2 CODINTIYO 8:21 - Wanaadi A'deddu

²¹ Chäänönge töweichö ñaa nencano’ta, Cajiichaana Jesuuquidiito owaadäädä mma’da, soto owaadäädäiñe mmajaane.

2 CODINTIYO 8:21 ပူးပေါင်းရင်းမြစ်များ

MATEO 23:5

Tameedä tönnöe weneeneto soto wwäiñe töwäänejooto’comooje mma. Tönwanno yaacö’comje Wanaadi a’deddu imennaajä adäädö töjeecaichöcoomo de’cäcä immödööcomo, tajäädöcoomo jäcä mmaja. Yaacö’comje dea anejjacoomo soto womööcomo a’sadö e’jodhe’cä töwoomöcoomo a’sadö tödöödö.

MATEO 5:16

Mädääje mmaja soto yeijojai maato änwanno, aashichaato tödöödö äwwäiñe eneiyeto, aashicha a’deuwöiyeto yaawä Oomotoncomo caju ñano jäcä.

MATEO 6:1

“Äädai’chätääcä; soto wwäiñe adheenedööcomo wetä mma männötäi’che aashichaato. Yääje tödööa’jäcä äwwäiñe adheejemaatäiñe’da na’de Oomotoncomo caju ñano.

MATEO 6:4

Tacaade’da mmaane äntudu eijai ña. Yaawä Oomo caju ñano, ñäädä äänejöönö eneenei, adheejema’de.

DOMAANO 12:17

Conemjönö que mmaja conemjönö maneemetaacamaatäi’che. Aashichaato tödöödö encano’tätääcä tameedä soto neneedöcoomoje.

DOMAANO 14:18

Ñäädä mädä tödööancädä Quidiito wwä tödöönei, Wanaadi na’cwaima, soto wacö’jeiñe mmaja.

2 CODINTIYO 2:17

Töwäätätöijatoojoje Wanaadi a’deddu ännö’da ñaa na; oncone’ma’da mmaja, anejjacoomo tönnöe weneenetoodöje’da. Chäänönge töweichö queene Wanaadi a’deddu töneecammajä’e ñaa weneene, Wanaadi nanontä’jödö woije, Wanaadi owaadäädä mmaja, Quidiito jadoonoje ñaa weijäcä.

2 CODINTIYO 8:20

Anejja wwä töwäämentäjo’se’da ñaa na mädä jödaata täjemjönö i’jummaajä jäcä, ñaa ni’jummajaadö.

2 CODINTIYO 8:22

Anejja quedeiyente mmaja ñaa nanonta dea canno Tiito jadäiñe. Chäänönge yeichö ñaa cöneedantäi tameedä iweichö jäcä. Jooje adöiñaiñe töötä’se na, jooje adhencano’tätäiñe töweijäcä.

JIDIIPENSE 4:8

Jimmä, edääje wä’cadööje wä’dö’se wa äwwäiñe: Tameedä sa’donnato jäcä ätö’tajä’täcä, tameedä tujummamjato jäcä mmaja, tameedä chäänöngato jäcä mmaja, tameedä nossajemjönö jäcä mmaja, tameedä aashichaato jäcä mmaja, tameedä töwa’deme’quemjato jäcä mmaja. Aashichaato töweiye yeiya’jäcä, aashicha wa’de’to’mato töweiye yeiya’jäcä mmaja, yää jäcääne ätö’tajä’täcä.

1 TEESADOONISENSE 5:22

Ä’sancwatääcä tameedä conemjönö jonno.

1 TIIMOTEO 3:7

Ñäädä ansiyaano aashicha täcaadö etaajojai ña quedeiyentejöncomo wwäiñe, töjääcä cone’da ya’deuwödööcomo queiñe, odo’sha wwä ätäncu’tojo’no yaawä.

1 TIIMOTEO 5:14

Yääje yeijäcä ñanno mude’cäjeicha’como iiño wääma’jödö töwäätöiñonoone ätöiñonoojai ñaato, ennecaiyeto, tä’sadööcomo edai’chäiyeto; cutu’dedööcomo cöjääcäiñe cone’da ya’deutojo ’je’da yeichö wetä.

1 PEEDHODO 2:12

Aashicha eichäcä Wanaadi dhowaanojöncomo jadäiñe. Eduuwa conemjöncomooje adhe’tätaameiñe, yaawä aashichaato ännödööcomo eneedö’jo Wanaadi jäcä aashicha na’deuwaato’de, chäwwä töwäätäcamma’jojoodawäiñe.