja, Juudha mmaja, Simón mmaja? ¿Tameedä jönca cöjaadäiñe naicho ijaadui’chomo? quee cönä’döa’to soto. Tönwanno cone’da cönä’ja’to chääjäcä.

DUUCA 16:11

Edä nono de’wono mösooma chäänönge ännö’da aweiya’comjäcä, ¿aaquene mmaja aashichaato jaiñoone äwwäiñe ä’tuduude’ ?

DUUCA 2:7

Cönnennui yaawä iiñedö awa’deenato, dhanwa’cä. Madía cönaiñantäi yaawä camiisha que. Cunummichai yaawä jaaca uduucomo ewöötö aca, yeicho’como ’je’da yeijäcä soto wä’döto’como taca.

DUUCA 8:3

Juana mmaja cönä’ja’dea, Chuusa jiñamo, ñäädä Edoodhe jödaatai edhaajä; Susaana mmaja cönä’ja’dea; jooje anejjacoomo wodiiñamo mmaja, töwwäiñe töweiyato que Jesuuquidiito i’wa’tännamo.

DUUCA 9:58

Jesuuquidiito cönä’döaacä chäwwä: —Que’cweedu täwö’que töweiye nai; tadiiñaamo mmaja taiñanque töweiye naicho dea. Soto nnedö mmaane iiñö’tojo ’je’da na; quee cönä’döaacä Jesuuquidiito.

JUAN 1:10

Ñäädä A’deu cönä’jaacä edä nono de’wä. Töwö dhai tameedä yeichö wa’cä tödö’jödö weichaame Wanaadi wwä, edä nono de’woncomo aneene’jutu’da cöneiya’to.

JUAN 1:14

Ñäädä A’deu sotooje cönä’döi. Töwö cöneejata’täi ñaa antawä. Aashichaato cönä’jaacä töwö, chäänöngato mmaja. Ñaa cöneeneaacä aashicha yeichö, yää yäätonno ’jemjönö Yuumö nnedö wwä töweiye naichö.

JUAN 1:17

Moisé ai Wanaadi cuntui cöwwäiñe jenaado’jä waanontänä; Jesuuquidiito ai mmaane aashichaato cönä’tui cöwwäiñe, chäänöngato a’deu mmaja.

JUAN 12:30

Yaawä Jesuuquidiito cönä’döaacä chäwwäiñe: —Öwö jääcäinchädä’da mädä a’deu näätaanä, änwanno äjääcäinchädäiñeene.

JUAN 16:15

Tameedä Jaaja wwono öwwonooje mmaja na dea; yääje yeijäcä yääje wä’döaanä: Öwwono wu’a’de Epíiditu Santo wwä, yää äwwäiñe töwö neneeja’de; quee wä’döannö.

JUAN 17:19

Tönwanno chääjäcäinchädäiñe chäänönge wa, tönwanno mmaja chäänönge eiyetoode a’deu chäänöngato que.

DOMAANO 11:12

Yää chäänönge’da iisadaaediita wei’jocoomo aashichaatoje cönä’dhe’maichö naane’ tameedä soto jäcäiñe; yeejucca’jocoomo aashichaatoje cönä’dhe’mai chea judhíojöncomo jäcäiñe. Töwaacö’je mma yeeconeeca’comjäcä.

DOMAANO 15:3

Quidiitode töweichö mma anencano’tä’da cöneiyacä. Wanaadi a’deddu imennaajä wä’dödö naadöje töwö cönä’jaacä, yää edääje yä’dödö naichö: “Ñanno äjääcä cone’da töwa’deuwe weneenetoodö öwö jääcä mmaja cone’da na’deuwaato dea;” queeto imennaajä nönge Quidiito cönä’jaacä.

DOMAANO 5:8

Quidiito mmaane cöjääcäinchädäiñe cönäämai conemjönö dönnamooje cöwei’jocoomo weichaame. Mädääje Wanaadi cöneenejoi töwwä tujunne cöweichöcoomo.

DOMAANO 8:32

Wanaadi cöwwäiñe Tönnedö jadä’jödöödä aneewontä’da cöneiyacä; tu’eene cuntui cöjääcäinchädäiñe töwäämaamöje. ¿Aaquene mmaja tameedä anejja cöwwäiñe äntu’da eijai ñai Tönnedöödä cuntuiñe’ ?

1 CODINTIYO 1:4

Weiñäje aashicha töwa’deuwe wäänene Wanaadi wwä äjääcäinchädäiñe Wanaadi nutuudu aashichaato äwwäiñe naadö weijäcä, yää Jesuuquidiito jäcäinchädä äwwäiñe cuntuichö.

1 CODINTIYO 15:47

Awa’deenato dhanwa cönä’jaacä edä nono de’wonooje, nono döaajä. Yää ’jejaato dhanwa mmaane caju ñanooje na, ñäädä Cajiichaana Jesuuquidiito.

2 CODINTIYO 13:14

Cajiichaana Jesuuquidiito nutuudu aashichaato äwwäiñe yei’she wa, wä’jummanä Wanaadi nutuudu mmaja, Epíiditu Santo ni’wa’tädö mmaja. Amén.

2 CODINTIYO 6:10

wentumje ñaa weichaame mmaja, ta’cwaiñe dea ñaa weneene; tönsomaaque’da ñaa weichaame jooje anejjacoomo ñaa ninshoma’taato. A’ca’como nönge ñaa weichaame tameedä ñää wwä na.

EUJEESIYO 2:7

Yää cöjääcäiñe töwö cönnöi yeichöödäje eneejodö wetä cujummatäiñe töweichö, Jesuuquidiito jäcäinchädä cöjääcäiñe ta’cwaiñe töweichö mmaja.

EUJEESIYO 3:19

Yääje yeijäcä odhoowanääcäiñe yei’she wa Quidiito cujummatäiñe yeichö, tameedä jeene cowaanäcäiñe tödööjai’cha cöweichaameiñe. Mädääje na; tameedä Wanaadi weichö ’je awei’sheiñe wa.

EUJEESIYO 3:8

Tameedä Wanaadi sotoi o’näiñe wa; yääje yeichaame Wanaadi mädä taadawaajui cuntui öwwä, judhíojöncomo wwäiñe ecammajäätödö wetä öwwä Quidiito nödöödö aashichaato, yäätonno ’jemjönö.

CODOOSENSE 1:24

Mädä äjääcäinchädäiñe wäntunamjödö cone’da yöödö’da na. Eduuwa öwö daja woneeja dea Quidiito wäntunamjö’jödö, chääjö jäcäinchädä, ñanno quedeiyentecoomo.

1 TIIMOTEO 6:18

Ñanno tönsomaaca’como yäätuujacooto, aashichaato tödöiyeto; aashichaato tödöödö queene ninshomaata’ña’to. Tamääne’da nei’ña’tode, u’coijeene.

EEWEDEO 1:2

Eduuwa, anooto ataamejai yä’döa’jäcä, töwö cöna’deuwöi Tönnedö ai chaja. Tönnedö ai Wanaadi cönnöi tameedä yeichö wa’cä; chäwwä cöneecammai chea tameedä iiñödööje yeichojo.

SANTIYAACO 2:5

Etaatäcä, jimmä umjummadö. Ñanno edä nono de’wono que tönsomaaquemjöncomo Wanaadi cöneicho jooje ecamjödö chäwwäiñe töweiyaamoje. Ñanno Wanaadi sotoije naato’de, tujummannamo weicho’como ñeecamma’jödö nönge dea.

APOOCADIISI 2:9

Yoowanääcä na tameedä ännödö, yeetunu eneedö äwwä, tönsomaaque’da aweichö mmaja, Wanaadi nödöödö jäcä tönsomaaque aweichaame jooje. Yoowanääcä na adheementädö ñanno judhíoja’como wätä’tädö wwäiñe, judhíoje’da töweichaameiñe, Caajuushawa sotoiñe.

APOOCADIISI 21:7

Ñäädä e’jodheinchanei’jödö wwä nä’tua’de tameedä mädä aashichaato. Öwö wa’de Yaanadiiyöje; töwö na’de önnedööje.

APOOCADIISI 3:18

Yääje yeijäcä edääje mänwätuuja: Öwwä ane’ca’cä oodo, wa’to que choonecaajä, äwwä töweiye yeichö wetä. Owoomö tajääde’dato mmaja ane’ca’cäde, aweewontotoojo, töwonque’da aweichö mma täne ei’ño, töjöiye mma mei’ño yaawä. Adheejichö mmaja ane’ca’cäde öwwä, adheenudu ejiichö’totoojo, töneene mä’döiye.