2 CODINTIYO 8:17 - Wanaadi A'deddu

¹⁷ Töwö Tiito cöneetai töwwä wa’deuwö’jödö; yääje yeijäcä töwoije adheeneiñe nöta, töwö mmädääne töötä’se töweijäcä.

2 CODINTIYO 8:17 ပူးပေါင်းရင်းမြစ်များ

2 CODINTIYO 12:18

Tiito wanontäne adöiñaiñe; chääjadä anejjacoomo quedeiyente wanontäneeto dea. ¿Tiito ca adhencu’tätääne? Ng’jn. Äänönge ñaa tö’tajäätödö cönä’jaacä, äänönge mmaja ñaa wei’jödö.

2 CODINTIYO 8:10

Edääje öwö tö’tajäätödö na mädä jäcä; aashicha aweicho’comooje edääje wä’döa. Awa’de wedu cönä’ja’dawä änwanno tödö’se aweichöcoomo que maajäntätääne mädä tödöödö.

2 CODINTIYO 8:6

Yääje yeijäcä ñaa cöna’deuwöi Tiito wwä töwwä acoichajoodö wetä ajaadäiñe töweichö aashichaato tönaajäntä’jödö, yää jödaata i’jummadö.

2 CODINTIYO 8:8

Adhaanontädööcomooje’da yääje wä’döa. Chaanönge anejja quedeiyentecoomo weichö wecammajä’a äwwäiñe, wä’jummanä chäänöngato äwwäiñe töweiye yeichö eneedö wetä.

EEWEDEO 13:22

Änwanno jimmä, aashichaane etaatäcä edä äwäätuujadööcomo öwwä; tawe’daasa mma wimennäi äwwadäädäiñe.