2 CODINTIYO 7:11 - Wanaadi A'deddu

¹¹ Änwanno Wanaadi woijato que cone’da mä’döjootäne. Yää aweeconeeca’seiñe ayöödöjootäne yaawä, chäänönge awei’sheiñe ayöödöjootäne dea; conemjönö jäcä adheetömaajotääne, adheecatoncatääne dea. Yaawä yeene’se mä’ja’quene; ñäädä yää conemjönö tödöönei yäätuuja’se mmaja ayöödöjootäne dea yää Wanaadi woijato que cone’da mä’döjootäneedö. Tameedä mädä chäänönge aweichöcoomo neneeja.

2 CODINTIYO 7:11 ပူးပေါင်းရင်းမြစ်များ

MAADOCO 3:5

Yaawä Jesuuquidiito ñanno cöneene’ma’to cone’da töweichö que. Töwö wentumje cönä’jaacä eta’se’da yeichomjäcä. Töwö cönä’döaacä dhamäädö töwaamo’mongato wwä: —Änwojoocä; quee. Ñäädä cönänwojoi; dhamäädö aashicha cönä’döi yaawä.

JUAN 2:17

Yaawä ñoowanoomadö cöntö’taicho Wanaadi a’deddu imennaajä jäcä. “Äämajai tödööene ämmai jäcä tö’neiñe wäänene;” queeto jäcä cöntö’taicho.

DOSECHO 17:16

Yaawä Ateena ña Siida womoocödaawäiñe Paudo cone’da cönä’jaacä jooje chu’taajä döjä’ajä yeijäcä yää jataawä.

DOMAANO 11:20

Yääje mma’ne; tönwanno cönaataco’joicho aneecamjö’da töweichöcoomo jo’tädööje. Amäädä mmaane ecamjödö que mma adhaatötaane, mädä eduuwa maadö. Yääje yeijäcä o’jodhe chö’tajä’jai’cha ma; tönontä mmaane ñontäjai ma.

DOMAANO 14:18

Ñäädä mädä tödööancädä Quidiito wwä tödöönei, Wanaadi na’cwaima, soto wacö’jeiñe mmaja.

DOMAANO 3:5

Edääje anejjacoomo soto töwä’döe weneeneto: “Cönwanno conemjönö cönnödööcomo que aashicha Wanaadi weichö queenejaato;” quee. Yääje yeijäcä ¿chäänönge’da ca Wanaadi ñai yää conemjönö jo’tädööje soto tömmamincha yeijäcä?

1 CODINTIYO 12:25

äänönge’da yeichö queiñe, tameedäädääne ätäncano’täiye.

1 CODINTIYO 5:2

Mädä nöngato adhantawäiñe yeichaame o’jodhe tötö’tajä’e määnetääne, töwaamoone aamojai aweichaameiñe. Ñäädä yääjato u’cajai maato ajaadäiñe yeichö jonno.

2 CODINTIYO 13:7

Wanaadi wwä töwa’deuwe ñaa weneene conemjönö ännö’da aweichöcoomo wetä. Aashicha ñaa weichö ecaademe’jodö jäcäinchädä’da yääje Wanaadi wwä töwa’deuwe ñaa weneene, chäänönge aweichöcoomo wetä mmädääne, anejjacoomo wwä ñaa ementätaame.

2 CODINTIYO 2:6

Chääwa’cä ñäädä michuuseijatääne, awe’jummadööcomo’jo chääjäcä adha’deutäneedö.

2 CODINTIYO 6:4

Wanaadi anoonöje töweichö töwäänejo ñaa weneene tameedä ñaa weichö jäcä, aashicha töwääta’maminchajoodö shinchädö que, aashicha töwäntunamjödö shinchädö que mmaja, tameedä conemjönö awä mmaja,

2 CODINTIYO 7:1

Mädääje na jimmä umjummadö; mädääje cöwwäiñe Wanaadi necamma’jödö na. Yääje yeijäcä quiichoccatäiye cöcoone’maneichomoojato, yää cäjööcomo choone’majaicho, cötö’tajäätödööcomo choone’majaicho mmaja. Wanaadi ñontancädä chäänönge jeene cä’tutäiye chäwwä.

2 CODINTIYO 7:7

Tiito wä’dö’jödö jäcä mma’da ta’cwaiñe ñaa cönä’jaacä, äjääcäiñe ta’cwaiñe töwö yeijäcä mmajaane. Töwö ñaa wwä cöneecammajäätöi ñaa ene’se aweichöcoomo, wentumje aweichöcoomo mmaja, jummatä aweichöcoomo mmaja. Yää etaadö’jo jooje’cä ya’cwainchane yaawä.

2 CODINTIYO 7:9

Yääje yeijäcä ta’cwaiñeene wa, cone’da äwä’döjo’jocoomo jäcäinchädä’da yeichaame, aweeconeecadööcomo jonaane cone’da äwä’döjo’jocoomo weijäcääne. Wanaadi woijato que cone’da mä’döjootäne; yääje yeijäcä cone’da’da cöneiyacä yää.

2 CODINTIYO 9:2

yoowanääcä yeijäcä änwanno deaane tödö’se aweichöcoomo. Mädääje dea aashicha adheecammajä’täiñe wäänene Maasedooniya ñancomo wwä. Edääje töwä’döe wäänene chäwwäiñe: “Ñanno Acaaya ñancomo awa’de wedu cönä’ja’dö awooto’jödöödä chäänönge naato mädä tödöödö jäcä;” quee töwä’döe wäänene äjääcäiñe. Yää tödö’se aweichöcoomo eta’jäcä canno Maasedooniya ñancomo mmaja tödö’se naato dea eduuwa.

EUJEESIYO 4:26

Äwäätömaadawäiñe conemjönö männötäi yää e’nei. Töwäätömaadä mma ano ñadäädoto mämja’do’jotäi’che.

EUJEESIYO 5:11

Tööjano’tacancomo nödöödö mma männötäi’che änwanno, yää döneijönö; täcaademe’jo mmaane ecaademe’jotääcä.

JIDIIPENSE 2:12

Yääje yeijäcä, jimmä umjummadö, ajaadäiñe weichö öwö woije tönnöe mä’ja’quennöje dea eichäcä, jooje’cä mmaane eduuwa ajaadäiñe’da weijäcä. Töwääwanaaca aweichöcoomo jäcä oowoinchatääcä, o’jodhe ätö’tajä’ancädäiñe’da, tönoiñe äneetä aweiyancädäiñeene.

1 TEESADOONISENSE 4:6

Anejja conemjönö ännöi’che töweichacoono jiñamo jäcä. Cädhaajotoncomo nimaamincha’de tameedä yää nöngato conemjönö tödöönei. Mädääje dea töneecammajä’e ñaa töweiye cönä’jaacä äwwäiñe, äwäätuujadööcomooje.

1 TIIMOTEO 5:20

Ñanno ansiyaano cönemjönö dödööje dea’como yäätuujacooto tameedä tätaamöje, anejjacoomo ääcatoncaiyeto yaawä.

2 TIIMOTEO 2:15

Chäänöngato wetaadawa’cajoodöje aweichö Wanaadi wwä äwäänejootojo encano’täcä, töjöiye’da meiye dhowaadäädä, sa’donna ecammajä’ancädä a’deu chäänöngato.

TIITO 3:8

Chäänöngato mädä; yääje yeijäcä jäduuje töneecammajä’e awei’she wa mädä jäcä, ñanno Wanaadi ecaanö’nnamo aashichaato tödönnamooje yeichöcoomo wetä. Yääje weiñä aashicha na, tujunne mmaja, tameedä soto wwäiñe.

EEWEDEO 4:1

Yääje yeijäcä cowoinchadäiñe’da queichäiye, Wanaadi nutuudu wäädeetatoojo ecammaajä cöwwäiñe yeichaame mma anejja adhantawäiñe aneemaicha’no.

SANTIYAACO 3:17

Dha’daane ñäädä caju ñano sejje ’jano. Masuuduije’da töwö, ätäuwö’da mmaja, aashicha soto tönnöe mmaja, soto jäcäiñe ta’cwaiñe mmaja, töweichacoono wa’deuwödö eta’se’da’da mmaja, wentumje äneetä mmaja, aashichaato tönnöe mmaja, ätäncu’tä’da mmaja. Yääjönö wa’cä äänejo’da mmaja na dea ñäädä caju ñano sejje ’jano.

1 PEEDHODO 1:17

Ñäädä Wanaadi äänöngeiñe soto tönemmenca weneene, iiñö’jocoomo woije mma. Yääje yeijäcä ñäädä Wanaadi oomotoncomooje e’ta’jäcä äwwäiñe, töwö ñontätääcä edä nono de’wä aweichöcoomo wadaadäädä.

1 PEEDHODO 2:2

Mude’cä’cä ennueenö shuushu tumjumma töweiye naichöje mmaja Wanaadi a’deddu chäänöngato ijummatääcä, yää que maatö’nä’täiye, tadoiñe odo’tadööcomo weichö wetä,

JUUDHA 1:23

Anejjacoomo ’quene ewaanacaatäcä, wa’to o’wawonno ijiiñadö töweiye naichöje. Anejjacoomo mmaane wentumje ene’matääcä, odhoowadäädäiñe aweiyancädäiñeene, yoomöcoomo jadä’jödöödä ñontancädä, yää conemjönö iiñödööcomo que yeecodoimaajä.

APOOCADIISI 3:19

Tameedä umjummadö wiyäätuujaato; wichuuseijaato dea. Yääje yeijäcä ta’neene eichä; ätö’tajäätödö sha’duminchacä.