2 CODINTIYO 6:8 - Wanaadi A'deddu

⁸ Aneedawä aashicha ñaa dötä soto weneeneto, aneedawä ’quene ñaa tu’de’tätä; aneedawä aashicha ñaa jäcä töwa’deuwe weneeneto, aneedawä ’quene cone’da. Aneedawä äncu’tännamooje ñaa e’tätä weneeneto, aneedawä chäänönga’comooje.

2 CODINTIYO 6:8 ပူးပေါင်းရင်းမြစ်များ

MATEO 10:25

Ñäädä towaanomaamö towaanomaanei weichö nönge töwä’dödö mma ijummajai ñai, cho’jodheene’daane. Chäänönge mmaja dhanoonö, tädhaajä weichö jäcä daja. Ñanno soto Caajuushawaaje chäädhajootoncomo cöne’toicho; töwaacö’je mma shootoi cone’da e’täjai ñaato.

MATEO 22:16

Tönwanno jaadiseeo tönoowanoomadö cönenno’jaicho yaawä Jesuuquidiito döiña, Edoodhe sotoi jadäiñe. Ñanno cönä’döa’to Jesuuquidiito wwä: —Owaanomaanei, ñaa owaanäcä na chäänöngatooje aweichö, Wanaadi a’deddu jäcä chäänönge tönoowanooma aweichö mmaja. Ooto’jodhe soto ännö’da ma amäädä, ye’wono woije mma anemmenca’da aweijäcä.

MATEO 27:63

cönä’döa’to chäwwä: —Cajiichaana, tötö’ta ñaa na ñäädä töwä’dunaato wä’dö’jödö nudä töweichö: “Aaduwaawä anoototo ai waadonca’de;” quee yä’dö’jödö.

MAADOCO 12:14

Jesuuquidiito döiña töwä’döa’comjäcä ñanno cönä’döa’to chäwwä: —Owaanomaanei, ñaa owaanäcä chäänöngatooje aweichö. Ooto’jodhe soto ännö’da ma amäädä, ye’wono woije mma anemmenca’da aweijäcä. Wanaadi a’deddu jäcä chäänönge tönoowanooma amäädä. Edääje adheecamma’jo’se ñaa na: ¿Aashicha eijai ñai jödaata utuudu acu’shänä wwä, cone’daane? ¿Aaquene eijai ñai, tu’e, tu’e’daane? quee cönä’döa’to Jesuuquidiito wwä.

JUAN 7:12

Jooje soto cöna’deuwa’to chääjäcä. Anejjacoomo cönä’döa’to: “Aashichaato töwö;” quee; anejjacoomo ’quene cönä’döa’to: “Cone’da töwö, soto täncu’täiñe;” quee daja.

DOSECHO 10:22

Ñanno cönä’döa’to yaawä chäwwä: —Conneediyo woije ñaa neejä, ñäädä suddau edhaajotoncomo. Aashichaato töwö, Wanaadi tönoiñe töneene. Tameedä judhíocoomo aashicha töwa’deuwe weneeneto chääjäcä, tumjumma mmaja. Wanaadi amoodedö chäwwä cönä’döaacä: “Peedhodo ene’jocä’de adöiña, chäwwä ecammajäätödö metaiye;” quee cönä’döaacä ñäädä amoode; quee cönä’döa’to ñanno Conneediyo sotoi.

DOSECHO 16:39

Tönwanno cöntonto yaawä Paudo, Siida döiñaiñe yää chääjäcäiñe tönnö’jocoomo encwanno’jojoodö wetä. Cunu’caicho yaawä; töjaatädööcomo jonno enno’jadööcomooje mma.

DOSECHO 22:12

“Yäätä cönä’jaacä dhanwa, Aananíaje chäätö. Ñäädä tönnöe cönä’jaacä tameedä Moisé waanontä’jödö woije. Tameedä judhíocoomo Damaacu ñancomo aashicha töwa’deuwe cönä’ja’to chääjäcä.

DOSECHO 24:5

Määdhä dhanwa aquimmatä weneene; tameedä yeichö wa’cä judhíocoomo töni’jedäiñe weneene. Töwö dea ñanno naasadeenocoomo edhaajotoncomooje na.

DOSECHO 28:22

Eta’se ñaa na äwäätunnäi. Tacaade ñaa wwä na tameedä yeichö wa’cä cone’da töwa’deuwe yeichöcoomo mädä eduuwaatoje weichojo jäcä; quee cönä’döa’to.

DOSECHO 4:21

Yaawä ñanno soto cajiichaanaichomo töwwäiñe Peedhodo euwö’jejeiñe cönenno’jaicho. Tönwanno imaaminchajaiñe’da cönä’ja’to tameedä soto aashicha töwa’deuwe yeichomjäcä Wanaadi jäcä, yää cöneeja’dätäichö jäcäinchädä.

DOSECHO 5:13

Anejjacoomo soto mmaane tösaade töweiye cönä’ja’to, chääjadäiñe töwoojodö’seiñe’da. Yääje yeichaame tameedä soto wacö’comje ñanno quedeiyentecoomo cönä’ja’to.

DOSECHO 6:3

Yääje yeijäcä ajimmotoncomo aneedantätääcä aacä amoojato dhanwaacomo, aashicha’como chääcadö dea, towaanojo’na’como, Epíiditu Santo jäduudu ’ja’como mmaja. Ñanno wwäiñe mädä tödööjotääcä.

DOMAANO 3:8

chäänönge’da mädääje chö’tajä’jai wa. Chäänönge yääje tö’tajä’nä ei’jo mmaane edääje ä’döjai caato yaawä: Jooje’cä conemjönö cöödötäiye, jooje’cä aashichaato äänejoiye; quee ä’döjai caato, chäänönge’da mmädä. Mädääje soto tönoowanoomaiñe ñaa ecammatä weneeneto, jönaawä mmädä. Mädääja’como wä’dödö chäänönge nätä’maminchajaato’de.

2 CODINTIYO 1:18

Wanaadi dhowaanäcä na äwwäiñe ñaa wa’deuwödö aacääne’da yeichö; “ee” queeto de’wä “ng’jn” ca’da ñaa.

2 CODINTIYO 11:21

Ñaa mmaane jäduujemjönö nönge ñaa cönä’jaacä mädä tödöödö jäcä; jöichöje na eduuwa yääje wei’jödö. Tö’jecaato wa’deuwödö nönge ya’deuwa eduuwa; anejja yä’wa’deme’tojo töweiye yeiya’jäcä töwaacö’je öwö.

2 CODINTIYO 12:16

Änwanno odhoowanääcäiñe äwwäiñe ätäädai’chojo’da wei’jödö; yääje yeichaame dhantai änwanno adheemu’nä’ancädäiñe öwwä adhencu’to’jocoomo töne’tä määnetääne.

2 CODINTIYO 4:2

Tameedä chäänönge’da weiñä töjo’ma na ñaa wwä, yääjönö wa’cä wäänejoonä mmaja. Ätäncu’tä’da mmaja ñaa na dea, Wanaadi a’deddu äncamjiyaaca’da mmaja. Chäänöngato mmaane töneecammajä’e ñaa weneene. Mädääje täcaadö tönnöe ñaa weneene Wanaadi owaadäädä; tameedä soto ñaa weichö chö’tammecöiyeto yaawä.

1 TEESADOONISENSE 2:3

Yää ñaa töneecammajä’e cönä’ja’dö äwwäiñe, ñaa wätäncu’tojo’jödööjönö cönä’jaacä. Conemjönö jäcä tötö’tajä’ancädä’da mmaja ñaa odhoowanoomatääne, adhencu’tädööcomooje’da mmaja.

1 TIIMOTEO 3:7

Ñäädä ansiyaano aashicha täcaadö etaajojai ña quedeiyentejöncomo wwäiñe, töjääcä cone’da ya’deuwödööcomo queiñe, odo’sha wwä ätäncu’tojo’no yaawä.

1 TIIMOTEO 4:10

Mädä jäcäinchädä dea töweetadaawa’cajo cäänetääne, töwäätana’tojo cäänetääne dea, Wanaadi nudooto ecamjödö weijäcä cöwwäiñe, ñäädä tameedä soto Ewaanacaaneichomo, töwaacö’je ñanno täcaanö’nnamo.

EEWEDEO 13:13

Yääje yeijäcä Jesuuquidiito wwadäädä cöötätäiye cönwanno, jata tö’cäi; töshinchääne quiishinchätäiye Jesuuquidiito jo’tädööje cöquiiñemeecödööcomo.

1 PEEDHODO 4:14

Jesuuquidiito ecamjödö jo’tädööje aquiiñeme’ca’comjäcä, ta’cwaiñe eijai maato, Epíiditu Santo aashichaato äjääcäiñe yeijäcä. Tönwanno cone’da töwa’deuwe weneeneto Jesuuquidiito jäcä, änwanno mmaane aashicha chääjäcä töwa’deuwe määnetääne.

3 JUAN 1:12

Tameedä soto aashicha töwa’deuwe weneeneto Demeetediiyo jäcä; chäänönge weiñä woije töwö weneene. Ñaa mmaja ñaa owaanäcä na dea chäänönge yeichö. Änwanno odhoowanääcäiñe na chäänönge ñaa necammadö yeichö.

APOOCADIISI 3:9

Öwö wene’jaato’de ñanno Caajuushawa sotoi, judhíoja’como wätä’tädö, ñannoje’da töweichaameiñe, äncu’tännamoojeene. Ñanno wene’jaato’de äwwadäädä; tä’mudhe wödööjaato’de aje’taca, dhowaanäcäiñe yeichö wetä öwwä ajummadö.