2 CODINTIYO 7:8 - Wanaadi A'deddu

⁸ Yää jajeeda wimennäneedö que wentumje ayöödöjo’jocoomo weichaame öwwä, cone’da yöödö’da na eduuwa. Yaawä cone’da wä’jaaquennö’je wentumje ömmennä’jödö ayöödöjo’jocoomo weijäcä; eduuwa yoowanääcä na a’dhe mma cone’da äwä’döjo’jocoomo yeichö.

2 CODINTIYO 7:8 ပူးပေါင်းရင်းမြစ်များ

JUAN 16:6

Wentumje mma mä’döjaato mädääje äwwäiñe wa’deuwödö weijäcä.

JUAN 21:17

Yaawä Jesuuquidiito cöneecamma’joi chea aaduwaawädeeto ai: —Simón, Joná nnedö, ¿cujummaanä amäädä? quee cönä’döaacä chäwwä. Peedhodo wentumje cönä’döjoi yaawä aaduwaawäde täcamma’jo’jödö weijäcä, “ ¿cujummaanä?” quee. Töwö cönä’döaacä: —Cajiichaana, amäädä tameedä odhoowanääcä na; odhoowanääcä ajummatä weichö; quee cönä’döaacä Peedhodo. Yaawä Jesuuquidiito cönä’döaacä: —Yääje yeiya’jäcä sootoi ewanshinchocooto’de, ñanno oweeja nönga’como.

2 CODINTIYO 7:11

Änwanno Wanaadi woijato que cone’da mä’döjootäne. Yää aweeconeeca’seiñe ayöödöjootäne yaawä, chäänönge awei’sheiñe ayöödöjootäne dea; conemjönö jäcä adheetömaajotääne, adheecatoncatääne dea. Yaawä yeene’se mä’ja’quene; ñäädä yää conemjönö tödöönei yäätuuja’se mmaja ayöödöjootäne dea yää Wanaadi woijato que cone’da mä’döjootäneedö. Tameedä mädä chäänönge aweichöcoomo neneeja.

2 CODINTIYO 7:12

Yääje yeijäcä äwwadäädäiñe wimennäne ñäädä conemjönö dönei jäcäinchädä’da, ñäädä chääjäcä conemjönö cönnöichö jäcäinchädä’da mmaja; yää wimennäne odhoowanääcäiñe yeichö wetä Wanaadi owaadäädä ñaa jummatä aweichöcoomo.

2 CODINTIYO 7:6

Yääje yeichaame Wanaadi ñaa jädu’täne ñaa döiña Tiito enno’jadö que. Wanaadi ñäädä yä’yunaacajaajä jädu’tänei.

2 CODINTIYO 7:7

Tiito wä’dö’jödö jäcä mma’da ta’cwaiñe ñaa cönä’jaacä, äjääcäiñe ta’cwaiñe töwö yeijäcä mmajaane. Töwö ñaa wwä cöneecammajäätöi ñaa ene’se aweichöcoomo, wentumje aweichöcoomo mmaja, jummatä aweichöcoomo mmaja. Yää etaadö’jo jooje’cä ya’cwainchane yaawä.

2 CODINTIYO 7:9

Yääje yeijäcä ta’cwaiñeene wa, cone’da äwä’döjo’jocoomo jäcäinchädä’da yeichaame, aweeconeecadööcomo jonaane cone’da äwä’döjo’jocoomo weijäcääne. Wanaadi woijato que cone’da mä’döjootäne; yääje yeijäcä cone’da’da cöneiyacä yää.

APOOCADIISI 3:19

Tameedä umjummadö wiyäätuujaato; wichuuseijaato dea. Yääje yeijäcä ta’neene eichä; ätö’tajäätödö sha’duminchacä.