2 CODINTIYO 8:8 - Wanaadi A'deddu

⁸ Adhaanontädööcomooje’da yääje wä’döa. Chaanönge anejja quedeiyentecoomo weichö wecammajä’a äwwäiñe, wä’jummanä chäänöngato äwwäiñe töweiye yeichö eneedö wetä.

2 CODINTIYO 8:8 ပူးပေါင်းရင်းမြစ်များ

DOMAANO 12:9

Wätäncu’tänä que’da ä’jummatääcä. Conemjönö chiiñu’tätääcä; aashichaatoone ijummatääcä.

1 CODINTIYO 7:12

Anejjacoomo wwä öwö tö’tajäätödö wecamma, Cajiichaana waanontädööjönö yeichaame; äwäätuujadööcomooje mma yääje wä’döa. Aneecamjö’da quedeiyente jiñamo yeiya’jäcä, töjiiñamo wwä tujunne töweichaame ñäädä quedeiyente töjiiñamo e’nomjajai’cha na.

1 CODINTIYO 7:25

Ñanno tö’dhemjöncomo jäcä, töiñoquemjöncomo jäcä mmaja Cajiichaana waanontädö ’je’da öwwä na. Yääje yeichaame öwö tö’tajäätödö wecamma, tätamje önwätuujadö yeijäcä, Cajiichaana ni’wa’tädööne weiyajä.

1 CODINTIYO 7:6

Äwäätuujadööcomooje mma yääje wä’döa äwwäiñe, adhaanontädööcomoojönö yeichaame.

2 CODINTIYO 6:6

Chäänönge töweichö que Wanaadi anoonöje ñaa weichö töwäänejo ñaa weneene dea, chäänöngato jäcä towaanojo’ne töweichö que mmaja, aashicha tönshinchä töweichö que mmaja, ta’cwaiñe töweichö que mmaja, Epíiditu Santo ’je töweichö que mmaja, chäänöngato wä’jummanä ’je töweichö que mmaja.

2 CODINTIYO 8:10

Edääje öwö tö’tajäätödö na mädä jäcä; aashicha aweicho’comooje edääje wä’döa. Awa’de wedu cönä’ja’dawä änwanno tödö’se aweichöcoomo que maajäntätääne mädä tödöödö.

2 CODINTIYO 8:24

Yääje yeijäcä chäwwäiñe eneejotääcä’de tumjummaiñe aweichöcoomo, tameedä quedeiyentecoomo dhowaanäcäiñe yeichö wetä yaawä; chäänönge äänejootäcä, äjääcäiñe töwa’deuwe ñaa weneenedööje dea.

2 CODINTIYO 9:2

yoowanääcä yeijäcä änwanno deaane tödö’se aweichöcoomo. Mädääje dea aashicha adheecammajä’täiñe wäänene Maasedooniya ñancomo wwä. Edääje töwä’döe wäänene chäwwäiñe: “Ñanno Acaaya ñancomo awa’de wedu cönä’ja’dö awooto’jödöödä chäänönge naato mädä tödöödö jäcä;” quee töwä’döe wäänene äjääcäiñe. Yää tödö’se aweichöcoomo eta’jäcä canno Maasedooniya ñancomo mmaja tödö’se naato dea eduuwa.

2 CODINTIYO 9:7

Awaadäiñe u’jai maato äntö’tammecöödöcoomo woije, utu’se’da töweichö que’daane, anontaajäje’da mmaja. Wanaadi wacö’je ñäädä ta’cwaiñe töweiyancädä u’nei.

EUJEESIYO 4:15

Edääjeene eijai caato, chäänönge a’deujai caato cöwä’jummancädäiñe, Quidiito jadä cöwaatö’näjöödöcoomo wetä tameedä cöweichöcoomo jäcä. Töwö Quidiito cuju’jocoomoje na.

EUJEESIYO 6:24

Wanaadi nutuudu aashichaato yei’she wa dea tameedä wä’jummanä töwaatamemjönö que Cädhaajotoncomo Jesuuquidiito jummannamo wwä. Amén.

EEWEDEO 10:24

Cöwe’wa’tädööcomo quencano’tätäiye, cöwwäädäiñe cöwä’jummajoodöcoomo mmaja, cöwwäädäiñe aashichaato tödööjodö mmaja.

1 PEEDHODO 1:22

Änwanno chäänöngato wätunnä mecaanö’täne Epíiditu Santo ni’wa’tädö que. Mädääje adheewanööcomo michoccajootäne, wätäncu’tänä que’da quedeiyentecoomo ijummadööcomo wetä äwwäiñe. Yääje yeijäcä joojeene ä’jummatääcä, adheewanööcomo jadäädääne.