2 CODINTIYO 7:10 - Wanaadi A'deddu

¹⁰ Yää Wanaadi woijato que cone’da wä’döjoonä tötö’tajäätödö wesa’duminchadö nejoodöja; yää neja’ca yaawä wääwanaacatoojoje. Mädä nöngato que cone’da wä’döjoonä cone’da tödööemje’da na. Edä nono de’wono woijato que cone’da wä’döjoonä mmaane wäämanä nejoodöja.

2 CODINTIYO 7:10 ပူးပေါင်းရင်းမြစ်များ

MATEO 26:75

Yaawä Peedhodo cöntö’tai töwwä Jesuuquidiito wa’deuwö’jödö jäcä: “Wameedi wetöömödö owaajo amäädä aaduwaawäde cöjoome’da’de;” quee yä’dö’jödö jäcä. Jödo’na cöneeja’cai yaawä; wentumje cönaamoaacä.

DUUCA 15:10

Chäänönge yääje wä’döa äwwäiñe, ñäädä wodi ta’cwaiñe cönä’ja’döje mmaja Wanaadi amoodedö caju ñancomo töwa’cwaincha weneeneto dea tooni conemjönö tödöönei wwä tötö’tajäätödö sha’dumincha’jäcä; quee cönä’döaacä Jesuuquidiito.

DUUCA 18:13

Ñäädä acu’shänä jödaatai i’jummanei mmaane amoinche cönä’jaacä; caju wwadäädä ene’se’da’jödö jadäädä. Tu’dhe mma cönä’jaacä. Wentumje cöna’deuwacä; cönä’döaacä: “Amäädä Wanaadi, wentumje cäneecä, öwö conemjönö tödöönei;” quee cönä’döaacä ñäädä acu’shänä jödaatai i’jummanei.

DOSECHO 11:18

Yaawä yää eta’jäcä Jeduusadén ñancomo quedeiyentecoomo cöneeta’jöjäätöicho; aashicha cöna’deuwa’to yaawä Wanaadi jäcä. Tönwanno cönä’döa’to: —Judhíojöncomo wwä mmaja Wanaadi cuntui chea chö’tajäätödööcomo sha’duminchatoojo, yääwanaacadööcomo wetä; quee cönä’döa’to.

DOSECHO 3:19

Yääje yeijäcä ätö’tajäätödööcomo sha’duminchatääcä, Wanaadi wwadäädääne ä’jedennacaatäcä, ocoone’nadiiyöcoomo ecoccaiye. Yaawä Wanaadi nu’a’de äwwäiñe ta’cwaiñe aweicho’como.

2 CODINTIYO 12:21

Adöiñaiñe ööta’jäcä Wanaadi odhoowadäädäiñe cone’da yöödöjoojai chö’tadö na, aamojai tö’ta yaawä ñanno jenaadä conemjönö tödöödö jäcä cönaajäntoichodö jäcä, töcoone’nadiiyöcoomo ane’nomja’da yeichomjäcä, yää masuuduije yeichöcoomo.

2 CODINTIYO 7:9

Yääje yeijäcä ta’cwaiñeene wa, cone’da äwä’döjo’jocoomo jäcäinchädä’da yeichaame, aweeconeecadööcomo jonaane cone’da äwä’döjo’jocoomo weijäcääne. Wanaadi woijato que cone’da mä’döjootäne; yääje yeijäcä cone’da’da cöneiyacä yää.

EEWEDEO 12:17

Yää ’jeje odhoowanääcäiñe Esaú wei’jödö yaawä yää aashichaato tacoono wwä töneecamma’jödö tumö wwä e’catä’se cönä’ja’dawä; töwo’joomajo mma cöno’joomajoi yaawä. Jooje töwaamo’jödö weichaame tönnö’jödö inwacaamatoojo aneejodö’da cöneiyacä.