2 CODINTIYO 8:7 - Wanaadi A'deddu

⁷ Änwanno anejja jäcä a’que’da’da maato: ecamjödö jäcä, ecammajäätödö jäcä mmaja, sejje jäcä mmaja, chäänönge tödööjätö’se weiñä jäcä mmaja, ñaa jummadö jäcä mmaja. Yääje yeijäcä yää aashichaato tödöödö wecammaadö jäcä mmaja a’que’da’da eijai maato dea.

2 CODINTIYO 8:7 ပူးပေါင်းရင်းမြစ်များ

MATEO 25:22

Yää ’jeje ñäädä aacä miide jödaata eiñei’jödö cöneejä dea yaawä; cönä’döaacä: “Cajiichaana öwwä mu’ne aacä miide jödaata. Edä na yää öncana’ca’jödö, aacä miide jödaata mmaja;” quee cönä’döaacä.

DOMAANO 15:14

Jimmä, öwö yoowanääcä na aashichaato tönnöe aweichöcoomo, töseedujä’ne aweichöcoomo mmaja, änwannoje dea ä’wätuujajai aweichöcoomo mmaja.

1 CODINTIYO 1:5

Quidiito jadä aweichomjäcä tameedä Wanaadi nutuudu aashichaato äwwäiñe na, awa’deuto’como, tösejjeque aweicho’como mmaja.

1 CODINTIYO 12:13

Tameedä cönwanno ñäädä tooniyaano Epíiditu Santo woije wautisaaje cöwä’dö’jocoomo que tooni chääjöje cä’dötääne, judhío, quidiiyeeco mmaja, tädhaajäcaato, töwö dajaato mmaja; tameedä cöwwäiñe cönä’tui ñäädä dea Epíiditu Santo.

1 CODINTIYO 12:8

Anejja wwä Epíiditu Santo ai Wanaadi nu’a tösejjeque ya’deutojo; anejja wwä ’quene Wanaadi nu’a towaanojo’ne ya’deutojo, ñäädä dea Epíiditu Santo ai.

1 CODINTIYO 13:2

Wanaadi nutuudu woije ecammajä’neije weiya’jäcä mmaja, jooje towaanojo’ne weiya’jäcä mmaja, ecamjödö öwwä töweiye yeiya’jäcä jöö eseecatoojo jadä’jödöödä, yaawääne’ wä’jummanä ’je’da weiya’jäcä a’que wa.

1 CODINTIYO 13:8

Wä’jummanä ataame’da na’de. Wanaadi nutuudu woije ecammajäätödö mmaane nataamea’de, anejja a’deucwe wa’deunä mmaja; towaanojo’ne weiñä mmaja nataamea’dede.

1 CODINTIYO 14:12

Yääje yeijäcä jimmä, Epíiditu Santo nu’jätöödö tujunne yeiya’jäcä äwwäiñe yääne encano’tätääcä, quedeiyentecoomo i’wa’toto’comoone.

1 CODINTIYO 4:7

¿Änääcö anejja e’jodhe ayöödöaanä? ¿Ane’cäämö äwwä nai Wanaadi nutuudujöönö? ¿Ane’que’nei Wanaadi nutuuduje yeichaame o’jodhe ätö’tajä’anä owoije aneejodöödö yeichawooto wa’cä?

2 CODINTIYO 7:7

Tiito wä’dö’jödö jäcä mma’da ta’cwaiñe ñaa cönä’jaacä, äjääcäiñe ta’cwaiñe töwö yeijäcä mmajaane. Töwö ñaa wwä cöneecammajäätöi ñaa ene’se aweichöcoomo, wentumje aweichöcoomo mmaja, jummatä aweichöcoomo mmaja. Yää etaadö’jo jooje’cä ya’cwainchane yaawä.

2 CODINTIYO 8:6

Yääje yeijäcä ñaa cöna’deuwöi Tiito wwä töwwä acoichajoodö wetä ajaadäiñe töweichö aashichaato tönaajäntä’jödö, yää jödaata i’jummadö.

2 CODINTIYO 9:14

Tönwanno ajummaato’de yaawä, äjääcäiñe Wanaadi wwä na’deuwaato’dede Wanaadi nutuudu aashichaato jaiñoone äwwäiñe yeijäcä.

2 CODINTIYO 9:8

Wanaadi tameedä aashichaato u’jai ña äwwäiñe, ewontancädä’da; yaawä chääwa’cä äwwäiñe na’de äwwäiñe tujunnato; chääwa’cä mmaja na’dede aashichaato tödööemööje.

EUJEESIYO 4:29

A’deu conemjönö mma äntaiñe mämja’canö’jotäi, aashichaato dea mmaane, ’wa’tänei chea mmaja, wa’deutojo cu’nädö awä mma, tameedä etannamo aashicha etaiyeto.

JIDIIPENSE 1:11

Mädääje Jesuuquidiito ni’wa’tädö que aashichaato tödöödö ’je eijai maato. Yaawä tacaade eijai ña aashicha Wanaadi weichö; aashicha soto a’deujai ñaato yaawä chääjäcä.

JIDIIPENSE 1:9

Wanaadi wwä töne’ca’e wäänene jooje’cä äwä’jummadööcomo wejantojo, töseedujä’ne aweicho’como jadä, tösejjeque aweicho’como jadä mmaja,

2 TEESADOONISENSE 1:3

Änwanno jimmä, yeichöje Wanaadi wwä aashicha a’deujai ñaa na äjääcäinchädäiñe, jooje aneecamjödööcomo wejaamödö weijäcä, äwwäädäiñe äwä’jummadööcomo wejaamödö weijäcä mmaja.

2 TIIMOTEO 2:1

Amäädä önnedö, ä’jädu’täcä yää aashichaato Jesuuquidiito jadä cöweichomjäcä cöwwäiñe naadö que.

EEWEDEO 12:28

Cöwwäiñe Wanaadi nutuudu na cöjaatadööcomo ätu’mejöönö. Yääje yeijäcä ta’cwaiñe queichäiye Wanaadi jäcä; quiiya’deme’täiye töwö yaacötö tödööancädä, ñontancädä mmaja.

1 PEEDHODO 1:22

Änwanno chäänöngato wätunnä mecaanö’täne Epíiditu Santo ni’wa’tädö que. Mädääje adheewanööcomo michoccajootäne, wätäncu’tänä que’da quedeiyentecoomo ijummadööcomo wetä äwwäiñe. Yääje yeijäcä joojeene ä’jummatääcä, adheewanööcomo jadäädääne.

2 PEEDHODO 3:18

Töwaatö’nä’eene aatö’nä’täcä Cädhaajotoncomo Jesuuquidiito nutuudu aashichaato que, ñäädä Cäwaanacaaneichomo, töwö odhoowanääcäiñe tödöödö que mmaja. Aashicha wa’deutojooje töwö na, eduuwa yeichö jonno yeichöödäje. Amén.

APOOCADIISI 3:17

Edääje äwä’dödö amäädä: “Tönsomaaque wa öwö; jooje öncana’cadö na. Tujummaamö ’je’da na eduuwa öwwä;” quee äwä’dödö. Yaawääne’ äntö’tammecö’da ma wentumje aweichö, ema’jödööje aweichö mmaja, tönsomaaque’da aweichö mmaja, tänuuque’da aweichö mmaja, töwonque’da aweichö mmaja.