2 CODINTIYO 8:10 - Wanaadi A'deddu

¹⁰ Edääje öwö tö’tajäätödö na mädä jäcä; aashicha aweicho’comooje edääje wä’döa. Awa’de wedu cönä’ja’dawä änwanno tödö’se aweichöcoomo que maajäntätääne mädä tödöödö.

2 CODINTIYO 8:10 ပူးပေါင်းရင်းမြစ်များ

MATEO 10:42

Ñäädä tooni sunuuji’chä mmädä mäccö mmädä wocöödö u’nei’jödö töweiye na’de chääje’jödö, öwö sootoije yeichö jäcäinchädä u’a’jäcä; quee cönä’döaacä Jesuuquidiito tönoowanoomadö wwäiñe.

JUAN 11:50

¿Aaquene äntö’tammecö’da maato dea tooni dhanwa mma äämajai yeichö tameedä judhíocoomo wä’jajoodöcoomo queiñe? quee cönä’döaacä Caijaasa.

JUAN 16:7

Chäänöngato mädä wecammaadö, aashicha äwwäiñe eijai ña öötädö. Tä’da weiya’jäcä Ä’wa’täneichomo eejö’da eijai ña yaawä. Dha’da ööta’jäcä öwö wanonta’de äwwadäädäiñe.

JUAN 18:14

Ñäädä dea cönä’jaacä judhío iwäätuujaneichomo, edääje cönä’döa’nei: “Tooni dhanwa mma äämajai ña tameedä soto jäcäinchädäiñe;” queeto wä’dö’jödö dea.

1 CODINTIYO 10:23

Chäänönge yääje soto töwä’döe weneeneto: “Tameedä tödööemje na;” quee. Yääje yeichaame tameedä’da aashicha dötä na. Tameedä tödööjai cöweichaameiñe tameedä’daane ’wa’tätä na.

1 CODINTIYO 16:2

Semaana waajäntädö waadäi awaadäiñe töudäje shoomajai maato, töwwä töweiye yeichö woije. Änwanno yää i’jummajai maato, öwö ani’jummajo’da weichö wetä yaawä adöiñaiñe ööta’jäcä.

1 CODINTIYO 6:12

Chäänönge yääje soto töwä’döe weneeneto: “Tameedä tödööemje na;” quee. Yääje yeichaame tameedä’daane aashicha dötä na. Tameedä tödööjai cöweichaameiñe ane’cä’cä co’jodheiñe tödööjai’chaane caato.

1 CODINTIYO 7:25

Ñanno tö’dhemjöncomo jäcä, töiñoquemjöncomo jäcä mmaja Cajiichaana waanontädö ’je’da öwwä na. Yääje yeichaame öwö tö’tajäätödö wecamma, tätamje önwätuujadö yeijäcä, Cajiichaana ni’wa’tädööne weiyajä.

1 CODINTIYO 7:40

Aashicha’cä jeene eijai ña yäätonno mmaja ätöiñono’da yeiya’jäcä. Mädääje öwö öntö’tammecöödö na; Epíiditu Santo mädääje tö’tamme’joneije nichö’ta.

2 CODINTIYO 12:1

Dötä’da yeichaame mädääje wä’wa’deme’ca. Eduuwa äwwäiñe wecammajäätö’ñojo Cajiichaana Jesuuquidiito niyääne’cajo’jödö jäcä, öwwä ñeenejo’jödö jäcä mmaja.

2 CODINTIYO 8:6

Yääje yeijäcä ñaa cöna’deuwöi Tiito wwä töwwä acoichajoodö wetä ajaadäiñe töweichö aashichaato tönaajäntä’jödö, yää jödaata i’jummadö.

2 CODINTIYO 8:8

Adhaanontädööcomooje’da yääje wä’döa. Chaanönge anejja quedeiyentecoomo weichö wecammajä’a äwwäiñe, wä’jummanä chäänöngato äwwäiñe töweiye yeichö eneedö wetä.

2 CODINTIYO 9:2

yoowanääcä yeijäcä änwanno deaane tödö’se aweichöcoomo. Mädääje dea aashicha adheecammajä’täiñe wäänene Maasedooniya ñancomo wwä. Edääje töwä’döe wäänene chäwwäiñe: “Ñanno Acaaya ñancomo awa’de wedu cönä’ja’dö awooto’jödöödä chäänönge naato mädä tödöödö jäcä;” quee töwä’döe wäänene äjääcäiñe. Yää tödö’se aweichöcoomo eta’jäcä canno Maasedooniya ñancomo mmaja tödö’se naato dea eduuwa.

JIDIIPENSE 4:17

Jödaata äntuiyeto eduuwa öwwä, quee öucwadööje’da yääje wä’döa, ännö’jocoomo eje’jödö ’je yei’she weijäcääne.

EEWEDEO 13:16

Aashichaato tödöödöje dea eichäcä; äwwäiñe naadö que anejjacoomo i’wa’tätääcä. Mädääjato saaquidiijiisiyo Wanaadi wacö’je na.